छमछम पुन्हा सुरु..

अच्चा

असं झालं तर

मिपाचा पुढचा कट्टा कुठे भरवायचा हा प्रश्र्ण मिटला.

आबांचे अनेक बाबतीत हसे झाले आहेच त्यात हा मुद्दा आणखी. असेच हसे गुटखा बंदीचे होणार काय ? मी मागेच मिपावर व मिपाकरांच्याशी प्रत्यक्ष गप्पा मारताना म्हटले ही होते की पोलीसांच्या ठराविक प्रायॉरिटीज असतात , वेश्या व्यवसाय, डान्स बार, रेव्ह पार्टी, बनावट सीडी धाडी ई. कारण या व्यवसायात शक्यतो राजकारणी पडत नाहीत. होटेल, बांधकाम व्यवसाय येथेही अनेक बेकायदेशीर गोष्टी होत असतील पण त्या क्षेत्रात नगरसेवक, आमदार यांचा वावर असल्याने तिकडे पोलीस कशाला फिरकतील? मुक्त अर्थव्यवस्था म्हणजे लॉटरी, शेअर बाजार यांच्या सारख्या सभ्य जुगारांबरोबर कॅसिनो ही येणारच , दारू व्यवस्था येणारच . पान खाऊन पचापचा थुंकलेले चालते मग गुटखा खाल्ला तर काय बिघडले? मुळात पान, दारू. गुटखा , डान्स, जुगार,वेश्यागमन, वायदे बाजार या गोष्टी इतक्या प्रचंड कराखाली दबल्या गेल्या पाहिजेत की त्यात गुंतवणूक करणाराच मुळात जेरीला आला पाहिजे. मग शौकिन पनवेलला जायचे तर सोडाच !

सरकारने लास वेगास च्या धर्तीवर एखादा तसाच भाग तयार केला तर ?

मुळातच डान्सबार बंद करणे हे तथाकथित पांढरपेशा लोकांची झुंडशाही आणि इतरांच्या लिबर्टी आणि पर्स्युट ऑफ हॅप्पीनेस वर घाला होता !

असला मुर्ख नियम काढणार्‍या शासनाचा तेव्हाही धिक्कारच केला होता आम्ही !!

सर्वोच्च कोर्टाचे अभिनंदन व आभार !!

या निमित्ताने मुंबईतील, तसेच अमेरिका, थायलंड वगैरेतील बार, बारबाला, इ. बद्दल कुणाला सांगोपांग माहिती असल्यास द्यावी, असे सुचवतो.

नवी मुंबईत बरेच परिवार घरातील कर्त्या पुरुषाच्या या सवयींमुळे अक्षरश: रस्त्यावर आले

सहमत

परिणाम निश्चीतच चांगले होणार नाहीत

नाचणा-यांचा दोष काय! जाणा-यांचा दोष काय! परवानगी दिली म्हणून काय, आणि नाही दिली म्हणून काय! करायचं ते करतातच; व्हायचं ते होतंच. आनंद आहे.

तीव्र निषेध....निर्णय ऐकुन भयंकर धक्का बसला.
अवांतरः गुटख्यच्या पुड्या आता परत मिळायला लगल्यात.शटर थोड खलि घेतल असेल तर समजाव ह्य टपरिवाल्याकडे गुतखा मिळतो.

बार गर्ल मजबुत कमाई करतात... जर चांगलं गबरु गिर्‍हाईक असेल आणि आयटम पण रापचिक असेल तर अशी छमिया महिन्याला ५० हजारा पर्यंत कमाई आरामात करु शकते असा डान्सबारचा महिमा आहे. ;)
अब्दुल करिम तेलगी ग्रांट रोडच्या टोपाझ बार मधे जात असे, तसेच त्याने तरन्नुम खान नावाच्या बार बालेवर एका रात्रीत ९३ लाख उडवल्याची बातमी त्यावेळी जोरात होती.
तसेच तरन्नुम खान म्हणुन जालावर त्यावेळी दाक्षिणात्य अभिनेत्री तमन्ना भाटिया हिचे फोटो वार्‍या सारखे पसरवले जात होते, यामुळे त्या अभिनेत्रीला बराच त्रास झाला... पण यामुळेच तीला बरीच प्रसिद्धी मिळाली.

हा वरील आणि असे अनेक फोटो या अभिनेत्रीचे तरन्नुम खान म्हणुन त्यावेळी जालावर वेगाने पसरले होते.

संदर्भ :-
https://www.mangalorean.com/printarticle.php?arttype=localnews&newsid=1…
https://alturl.com/3akmt

डान्सबार चालतात तर मग टॉपलेस बार अधिकृतरीत्या का चालु नयेत. स्विंगर क्लब्स का चालु नयेत? काही व्यक्ती अश्याही असतील की ज्यांना वासनासुधाक्षमना व्यतिरिक्त काहिही करता येत नसेल. त्यांच्यासाठी वरील अगळे धंदे अधिकृत करुन घटनेचा मान राखणे उचित नाही का?

तसेच काही लोकांना केवळ दारु तयार करता येते आणि काही लोकांना केवळ गुटखा. मग अश्या परिस्थितीत काही राज्यांनी या दोन उत्पादनांवर घातलेली बंदी अवैध आणि घटनाबाह्य नाही काय?

डांस बार चालू झाले ते छान झाले. राजकारण्यांनी आमच्या अध्ध्पतना ची काळजी करु नये. ( जमले तर स्वता किती शेणात आहेत ते बघावे ).
आता पहिला कोणता बार चालू होतो ( ऑफिशियली ) ते बघु

'पुन्हा चालू' ह्याला काही अर्थच नाहीये.बंदी होती ती ऑफिशिअली डान्सबार चालवायला. सुरुवातीच्या काळात थोडी पडझड झाली खरी, पण पुन्हा नव्या जोमानं ह्या भानगडी 'तेरी भी चूप, मेरी भी चूप' न्यायानं चालू झाल्या होत्याच की.

बाकी, योग्य-अयोग्य, नैतिक अनैतिक वगैरे वाचतो आहेच.

जाताजाता - बेकायदेशीररित्या राहणार्‍या बांग्लादेशींची पुन्हा ऑफिशिअली सोय होणार तर!

सरकारचं "मोरल पोलिसिंग " सुप्रीम कोर्टाला मान्य नाही ……

आता हायवे लगतचे दारू आणि बिअर बार बंद करण्याचा निर्णय सरकारने घेतला आहे. हायवेवरील अपघातांच्या संख्येत वाढ होत असल्यामुळे हा निर्णय घेण्यात आलेला आहे. हायवे लगतच्या सर्व बार आणि बिअर बार्सचे सरकारी परवाने रद्द करण्यात येणार आहेत. अभिनंदन.

माझ्या मते शोषणाचा मुद्दा सगळ्यात महत्त्वाचा आहे. आणि माझ्या दृष्टीने तो एकमेव महत्त्वाचा मुद्दा आहे.

देहविक्रय करायला परवानगी असावी का ? असावी. त्या प्रक्रियेत सामील झालेल्या कुणाचंही शोषण होत नसेल तर.
पुरुषांनी आपापल्या लैंगिकतेला वाट करून द्यावी का ? करावी. त्या प्रक्रियेत सामील झालेल्या कुणाचंही शोषण होत नसेल तर.
पुरुषांनी दौलतजादा करावा का ? करावा. त्या प्रक्रियेत सामील झालेल्या कुणाचंही शोषण होत नसेल तर.
लोकांनी एडस सकट रोगराईचा धोका पत्करावा का ? जरूर. त्या प्रक्रियेत सामील झालेल्या कुणाचंही शोषण होत नसेल तर.

थोडक्यात सार्‍या प्रश्नांच्या उत्तरामागचं "कॅव्हिआट" एकच आहे : त्या प्रक्रियेत सामील झालेल्या कुणाचंही शोषण होत नसेल तर.

आणि मी जे ऐकतो/वाचतो/पाहातो, मला जे समजतं ते असं की देहविक्रयाच्या व्यवसायाचा मूलाधार आहे शोषण, अल्पवयीनांचं, समाजातल्या दुर्बल घटकांचं. शोषणाचा मुद्दा बाजूला काढा. डान्स बार थांबतील. देहविक्रयाची उच्च आर्थिक वर्तुळातली प्रकरणं वगळतां बाकीची यंत्रणा थांबेल. देहविक्रयाच्या - फ्लेश मार्केटचा - पाया आहे शोषण.

या कारणामुळे डान्सबारवरची बंदी उठणं ही घटना मला दुर्दैवी परिस्थितीत "दुष्काळात तेरावा महिना" आहे अशी वाटते. डान्सबारशी संलग्न असणार्‍या लोकांच्या काम करण्याच्या हक्कापेक्षा शोषण होत असलेल्या घटकांच्या मानवाधिकाराचं रक्षण करणं ही माझ्या दृष्टीने मोठी गोष्ट आहे. उच्च-सर्वोच्च न्यायालय , एकंदर शासनयंत्रणा, समाजातल्या अनेकांची विचारसरणी असा विचार करत नाही याचा मला खेद आहे.

मुंबईत डान्स बार बंद होते का??

बहुतेक आघाडीच्या मराठी वृत्तपत्रांनी "छमछम पुन्हा चालू" इत्यादि डान्सबारची जाहिरात वाटावी अशा हेडलाईन छापून आपल्या सामाजिक जबाबदारीची परत एकदा झलक दाखवली आहे.

डान्सबार ही शोषणाचीच जागा आहे का ? माझं मत नाही.

आमच्या सारख्या पामराचे आहे त्या नोकरीत शोषण होते ते कोणाला दिसत नाही का? :-(

शेवटी उपजीविके साठी प्रत्येक जण काहीतरी करत च असतो. कोणी कारखान्यात, ऑफिस मधे काम केले काय किंवा डांसबार मधे नाचले काय? जबरदस्ती नसेल तर काहीच फरक नाही.

डान्सबार मधे मुलींना ८ तास उभे रहावे लागते म्हणुन कोणीतरी तक्रार केल्याची वाचले. सामान्य कामगार, गवंडी , बिगारी ८ तास उभेच असतात. त्यांचे कष्ट दिसत नाहीत का?