छमछम पुन्हा सुरु..

बुलेटीन वर बुलेटीन काढणार्‍या म्हाळसाकर पोंगुर्पेकरांची आठवण झाली काय रे स्पांडू. ;)

.

'कुणाचाही रोजगार हिरावून घेण्याचा सरकारला अधिकार नाही' हा संघटनेचा युक्तीवाद जसा कोर्टाला मान्य आहे तसा आम्हालाही मान्य आहे, बाकी, जगभरातील डान्सबार, बारबाला याबद्दलची सांगोपांग माहिती कोणी दिली तर समजून घ्यायला आवडेल. विकिपिडिया म्हणतो- Dance bar is a term used in India to refer to.... -दिलीप बिरुटे

जिथे डान्स बघायला व 'मूड' जमला की करायला बार बार जावेसे वाटते तो डान्स बार ! जिथे बारी बारी ने होता डान्स खिसा रिकामा होतो खास . @ चित्रगुप्तजी, " अहो,,,,,,,, ते पॅरिसचे डान्स म्हणजे त्यात बिलकुल काहीही अश्लील वाटत नाही बरं का हे विशेष !" इति- गेल्या वर्षी युरोपला जाउन आलेली आमची एक नातेवाईक .

जर्मनीत डान्स बार मध्ये प्रवेश फी ५ युरो आहे. बीयर ६ युरोला मिळते. १ सम्पली की दुसरी घ्यावीच लागते. सगळं लिगल असल्याने कसलीच भिती नाही.. (सध्या १ युरो = ८० रुपये)

याऊलट, डान्सबार बंद झाल्यावर त्यातून वाचलेल्या पैशांनी दोन-दोन गाडया (मोटारी) घेतलेले नमुने पाहण्यात आले आहेत.

डांसबार सुरु झाले तर असं काय घडणार आहे ? -दिलीप बिरुटे

ज्यांना फक्त भ्रष्टाचारच करता येतो अशा नेत्यांनाही आपण 'समजून' घेत आहोतच की. महिलांच्या गळ्यातील सोन्याचे दागिने पळविणे, सराफांची दुकाने फोडणे, बलात्कार करणे, चॉपरच्या धाकाने वाटमारी करणे, खंडण्या वसूल करणे, खोट्या नोटा छापणे वगैरे वगैर व्यवसायात भारतात फार मोठ्या संख्येने कांही नागरीक गुंतलेले आहेत. त्यांना कारावासात टाकून त्यांच्या रोजीरोटीला काढून घेण्याचा सरकारला काय अधिकार? अशा नागरीकांवर त्यांचे कुटुंबिय अवलंबून असतात. त्यांची संख्या तर कित्येक लाखांच्या घरात आहे. एकाला एक न्याय आणि दूसर्‍याला दूसरा न्याय असता कामा नये असे सन्मानिय न्यायाधिश साहेबांनी म्हंटले आहे. मग बार बालांना नाचण्याची (आणि त्या आडून 'इतर' धंदे करण्याची) परवानगी द्यायची आणि इतरांना पकडून पकडून तुरूंगात डांबायचे असे वेगवेगळे न्याय का असावेत? अंगी इतर कांही कौशल्य नसल्याने आणि फक्त नाचता येते म्हणून त्यांना ह्या व्यवसायात राहू द्यावे त्यांच्यावर अन्याय करू नये, बंदीमुळे कित्येक बारबालांना सरकारने देहविक्रयास भाग पाडले असाही दावा केला जातो आहे. डान्सबार अस्तित्वात नव्हते तेंव्हा अकुशल स्त्रिया काय करायच्या? किती टक्के स्त्रिया देहविक्रय करायच्या? डान्सबार मधे नाचायला मिळाले तर किती वेश्या देहविक्रय सोडून डान्सबार मध्ये नाचण्याचा सन्मानिय मार्ग स्विकारतील? डान्सबार मधे जे अंगविक्षेप चालतात त्याला 'डान्स' म्हणावे का? 'येथे बार मध्ये नाचण्याचे प्रशिक्षण दिले जाईल' असे फलक लावून नाच शिकविण्याचे क्लासेस कोणी चालू केले तर सरकार परवानगी देणार का? नागरीकांवर खुप खुप अन्याय होतो आहे. ह्या अन्यायाला लवकरच कोणीतरी समाजसेवी संस्थेने वाचा फोडली पाहिजे.

आमच्या एम एच १४ वाल्या गुंठामंत्री मित्राने वाटसअप्प वर दिलेली प्रतिक्रिया बेरोजगार को आराम,भुके को अनाज,प्यासे को पानी टुटे दिल को फिर मिलेगा प्यार…मुबारक हो आपको फिर से डान्स बार !

निर्णय चांगलाच- पण अंमलबजावणी कशी अन कितपत होते ते पाहणे मस्ट आहे.

हो. नोटीसा आल्या आहेत. पण पन्चाहत्तर मीटर अंतर पुढे काय? जी गावे हायवे वरच वसलेली आहेत तेथे कस्से करावे? ड्रायवर लोकानी जवळ दारु बाळगलि तर काय करणार? गावातली दारु चढत नाही काय? खूप जेवण करून सुस्ती येते म्हणून हायवे वरची होटेल पण बंद करावीत.

डान्सबार ही शोषणाचीच जागा आहे का ? माझं मत नाही. अन्य ठिकाणीही स्त्रीयांचे शोषण हा मुद्दा असेलच. समजा डान्सबार ही शोषणाची जागा असेल तर स्त्रीयांनी / तरुणींनी तिथे जावेच का ? जाऊ नये. अनेक स्त्रीया/ तरुणी तिथे भूलथापींना बळी पडून तिथे जात असतील आणि त्यांचे लैंगिक, आर्थिक, शोषण होत असेल तेव्हा त्यांच्या सूटकेचा मार्गच नाही का ? तर सुटकेचा मार्ग आहे. दोन हजार पाचच्या नंतर डांस बार बंद झाले आणि या तरुणी / स्त्रीया कमी वेळात अधिक पैसा मिळतो म्हणून अन्य काम करायला तयार झाल्या असतील असं काही मला वाटत नाही. डांसबार बंद झाल्यानंतर दोन हजार पाच दरम्यान आम्हा काही मित्रांना मुरुड जंजी-याला जायचं होतं. रात्री उशीर झाला म्हणुन लॉज शोधत होतो. ठाणे शहरातील एका मध्यवर्ती ठिकाणचे लॉजवर गेलो तर मालक जागाच नाही म्हणाला. पहिला मजला, दुसरा मजला, आणि तिसरा मजला या बारवर जाणार्‍या मुलींनी गच्च भरुन गेला होता. चार पाचशे मुली अक्षरक्षा कोंबलेल्या कोंबड्याप्रमाणे बसलेल्या होत्या. काम उरले नाही. काम करायची लाज वाटते. त्या पेक्षा त्यांनी काही सोपे मार्ग निवडले होते. असो. -दिलीप बिरुटे

मुंबैत डान्सबार कधीच बंद झाले नव्हते ...