काल मी रात्री मोदक केले होते. गणपतीच्या दिवसात एकदातरी करावेत अस वाटल म्हणुन,तर त्याची पा.कॄ. देत आहे. मला माहीतेय की मोदक सगळ्यांनाच करता येतात पण मी पहील्यांदाच केले, ते सुद्धा सुचतील तसे :) सांगायला कोणी नव्हत कसे करायचे म्हणुन. आणि इथे ही पा.कॄ. टाकावीशी वाट्टेय कारण "मी " केले कोणी सांगीतले नाही. सारण :- १ नारळ खोवलेला, १ वाटी गुळ, २-३ वेलदोडे. कृती :- नारळाचा चव एका पातेल्यात गरम करत ठेवावा त्यात गुळ घालुन ते मिश्रण एकजीव करावे आणि शीजवत ठेवावे. त्याचा रंग बदलला की त्यात वेलदोड्याची पुड करुन घालावी. हे झालं सारण तयार :) पारीसाठी :- १ भांड तांदुळाची पीठी, थोड मीठ्,चमचाभर तेल (लहान चमचा),१ भांड पाणी (जीतकी पीठी तितकच पाणी घ्यावे.) कृती :- एका भांड्यात भांडभर पाणी उकळत ठेवावे.त्याला १ उकळी आली की त्यात चिमुटभ्र मीठ आणि तेल घालावे. अजुन १ उकळी येऊ द्यावी. मग त्यात तांदुळाची पीठी घालावी आणि २ वाफा आणाव्यात. (पीठीचा रंग थोडा बदलतो.) ही झाली पारी. आता पारीच पीठ मळुन घ्यावे (हाताला चि़कटणार नाही इतपत) मोदक करायला घ्यावे. आणि उकड्त ठेवावे,मी कुकरमधे ठेवले होते १५ मिनिटं. अजुन ह्यात काही बदल असेल तर सांगा :)