आय-टी इंजीनिअर आणि बँन्डवाले

"का रे बाबा? कसा असतो तुम्हा आय-टी इंजीनिअर लोकांचा जॉब?" ह्या प्रश्नाचं उत्तर देताना, खोचक वॄत्तीने म्हणा किंवा विनोदबुद्धीने म्हणा, मी नेहमी हेच उत्तर देतो की, "आय-टी इंजिनिअर आणि लग्नाच्या वरातीमध्ये बँन्ड वाजवणारे, ह्यांच्यामध्ये फारसा फरक नाहिये, कारण असं की, लग्नाच्या वरातीमध्ये मुलाचा एखादा मामा किंवा काका ह्याला नाचायचं असतं, पण त्याला गाणं मात्र ’बिलनची नागीन निघाली’ हेच हव असतं, म्हणजे तशी त्याची स्पेशालिटीच असते, नागिन डान्स वैगैरे (एरव्ही पाळलेल्या श्वाना सारखा असलेला काका किंवा मामा 'बिलनची नागीन' निघाली की फणा काढून नाचतो), तसचं नवर्‍या मुलाच्या मित्रांना 'चिकनी चमेली’ पाहिजे असते, (आता नेमकं पहुआ लगाके कोण आलेलं असतं? चमेली, की नवर्‍या मुलाचे मित्र-मंडळ? हा मुद्दा आपण तुर्तास बाजुला ठेउ), हा प्रकार एवढ्यावर थांबत नाही, बँडवाल्यांना, वधु-पित्याने (म्हणजे लग्नातल्या खर्चाने, वरपक्षाच्या फालतु लोकांचे फालतू रुसवे-फुगवे काढताना, किंवा दिड-दमडीच्या नवरदेवाचे जावई हट्ट, त्यातले काही त्याच्या स्वत:च्या विवेक बुदधीला सुचलेले आणि काही त्याच्या नावावर दुसर्‍यांनीच लादलेले असतात ते जावई हट्ट पुरवताना ज्याची आधीच भरपुर वाट लागलेली असते तो) मुलगी वाटी लावत असताना 'जा, मुली जा, दिल्या (तुच निवडलेल्या आणि आम्हाला फक्त कळवलेल्या) घरी (फ्लॅटमध्ये) सुखी (तुम्ही दोघेच नवरा आणि बायको) राहा', हे गाणं, न सांगता वाजवावच लागतं, (इथे वाक्यातला 'च’ फार महत्वाचा आहे, कारण हे एकमेव गाणं विनाफर्मीईशीच आणि कंपलसरी वाजवावं लागतं), तसचं 'आज मेरे यार की शादी है’, 'नेसली (फार प्रयत्न करुन पहिल्यांदा आणि अखेरची नेसवली किंवा घातली, हो!, कारण पुर्वी साडी हा नेसण्याचा प्रकार होता आता जिन्स पॅन्ट सारखी पटकन घालता येणारी नऊवारी साडी निघाली आहे म्हणे) माहेरची साडी’. ही सगळी गाणी तर बॅंन्डवाल्यांना यायलाच पाहिजेत आणि, आणि एवढचं नाही तर, सध्या चालू असलेले आयटम नंबरही बॅंन्डवाल्यांना शिकुन घ्यावे लागतात, एखादा ऑफबिट टेस्टचा कार्यकर्ता मध्येच ‘धनगरवाड्यात घुसला’, किंवा ‘डोकं फिरलया’ ची मागणी करु शकतो, म्हणजे थोडक्यात जुन्यात जुनं गाणं, ते अगदी काल आज आलेलं दणकेबाज गाणं, बॅंन्डवाल्यांना आलचं पाहिजे, दर दोन तीन महिन्याला एखादं नवीन गाणं येतं, आणि बिचार्‍या बॅंन्डवाल्यांना ते निमुटपणे शिकुन घ्यावंच लागतं, आय-टी इंजीनिअरचही तसचं आहे, दर दोन-तीन महिन्यात एखादी नवीन भानगड 'श्री गुरुदेव दत्त' म्हणुन समोर उभी राहते, (भानगड म्हणजे, नवीन टेक्नोलॉजी, किंवा नवीन प्रोसेस, किंवा नवीन स्टॅंन्डर्ड्स आणखी बरंच काही काही) आणि आम्हा आय-टी इंजिनिअर लोकांना ती भानगड निमुटपणे शिकुन घ्यावीच (’च’ पुन्हा महत्वाचा बरका) लागते, (म्हणजे आमच्याकडुन ज्यांना ते (लेखी) अपेक्षीत (तोंडी गॄहीतं) आहेच, असे समजणारे आमचे बॉस लोक, किंवा कंपनी, हे आमच्यासाठी वरपक्षाच्या मान्यवर सदस्या सारखेच असतातं, त्यामुळे त्यांची आज्ञा आम्हाला शिरोधार्य, बँन्डवाले आणि आयटी इंजीनिंअर ह्यात तसा किंचींतसा फरकही आहे, उन्मत्त आणि मदमस्त लोंकाच्या हातातील नोटा पाहुन ‘बँन्डवाले बिचारे बजाते रहते है, और आय - टी इंजीनिअर साले बजते रहते है’” - अनंतसुत . . . Copy Rights Reserved Comments (if any) - anantsut@gmail.com.