Skip to main content

चिकन रीझाला / रेझाला

लेखक दिपक.कुवेत यांनी गुरुवार, 18/07/2013 16:30 या दिवशी प्रकाशित केले.
हि एक पारंपारिक व्हाईट ग्रेव्ही बेस्ड मुघलाई डिश आहे. माझी ग्रेव्हि अंमळ लाल झाली कारण मी लाल मिरच्या वाटणात घातल्या होत्या :D Chicken साहित्य: १. चिकन - १/२ किलो २. साजुक तुप - २ पळ्या ३. कच्च्या कांद्याची पेस्ट - १ वाटि ४. ५ काजू, ५ सोललेले बदाम, मगज बी आणि पाईन नट्स - प्रत्येकी १ चमचा ५. फेटलेलं दही - १ कप ६. आलं / लसुण पेस्ट - १ चमचा ७. केवडा किंवा गुलाबजलाचे थोडे थेंब ८. तेल - १ पळी ९. गरम मसाला - १/२ चमचा किंवा खडा गरम मसाला - तमालपत्र - २, लवंग - ४, काळी मिरी - ४, दालचिनीचा छोटा तुकडा, हिरवी वेलची २ १०. ओल्या लाल किंवा हिरव्या मिरच्या - बारिक चिरुन ३ ते ४ ११. चिमुटभर केशर १२. चवीनुसार मीठ / साखर १३. तडक्यासाठि - १ कांद्याचे गोल काप आणि २ सुख्या लाल मिरच्या कृती: १. मॅरीनेशन साठी चिकनमध्ये कांद्याची, आलं-लसुण पेस्ट, चिरलेल्या लाल किंवा हिरव्या मिरच्या आणि १ पळि तेल घालुन १ ते १.५ तास फ्रीज मध्ये ठेवून द्या २. बदाम उकळत्या पाण्यात ५ मि. घाला व थंड झाले कि सोलुन घ्या. नंतर सोललेले बदाम, काजू, मगज बी आणि पाईन नट्सची मिक्सरमधे मुलायम पेस्ट करुन घ्या 3. आता मंद आचेवर एका नॉनस्टिक कढईत / पातेल्यात तुप तापलं कि खडा गरम मसाला घाला ४. मसाले परतले कि त्यात मॅरीनेट केलेलं चिकन घालुन परतत रहा. गरजेपुरत पाणि घालुन मंद आचेवर चिकन शिजवून घ्या ५. आता एक १५ मी. त्यात फेटलेल दहि, व्हाईट पेस्ट घालुन परता. गरज भासल्यास थोडं पाणि घाला जेणे करुन काजू पेस्ट मुळे ग्रेव्ही खाली लागणार नाही ६. आता एक ५ मी. त्यात गरम मसाला (जर खडा गरम मसाला घातला नसेल तर), चवीनुसार मीठ, १ चमचा साखर आणि केवडा किंवा गुलाबजलचे थेंब घाला ७. तोवर दुसर्‍या एका पॅन मध्ये १ पळी तेल गरम झाल कि कांद्याचे गोल काप घालुन परता. कांदा साधारण परतला कि सुख्या लाल मिरच्या घालुन हा तडका चिकनच्या ग्रेव्हीवर घाला व चिकन पुर्ण शीजलं कि गॅस बंद करा ८. हलकस भाजलेलं केशर चुरडून ग्रेव्हीवर घाला ९. गरमागरम चिकन रीझाला पोळी, फुलका किंवा नान सोबत सर्व करा. हे चिकन गर्लिक नान बरोबर उत्तम लागेल हा अंदाज अवांतर: १. मुळ पाकॄ मधे काजु/खसखस पेस्ट वापरली आहे. पण कायद्याने ईकडे खसखस बॅन असल्याने मी काजुमधे बदाम, मगज बी आणि पाईन नट्सची घालुन पेस्ट बनवली २. काजु/बदामाचा गोडपणा पुरणार असेल तर साखर वगळु शकता. पण विश्वास ठेवा फायनल टेस्ट एवढि गोड नाहि होत ३. व्हेजवाले ह्या ग्रेव्हित चिकनएवजी पनीर/मश्रुम (दोन्हि एकत्र छान लागेल) किंवा मिक्स भाज्या (फ्लॉवर, फरसबी, गाजर, मटार, बेबी कॉर्न ई.) वापरु शकता
वाचने 12316
प्रतिक्रिया 22

प्रतिक्रिया

सविता००१ गुरुवार, 18/07/2013 16:38
म्हणून पास. पण मनुष्या, किती छळशील सुंदर वर्णन आणि फोटोंनी? बाद्वे, व्हेज व्हर्जन लग्गेच करुन पाहणार आहे.

प्रभाकर पेठकर गुरुवार, 18/07/2013 16:45
शुद्ध तुपातील पौष्टीक रस्सा आणि ओली + सु़की लाल मिरची त्यावर केशराचे धागे.... एकंदर रुपडे फार आकर्षक आहे. चविष्टही असणारच. करून पाहण्यात येईल.

कपिलमुनी गुरुवार, 18/07/2013 17:07
ती पहाताच रीझाला,,,, कलीजा खल्लास झाला

त्रिवेणी गुरुवार, 18/07/2013 17:11
छ्या, काय हे. थोडा उशिराने टाकायचा होता हा धागा. आज रात्री मटारची भाजी आहे जेवणात. हे बघुन नाही उतरायची ती घशाखाली.

बॅटमॅन गुरुवार, 18/07/2013 17:39
अहो असं कसं? मटारची भाजी म्हंजे तर चैन फुल्टू =)) बाकी रेशिपीबद्दल आम्ही काय बोलावे-फटू बघून उसासे सोडण्यापलीकडे आपण पामर तसेही काय करू शकतो म्हणा...

स्पंदना शुक्रवार, 19/07/2013 04:45
हो ना! माझा निश्चय डळमळायला लागला आहे. आता द्वादशीच्या पोळ्या करायचा बेत रद्द करु का? निषेढ दिपक भौंचा.

अत्रन्गि पाउस रविवार, 21/07/2013 22:26
अत्याचार आहेत !!! एक शंका गम्पाभौ!!! मिरच्यानऐवजी पांढरे मिरे/लवंगा वापरले तर??? म्हणजे रंग लालसर होणार नाही ...

कवितानागेश रविवार, 21/07/2013 22:56
नाई हो. हे दुसरेच अत्याचारी.. आपले ते हे.. आचारी आहेत!

प्रभाकर पेठकर सोमवार, 22/07/2013 12:59
लाल भोपळ्याच्या बिया सुकवून आणि साले काढून वापरतात. तशा सोललेल्या बिया तयार मिळतात. त्याला मगज बीज असे म्हणतात. कित्येक मुखवास मध्ये वापरतात. एखाद्या पदार्थाचे कालवण (ग्रेव्ही) घट्ट करण्यासाठी आणि त्याला शाही रुप देण्यासाठी पाण्यात भिजवून मऊ मुलायम दळून ती वापरतात

सानिकास्वप्निल सोमवार, 22/07/2013 14:28
चिकन रेझालाची पाकृ छान फोटो आवडला :)

भाते शुक्रवार, 17/07/2015 20:26
कशाला या (महा-दुष्ट) माणसाचे जुने धागे उकरून वरती काढता रे! काय मिळतं तुम्हाला? :(

स्वाती दिनेश शनिवार, 18/07/2015 18:47
लवकरच करून पहावी इतकी टेप्टिंग दिसतेय ही डिश.. स्वाती