Skip to main content

नभईर्षा

लेखक अज्ञातकुल यांनी बुधवार, 12/06/2013 16:18 या दिवशी प्रकाशित केले.

पावसाची चाहूल आली आणि जमीनीतल्या उधईला पंख फुटले. सोहळा झाला पण कळा अवकळा झाली. ..........

कोण चाहुली उलगडले गड
अंधारातिल वेणा अवघड
वारुळातले फुटले घट अन
प्रकाशात पडझडली झुंबड

क्षणभंगुर भिरभिर भर अंगण
उडे पाकळी पर तिज आंदण
नभईर्षेचे सोस सकस पण
जड झाले पंखांचे जोखड

बळ खळले गळले विरघळले
स्वप्नखळे वाटेतच विरले
सुटली जागा जाग जागली
विद्ध कलेवर पाठी उरले

........................अज्ञात

काव्यरस
अद्भुतरस
लेखनविषय:
वाचने 1811
प्रतिक्रिया 6

प्रतिक्रिया

प्रा.डॉ.दिलीप बिरुटे बुधवार, 12/06/2013 16:52

अहाहा...! सुंदर..

(पण उधई म्हणजे वाळवी तिला पंख कसे फुटेल. पंख फुटणारे ते वेगळे मुंगळे)

-दिलीप बिरुटे

प्रा.डॉ.दिलीप बिरुटे शुक्रवार, 14/06/2013 16:23

माहितीपूर्ण चित्र डकवल्याबद्दल आभार. पण, लाकडं कुजवणारे पिवळे धमक असतात तीच जर उधई असेल तिला पंख फुटलेले मी पाहिलेले नाही.

पण आता उधई म्हणजे वाळवीच असते किंवा नसते याबद्दल जर कोणी माहिती सांगितली तर समजून घ्यायला आवडेल.

-दिलीप बिरुटे

स्पंदना शुक्रवार, 14/06/2013 17:37

हं!
फारच छान.
बाकी प्राडॉ उठुन सत्यात का शिरले ब्वा? कविता वेंजॉय माडी सर!