दोन घरे नावावर असणे याला विरोध म्ह्णजे त्याकरता आपण विनाकारण पर्यावरणाचा नाश करत असतो. बर्‍याच जणांचा असा अपसमज असतो कि मी एकट्यानी घर बांधल्यानी असा काय फरक पडणार आहे. तिथेच आपण चुकतो कारण असा विचार प्रत्येक जण करु लागतो आणि त्याचे पर्यवसन म्हणजे आत्ताची परिस्थिती उद्भवते. आज नागावात(अलिबागजवळ) आम्ही लहानपणी पाहिलेल्या कितीतरी वनस्पती दुर्मिळ झाल्या आहेत. हल्ली नवीन घर बांधल्यावर त्याजवळ या जमिनीला निरुपयोगी अशा शोभेच्या वनस्पती लावल्या जातात. अशी कितीतरी कारणे आहेत. आपण खरंच विचार केला पाहिजे. नेहमीप्रमाणे मला काय त्याचे, मला काय करायचयं, एवढ्याश्यानी काय होतयं असं म्हणून चालायचे नाही. अन्यथा येता काळ असा असेल की पुढली पिढी असणारच नाही .... तेंव्हा वेळ गेल्ये आतातरी सावधान ....... सावधान ....... सावधान .......