Skip to main content

लहसूनी दाल / लसणीचं वरण

लेखक सानिकास्वप्निल यांनी सोमवार, 13/01/2014 23:14 या दिवशी प्रकाशित केले.
साहित्यः छोटी १/२ वाटी तूरीची डाळ छोटी १/२ वाटी मुगाची डाळ ५-६ लसूण पाकळया (जरा जास्तं घेतले तरी चालेल, इथे पाकळ्या मोठ्या असतात) १/२ टीस्पून मोहरी १/२ टीस्पून जीरे २-३ लाल सुक्या बोर मिरच्या (साध्या मिरच्या वापरल्या तरी चालतील) ३-४ कढीपत्ता पाव टीस्पून हिंग १/२ टीस्पून हळद १/२ टीस्पून लाल तिखट मीठ चवीनुसार बारीक चिरलेली कोथींबीर . पाकृ: तूरीची व मुगाची डाळ स्वच्छ धुवून १५-२० मिनिटे भिजत ठेवावी. त्यात थोडी हळद, किंचित हिंग व एक पाकळी लसूण ठेचून घालावी. डाळ कुकरला चांगली शिजवून घ्यावी. शिजवलेल्या डाळीत हळद व लाल तिखट घालून चांगली घोटून घ्यावी. आवश्यकतेनुसार पाणी घालून डाळीला उकळी काढावी. चवीप्रमाणे मीठ घालावे. वरणाला उकळी फुटली की गॅस बंद करावा. . बुट्टीत तेल किंवा साजूक तूप गरम करुन मोहरी, जीरे, कढीपत्ता, बोर मिरच्या व हिंग घालून फोडणी करावी. त्यात उरलेला लसूण, ठेचून घालावा व तो तांबूस रंगावर परतावा. ही फोडणी वरणावर ओतावी झाकून १० मिनिटे ठेवावी. सर्व्ह करतेवेळी वरुन कोथींबीर पेरावी. . लहसूनी दाल जीरा राईस किंवा स्टीम्ड राईसबरोबर सर्व्ह करावी. सोबत कुरकुरीत कारल्याच्या काचर्‍या असल्या तर अहाहा!! .
वाचने 17980
प्रतिक्रिया 41

प्रतिक्रिया

आनन्दिता मंगळवार, 14/01/2014 01:45
झाली का तुझी सुरुवात...जेट लॅग वैग्रे भानगडी नसतात काय तुमच्यात.. इथे भुकेने पोटात कावळे कोकलतायत अन काय तर म्हणे लसुनी दाल :-/ :\ :-\

शिद मंगळवार, 14/01/2014 02:27
वाफाळत्या भाताबरोबर एकदम झकास लागेल...

प्रभाकर पेठकर मंगळवार, 14/01/2014 02:47
डाळ आणि भाताशिवाय जेवण पूर्ण होतच नाही. त्यात लसूणी डाळ असेल तर भात जरा जास्तच हवा. जेवून हात धुतल्यावरही हाताच्या बोटांना बिलगलेला लसूणी डाळ (आणि जिर्‍याचा) सुगंध उच्च समाधान मिळवून देतो. करतो उद्याच.

रेवती मंगळवार, 14/01/2014 02:49
व्वा! मस्तच! फोटू, कृती सगळे छान आहे पण कारल्याच्या काचर्‍यांचा उल्लेख केल्याने आधी बाजारात जाऊन कारली आणावी लागतील्........नाही नाही, शोधावी लागणार नाहीत, सहजपणे मिळतात आमच्याकडे, पण आता ही दाल करायची म्हणजे कारली हवीतच असे समिकरण झाले आहे. ;)

प्यारे१ मंगळवार, 14/01/2014 02:54
ब्रेक के बाद फिर पेश है! 'सानिका'ज किचन' ! ठेचलेल्या लसणापेक्षा आडवे बारीक काप केलेला लसूण चांगला लागेल का?

कपिलमुनी मंगळवार, 14/01/2014 12:45
>>ठेचलेल्या लसणापेक्षा आडवे बारीक काप केलेला लसूण चांगला लागेल का? कापलेल्या लसणापेक्षा ठेचलेल्या लसणाचा स्वाद वरणा मधे किंवा फोडणी मधे लौकर आणि जास्त उतरतो / मिसळतो / खुलतो .. आलं , मिरच्या बद्दलही हेच लागू होते ..

यशोधरा मंगळवार, 14/01/2014 10:00
मस्त! फोटो आणि कृती - दोन्ही आणि तो शेवटचा फोटो तर कातील आहे! इथे तिथे पडलेले डाळीचे दाणे, एखादेच कढीपत्त्याचे पान, लसणीच्या पाकळ्या, बोर मिरची.. कलात्मक रीत्या पडलेय सारे :) एक्दम भारी गं :)

मुक्त विहारि मंगळवार, 14/01/2014 12:24
त्याला बरीच कारणे आहेत. एक तर हे असे सुंदर स्वैपाक घर (त्या स्वच्छ आणि चार बर्नर वाल्या शेगडी वर्रुन , स्वैपाक घर पण सुंदरच असणार, नाही का? "शीतावरून भाताची परिक्षा आणि चूली वरून स्वैपाक ग्रुहाची परीक्षा", करावी असे , भ.ले. भले सांगून गेले आहेत.) दुसरे म्हणजे, ती मोजून मापून घेतलेली उपकरणे, आणि ती पण डाग विरहीत. तिसरे म्हणजे सादरी करण तेच ते लेखन. चौथे म्हणजे फोटो. तुमचे हे असे लेख वाचले की, आमच्यातील न्युनगंड जागा होतो. जावूदे, शेवटी काय? तर... तुम्ही कधी तरी चुकाल अशी अपेक्षा कर्रून तुमचा पुढला धागा उघडणे, इतकेच आमच्या हाती आहे. अर्थात मग परत अपेक्षाभंग होतोच, पण तो सुखदच बरे का. प्रत्येकवेळी दु:खदच अपेक्षाभंग व्हावा असा काही नियम नाही.

Mrunalini मंगळवार, 14/01/2014 12:32
वा वा सानिका.. एकदम यम्म्म्म्म. माझी फेवरीट डाळ. मस्तच आणि फोटोहि छान

सखी बुधवार, 15/01/2014 01:38
हेच म्हणते, थंडी किंवा खूप पाउस पडला असेल, त्यादिवशी ही दाल अजुन चविष्ट लागते, बरोबर भाजलेला पापड. तुझ्या सादरीकरणाला किती दाद द्यावी तेच क़ळत नाही.

वात्रट मेले मंगळवार, 14/01/2014 12:55
होउ द्या खर्च आज सगल्यांना पार्टि देउनच टाका.

अनन्न्या मंगळवार, 14/01/2014 17:27
बय्राच दिवसानी परत सानिका आपल्या आवडत्या जागी हजर झालेली दिसतेय!

मधुरा देशपांडे मंगळवार, 14/01/2014 18:02
फोटो पण अप्रतिम. माझी आई लसूण आणि थोडे जिरे एकत्र ठेचून घालते. त्याची एकत्र चवही छान लागते.

डॉ सुहास म्हात्रे मंगळवार, 14/01/2014 20:38
मस्त ! स्स्स्स्स्स्स्स्स्सर्र्र्र्र्र्र्र्र्र्र्र्र्र्र्र्र्र्र्र्र्र्र्र !!

पैसा मंगळवार, 14/01/2014 20:40
बघून आज दुपारी लगेच केली. ए-वन! (जास्त काही करायचा कंटाळा आला होता.) फक्त बरोबर भात आणि कारल्याऐवजी बटाट्याचे काप केले.

ह भ प मंगळवार, 14/01/2014 20:52
जेवण झाल्या झाल्या धागा उघडला.. आता परत भुक लागली.. :)

पहाटवारा बुधवार, 15/01/2014 07:05
मस्तच लागते लसणी दाल .. फक्त मुगाच्या डाळिची बनवलेली रेशीपी जास्त प्रिय आहे. अशी दोन्हि (अन कधी-कधी अजून १-२ डाळी ) एकत्र करून आम्हि एक 'भेसळीचे वरण' करतो. त्यातहि हि अशी लसणाची फोडणी अन जाळून/ठेचून खोबरे घालतो. एकूणच गरम्गरम भाकरि किंवा तव्यावरल्या पोळ्या ताटात पडत असताना अशा गरमगरम , जीभ पोळणार्या वरणाबरोबर खायला एकदम खास ! -पहाटवारा

ganu गुरुवार, 16/01/2014 15:31
लसूण आणि थोडे जिरे एकत्र ठेचून त्याची एकत्र चवही छान लागते.

रेवती शनिवार, 18/01/2014 05:44
आज केली होती. मस्त, खूपच चविष्ट झाली होती. वाटीभर उरलीये ती उद्या मुद्दाम रोटीबरोबर खाऊन बघणार आहे.

मेघना मन्दार बुधवार, 16/04/2014 14:05
मिपा ची सभासद नव्हते तेन्व्हा वाच्अलेली पाक्रु.. बर्‍याचदा घरी करुन पाहिली आणि घरच्याना खुप आवड्ली.. आत्ताच नवीन लग्न झाल्यावर केली तर सासू सासर्‍याना आणि नवर्‍याला पण खुप आवड्ली.. :-) सभासद झाल्यावर ठरवला होता कि इथे येउन सान्गायचा..धन्यवाद सानिका.. :)