अखाडा - गझल

गजल मस्त जमलेय.

दु:खितांचे गीत माझे
हा न धेंड्यांचा पवाडा च्या ऐवजी 'धेंडांचा'
केल्यास काही हरकत?
माफ करा! तुमच्या वृत्तात ते बसते की नाही माहित नाही. तसे नसल्याल ही एक रावसाहेबी सूचना आहे असे समजून सोडून द्या.

सुंदर गझल धोंडोपंत. केशवसुमारांचे फर्मास विडंबन येईलच, तोवर माझा हा एक तोडका-मोडका प्रयत्न. वृत्तात वा यमकात कुठे चुका असतील तर कृपया सुधारणा सुचवाव्यात.

पाखरू आले शिवारा
मंद तारे, शीत वारा

काय सांगू मी तयाला
हाय जन्माचा कवारा

एकटा फिरतो जगी या
देऊ तुज कैसा निवारा

चित्र माझे म्लान का रे
भोवती रंगी फवारा

सागुतीची याद येई
आज खातो मी गवारा

सोनियाचे दिवस सारे
कोण रे पुसतो पवारा

जेथ मी रे राज्य केले
आज तेथे केरवारा

नंदन
(मराठी साहित्यविषयक अनुदिनी
https://marathisahitya.blogspot.com/)

पंत,
गझल आवडली.

वेदना शब्दात आली
तूच गझले कर निवाडा

हे तर लै भारी.

वा धोंड्या! सुंदर गझल...

गारवा नाही मिळाला
सोसला नुसता उकाडा

वेदना शब्दात आली
तूच गझले कर निवाडा

या ओळी विशेष आवडल्या...

बरेच दिवसांनी गझल लिहून झाली. तात्या, चित्तरंजन, मिलिंद, केशवसुमार आणि इतर मित्र फार मागे लागले होते गझल लिही, गझल लिही. मला लिहिते करण्यात त्यांचा वाटा आहे. म्हणून ही गझल या मित्रांना अर्पण.

एखाद्या कलाकाराची अभिव्यक्ति कधी थांबू नये असं वाटतं म्हणूनच आग्रह होता. सुरवात केलीस, फार बरं वाटलं! पुढील लेखनाकरताही मनापासून शुभेच्छा...

तुझा कोकण्या मित्र,
तात्या.

सुरेख गझल धोंडोपंत.

हासतो माझ्यासवे मी
पाहुनी माझा चुराडा

या ओळी तर विशेष आवडल्या.

-(खूष) आजानुकर्ण

पंत,
गझल छान आहे. बर्‍याच मोठ्या कालावधीनंतर आपली लेखणी ही अनमोल भेट घेऊन आली, असेच म्हणावे लागेल.

दु:खितांचे गीत माझे
हा न धेंडांचा पवाडा

हासतो माझ्यासवे मी
पाहुनी माझा चुराडा

हे शेर विशेष आवडले.

(आपला चाहता)बेसनलाडू

खोल च्या ऐवजी उघड चालेल का?
(सूचक)बेसनलाडू

धोंडोपंत,
बोळा निघाला आणि आपण प्रवाही झालत हे बेस झाले..( चला चांगल्या कच्या मालाची काळजी मिटली ;) कसे.) बाकी बेसनलाडूंशी सहमत..
सुरेख गझल वाचायचा आनंद दिल्या बद्दल आपला आभारी.. आता खंड न पडता वरचे वर असा आनंद आम्हा सगळ्यां वाचकांना मिळण्याची व्यवस्था करावी ही विनंती..
(आपला चाहता)केशवसुमार.

आपल्या आज्ञे नुसार 'झ**' काफिया वापरून केलेले विडंबन इथे वाचा
(आज्ञाधारक)केशवसुमार

गझल आवडली हो.

जिंदगी झाली अखाडा
रोज खस्ता, रोज राडा
क्या बात है. सहज आणि मस्त.

काय मी मेलो कळेना?
भोवती पडला गराडा
क्या बात है.

हासतो माझ्यासवे मी
पाहुनी माझा चुराडा
हे शेर नेहमी लक्षात राहतील. आता इंजिन गरम झाले आहे. थांबू नका.

छान गझल...

हासतो माझ्यासवे मी
पाहुनी माझा चुराडा

स्वतःची चुकी उमगल्यावर /स्वत:वरील दुखावर हसणे हेही वेगळेपणच आहे.

(सध्या सिनेमातील वाक्ये आठवतात म्हणून आणखी एक..
मि. नटवरलाल मध्ये अमिताभ स्वतःवरच हसत असतो. तो कादर खान ला हेच सांगतो, की मी स्वतःच्या चुकीवर हसत आहे.)

जिंदगी झाली अखाडा
रोज खस्ता, रोज राडा

गारवा नाही मिळाला
सोसला नुसता उकाडा

दु:खितांचे गीत माझे
हा न धेंडांचा पवाडा

या ओळी विशेष आवडल्या !
- विजय