Skip to main content

डम्पलिंग (Dumpling)

लेखक अनन्या वर्तक यांनी गुरुवार, 16/01/2014 02:12 या दिवशी प्रकाशित केले.
साहित्य: Ground Chicken कांदा हिरवी मिरची कोथिंबीर आले लसूण पेस्ट वरील सर्व घटक चांगले मिक्स करावेत. कृती: भांड्यात तेल घेवून त्यात वरील मिश्रण stir fry करून घ्यावे आणि त्यात काळेमिरी आणि मीठ तुमच्या आवडी प्रमाणे घालावे. आवरणासाठी: मैद्या मध्ये मीठ घालून कणिक मळून घ्यावे. त्याचे छोटे गोळे करून पातळ लाटून घ्याव्यात. त्यात हे मिश्रण करंजीसारखे भरावे आणि बंद करावे. बांबू स्टीमर असल्यास त्यात हे Dumplings ठेवावे आणि वाफ येऊ द्यावी. हे Dumplings टोमॅटो, तीळ आणि लसूण यांच्या चटणी बरोबर खावे. English शब्दांना मराठीत काय म्हणतात ते मला माहीत नाहीए त्यामुळे क्षमस्व. शुद्धलेखनाच्या चुकांसाठी क्षमस्व. Dumplings चे सगळे श्रेय आकाश ला आणि त्याच्या मदतीला. Image 01 Image 0२ Image 0३ Image 0४ Image 0५ Image 0६ Image 0७ Image 0८
वाचने 27997
प्रतिक्रिया 54

प्रतिक्रिया

प्यारे१ गुरुवार, 16/01/2014 02:41
चिकन ऐवजी कॉलिफ्लॉवर/ पनीर/ फरसबी बारीक चिरुन/ मशरुम... घाला काहीपण! असं चालेल का?

प्रभाकर पेठकर गुरुवार, 16/01/2014 12:11
बांबूच्या टोपला विणणार्‍या कुठल्याही कारागिराकडे (अगदी रस्त्याच्या कडेलाही) झाकणवाली टोपली मिळू शकेल. न मिळाल्यास दोन उथल टोपल्या घेऊन त्यात एकीत डंपलिंग्ज आणि दूसरी झाकण म्हणून वापरता येईल.

सुबोध खरे गुरुवार, 16/01/2014 12:31
गारुड्याची टोपली शोध नाही तर जे डी ला विचारा. त्याच्या कडे एखादी अतिरिक्त टोपली असेल( साप नाही बघून घ्या)

त्रिवेणी गुरुवार, 16/01/2014 20:39
पेठकर काकांची आणि तुमची आयडिया छान आहे. जेडीनाच सांगते without साप एक टोपली द्यायला.

मुक्त विहारि शुक्रवार, 17/01/2014 13:34
उगाच, एखादा मण्यार किंवा नाग पाठवू नये, ही विनंती.

llपुण्याचे पेशवेll गुरुवार, 23/01/2014 10:07
कदाचित शिजल्यावर मण्यारीपेक्षा नाग चांगला लागत असेल.

प्रभाकर पेठकर गुरुवार, 16/01/2014 12:20
दिपक, >>>>बांबू स्टीमर नसेल तर मोदक किंवा ईडली पात्रात पण हे उकडु शकतो. कल्पना चांगली आहे. न मागताच एक सुचना करू इच्छितो. प्रत्येक डम्पलिंग खाली एक एक केळीच्या पानाचा तु़कडा ठेवला डम्पलिंग इडली पात्राला चिकटणार ही नाहित आणि एक छान सुगंध येईल.

अनन्या वर्तक गुरुवार, 16/01/2014 20:55
केळीच्या पानाबरोबरच हळदीची पाने सुधा चालतील आणि खरच मस्त सुगंध येईल.

आदूबाळ गुरुवार, 16/01/2014 12:37
मोमो!! जीव अर्धा अर्धा झाला अक्षरशः! माझा एक आसामी मित्र याबरोबर खाण्यासाठी टोमॅटो आणि लाल मिरच्या घातलेली "टेगांझा" की अश्या काहीतरी नावाची चटणी करायचा. ती इतकी तिखट असायची की आम्ही टोचून टोचून खायचो पण तो श्रीखंड खाल्ल्यासारखी खायचा!

प्रभाकर पेठकर गुरुवार, 16/01/2014 17:46
>>>>ती इतकी तिखट असायची की आम्ही टोचून टोचून खायचो पण तो श्रीखंड खाल्ल्यासारखी खायचा! नंतर रात्रभर काजव्यासारखा फिरत असेल.

अनन्या वर्तक गुरुवार, 16/01/2014 21:06
बरोबर आहे माझ्या ऑफिस मधील एक चायनीज मैत्रीण ह्या बरोबर प्रचंड तिखट अशी टोमॅटो आणि लाल मिरच्या घातलेली चटणी खात असते. मला वाटते Sriracha sauce पण टाकत असतील म्हणून इतकी तिखट चव असेल.

आयुर्हित गुरुवार, 16/01/2014 21:15
खूप छान आहे ही पाकृ! घरी करून पाहता येईल! मुलांना नक्कीच आवडेल हो! अजून येऊ द्या अशाच नवीन पाक्रु!!!! आपला मिपास्नेही :आयुर्हीत

अनन्या वर्तक शुक्रवार, 17/01/2014 01:00
सानिकास्वप्निल, दिपक.कुवेत, गणपा, जागु, प्रभाकर पेठकर आणि Mrunalini तुमच्या पाककृती नेहमी पाहूनच मला आपणही काही नवीन प्रयोग करून पाहावे असे विचार मनात येऊ लागले. बनविलेला पदार्थ तेवढ्याच उत्तम रीतीने सादर सुधा करावा हि गोष्ट मला तुमच्या पाककृती पहाताना समजत गेली. त्याबद्दल तुम्हा सगळ्यांचे धन्यवाद.

मुक्त विहारि शुक्रवार, 17/01/2014 21:50
"बनविलेला पदार्थ तेवढ्याच उत्तम रीतीने सादर सुधा करावा हि गोष्ट मला तुमच्या पाककृती पहाताना समजत गेली." हे असेच सुंदर सादरी करण तुम्ही ह्या आधी पण केले आहेच की.... http://www.misalpav.com/node/24544 आम्हाला ते लोणचे बनवायला अद्याप वेळ मिळालेला नाही, हेवेसांनल.

समीरसूर शुक्रवार, 17/01/2014 23:02
खूप सुटसुटीत पाककृती! अनन्या, डम्पलिंग्ज बघून तोंडाला पाणी सुटलयं. आकाश पाककलानिपुण झालेला दिसतोय. फोटो देखील उत्तम आलेले आहेत. फेसबुकावर देखील पाहिले. :-) पुढील लिखाणासाठी शुभेच्छा! आणि नक्कीच लिहित रहा.

jaypal बुधवार, 22/01/2014 19:10
पाकक्रुती करताना प्रमाण महत्वाचे असते. आपल्या लेखात ते काही कळत नाही. फक्त वस्तुंची नावे आहेत. चट्णी बनवताना चा प्रमाणा सहित तपशिल द्या

अनन्या वर्तक गुरुवार, 23/01/2014 02:42
jaypal मी इथे टोमाटो चटणीची पाककृती देते आहे आणि वरती सुद्धा add करते. Dumpling हे बहुतेकदा Sriracha Sauce किवा Soy-Ginger Dipping Sauce बरोबर देतात. मी माझ्यासाठी ही कमी तिखट Dipping Sauce ची पाककृती बनवली आहे. पण ज्यांना तिखट खावयास आवडत असेल त्यांच्यासाठी वरील दोन्ही Sauce एकदम छान. चटणी: एक टोमाटो दोन पाकळ्या लसून एक चमचा तीळ चवीनुसार जिरे पूड चवीनुसार मीठ आणि काळेमिरी प्रथम एका नॉन स्टिक भांड्यात थोडे तेल तापवावे. तेल तापल्यावर त्यात लसुन, तीळ व जिरे टाकावे थोड्या वेळाने चिरलेले टोमाटो टाकावे. थोडे शिजल्यावर वरून चवीप्रमाणे मीठ आणि काळेमिरी टाकावे. हे सर्व मिश्रण थंड झालं कि गरजेनुसार पाणी घालुन मीक्सरमधे त्याची पेस्ट करुन घ्यावी आणि तिखट हवे असेल तर Sriracha sauce किवा लाल मिरच्या आवडी प्रमाणे वापरू शकता.

अनन्या वर्तक गुरुवार, 23/01/2014 02:50
समीर धन्यवाद. अगदी बरोबर आकाश पाककलानिपुण झालेला दिसतोय आणि म्हणूनच माझा स्वयंपाक घरातील वावर थोडा वाढला आहे. त्याची मदतनीस म्हणून......

अनन्या वर्तक गुरुवार, 23/01/2014 02:59
राही (लाडू वळतात. डम्प्लिंग्सच्या बाबतीत काय करतात?) डम्प्लिंग्सना आपण वेगवेगळे आकार देवू शकतो आपल्या आवडी आणि सोयी प्रमाणे. इथे आहेत

गणपा गुरुवार, 23/01/2014 03:44
अनन्या फोटो अतिशय सुरेख आलेत. पाककृती ही मस्तच. बांबूपात्र तर फार्रच आवड्ल्या गेलं आहे. इथे मिळत नाही कुठे हे असलं. :(

अर्धवटराव गुरुवार, 23/01/2014 07:32
अहो मग खजुराच्या टोपल्या वापरायच्या. हा.का.ना.का. मग.. कधि येऊ हादडायला? :D

इरसाल गुरुवार, 23/01/2014 14:49
यु आर माय डम्प्लिंग डम्प्लिंग तु मेरा मोमो मोमो.

पिलीयन रायडर मंगळवार, 02/08/2016 07:55
आज करुन पाहिले हो. तुमच्या इतकं सुंदर करायला जमले नाहीत. मी कणिकेचे केले होते. आणि सारण कोबी, गाजर, कांदापात, मिरपुड इ होतं. momo

बरखा मंगळवार, 02/08/2016 15:36
>>>>बांबू स्टीमर नसेल तर मोदक किंवा ईडली पात्रात पण हे उकडु शकतो. मी व्हेज डम्पलिंग ईडली पात्रात केले आहेत. अगदी वरिल फोटोत दिसताहेत तशीच झाले होते. मी मश्रुम, पनिर, कॉर्न हे घटक वापरले होते.