लेले..

ग — गवि,
अब्द फाटलेले आभाळ रापलेले इडलीमधून वाफा उ:श्वास तापलेले. ओठांतुनी निघाला चमचा तसाच उष्टा त्या कृष्ण कुन्तलाने सांबार गाठलेले.. पार्श्वात काय माझ्या ही वेदना कळेना पंकातल्या बुटांनी नाकाड घासलेले. स्वप्नात का असेना तो मेघ प्राशलेला आयुष्य मात्र सारे श्वानास घातलेले.
5322 वाचन
💬 प्रतिसाद (18)

यकु
Fri, 11/05/2010 - 23:16 नवीन
आयुष्य मात्र सारे श्वानास घातलेले
या एका ओळीत सारं आलेलं आहे. पण इथल्या सो कॉल्ड काव्यप्रेमींना "आयुष्य श्वानास घातलेले" हे मंजूर होणार नाहीच! कविता पटेश!

खादाड अमिता
Mon, 02/28/2011 - 13:20 नवीन
मला वाटलं कुठल्या व्यक्ती बद्दल कविता आहे.. बघितलं तर एक वेगळीच मांडणी! :) <<आयुष्य मात्र सारे श्वानास घातलेले>> असं का हो म्हणताय? :(

टारझन
Mon, 02/28/2011 - 13:28 नवीन
मला सलमान खान कृत , आयेषा टाकिया पुरस्कृत "वाँटेड" ह्या चित्रपटातले " लेले लेले लेले रे मजा ले .. लेले लेले लेले रे मजा ले .. दारु का जम के मजा ले ... ( इत्यादी इत्यादी) .एम्पी३ " हे गाणी डॉली डिजिटल मधे आठवले .

पैसा
Tue, 01/07/2014 - 20:32 नवीन
:ROFL: सांबारात पडलेला केस, चिखलमय बूट आणि कुत्र्याला घातलेले आयुष्य; सर्व प्रकारच्या वेदनांचा अनोखा आविष्कार. वृत्त आणि यमक मात्र फस्कलास जमलंय हो!

प्रा.डॉ.दिलीप बिरुटे
Tue, 01/07/2014 - 20:48 नवीन
>>>>>> वृत्त आणि यमक मात्र फस्कलास जमलंय हो ! नै नै वृत्त आणि गझलेची चौकट हुकली आहे असे माझे मत आहे. मी तसा काही गजलेचा जाणकार नाही, पण तज्ञ मंडली आपलं मत व्यक्त करतीलच. -दिलीप बिरुटे
↩ प्रतिसाद: पैसा

पैसा
Tue, 01/07/2014 - 20:54 नवीन
पण हे अक्षरगण वृत्त आहे आणि म्हणताना कुठे ओढाताण होत नाही एवढं कळालं.
↩ प्रतिसाद: प्रा.डॉ.दिलीप बिरुटे

प्रा.डॉ.दिलीप बिरुटे
Tue, 01/07/2014 - 21:15 नवीन
अक्षरगणवृत्तात चरणातील अक्षरांची संख्या सारखी असते ती इथे नाही. हं आता दोन वृत्ताचं मिश्रण आहे, असे वाटते. अक्षरगणवृतात नियमित यती (ओळीत थांबतो ती जागा) दिसतो तोही इथे दिसत नाही,असे वाटते. आपल्याला असं का वाटतंय की वरील रचना वृत्तात आहे म्हणून ? काही लक्षणे ? -दिलीप बिरुटे
↩ प्रतिसाद: पैसा

पैसा
Tue, 01/07/2014 - 21:34 नवीन
मिश्रण असावंच. पण पहिली ओळ वगळता इतर ओळीत त र भ र य असे गण साधारणपणे एका पॅटर्नने दिसत आहेत. प्रत्येक दुसर्‍या ओळीत "लेले" आहेत. हे काय आहे शोधा कोणीतरी. पण कवितेचं रसग्रहण आधी करा बघू! (य-यमाचा न-नमन त-ताराप र-राधिका म-मानावा स-समरा ज-जनास भ-भास्कर हे गण आठवले पण माहिती असलेले कोणतेही वृत्त या कवितेला लागू झाले नाही.)
↩ प्रतिसाद: प्रा.डॉ.दिलीप बिरुटे

प्रा.डॉ.दिलीप बिरुटे
Wed, 01/08/2014 - 13:05 नवीन
ओठांतुनी निघाला चमचा तसाच उष्टा त्या कृष्ण कुन्तलाने सांबार गाठलेले.. स्वप्नात का असेना तो मेघ प्राशलेला आयुष्य मात्र सारे श्वानास घातलेले. रसग्रहणाचं मनावर तुम्हीच घ्या. नै तर दोन ओळीचं तुम्ही रसग्रहण करा आणि मी दोन. अतिशय उच्च पातळीवर, गंभीर, असं रसग्रहण करु... :) -दिलीप बिरुटे
↩ प्रतिसाद: पैसा

प्यारे१
Tue, 01/07/2014 - 21:37 नवीन
गविंनी आता काथ्याकूट टाकावा! -संपादकांनी संपादकांसाठी वर काढलेला संपादकीय धागा असं म्हणावं का या पेचात प्यारे (हे उगाच्च ;) )

बॅटमॅन
Tue, 01/07/2014 - 21:59 नवीन
=)) लेले लेले हातात पेले *****गेले तिथंच मेले असे प्राचीन काळी ऐकलेले यमक ऐकून गहिवरलो. कृष्ण कुंतलाने सांबार गाठले हे ऐकून बाकी डोळे पाणावले. प्रतिमासृष्टीही उत्तम बैभत्सी आहे =)) वृत्ताचं म्हणाल तर आनंदकंद वाटते आहे चालीवरून. लघुगुरूंची अंमळ ओढाताण झाली तरी ठीक, चालीस तादृश बाध येत नाही. अन अक्षरगणवृत्ताच्या प्रत्येक चरणात अक्षरसंख्या सेमच असते असे वाटत नाही- अर्धसमवृत्त आणि विषमवृत्त या कॅटॅगिर्‍या अंमळ चेकवतो अन मग सांगतो माझी शंका योग्य आहे की कसे ते.

कवितानागेश
Wed, 01/08/2014 - 00:47 नवीन
अर्धबिभत्स गझल?!! जरा चालीत गाउन बघते आणि मगच पुढचं लिहिते. :) मन चिंब पावसाळी झाडात रंग ओले घनगर्द सावल्यांनी आकाश वाकलेले हाच मीटर वापरलाय ना?

तिमा
Wed, 01/08/2014 - 11:51 नवीन
हे 'लेले' पूर्वी नजरेतून निसटले आता सहज सापडले म्हणून वाचले आणि तिसर्‍या कडव्यातले दु:ख जाणवले|