Skip to main content

कोकोनट कुकिज

लेखक सानिकास्वप्निल यांनी मंगळवार, 07/05/2013 13:05 या दिवशी प्रकाशित केले.
साहित्य: १५० ग्राम बटर (रुम टेंपरेचरला असलेले) १५० ग्राम पिठीसाखर १ अंडे १ वाटी मैदा १ वाटी डेसीकेटेड कोकोनट . पाकृ: मिक्सींग बाऊलमध्ये बटर व पिठीसाखर एकत्र करून इल्केट्रीक बीटरने हलके होईपर्यंत फेटावे. त्यात एक अंडे फोडून पुन्हा फेटून घ्यावे. आतात त्यात मैदा व डेसीकेटेड कोकोनट हळू-हळू घालून मिश्रण स्लो स्पीडवर बीट करा. मऊसर पिठाचा गोळा तयार झाला की त्याला क्लिंग फिल्ममध्ये कव्हर करुन फ्रिजमध्ये १/२ तास ठेवावे. ओव्हन १५० डिग्रीवर प्री-हीट करुन घ्या. बेकिंग ट्रेवर बेकिंग पेपर किंवा व्हॅक्स पेपर लावून घ्या. सेट झालेल्या पिठाचे छोटे छोटे गोळे करुन घ्या व बेकिंग ट्रेवर अंतरावर लावा. १५० डिग्रीवर १५-२० मिनिटे कुकिज हलक्या-सोनेरी रंगावर बेक करुन घ्या. बेक झालेल्या कुकिज कुलिंग रॅकवर थोड्यावेळ थंड होण्यासाठी काढून ठेवाव्यात. पूर्ण गार झाल्या की हवाबंद डब्यात भरुन ठेवा. . दूध,चहा,कॉफीबरोबर सर्व्ह करा. . .
वाचने 11716
प्रतिक्रिया 45

प्रतिक्रिया

दिपक.कुवेत मंगळवार, 07/05/2013 13:20
फोटोसहित छान पाकॄ. पण तो शेवटचा फोटो कसा काय काढला? चहा कोरा आहे का?

अनिरुद्ध प मंगळवार, 07/05/2013 13:37
यात अन्ड न वापरता दुसरे काहि शाकाहारि पदार्थ वापरता येत नाहीत का? छायाचित्र उत्तम आले आहे.

गवि मंगळवार, 07/05/2013 13:56
मस्त पदार्थ. शेवटच्या फोटोत उसळता चहा नेमका कॅमेर्‍यात कसा पकडला असेल याचं नवल वाटतं आहे. सीरीजमधे फोटो काढतात आणि मधला योग्य तो घेतात असं आहे का? बाकी ही खुसखुशीत कुकी कोर्‍या चहासोबत नाही जुळत. त्यासाठी मस्तपैकी दुधाचा बिनमसालेवाला साधा चहाच हवा. नुसतं दूधही चालेल..

सानिकास्वप्निल मंगळवार, 07/05/2013 15:02
स्प्लॅश फोटोग्राफी आहे, ह्यात फोटो काढताना कॅमेर्‍यात हाय आयएसओ सेट करावे व बर्स्ट मोड (कंटिन्युअस शूटिंग) मध्ये ठेवून फोटो काढावा. स्प्लॅश इफेक्ट साठी कपमध्ये ओरियो कुकि किंवा तत्सम जड खाद्य पदार्थ थोड्या उंचावरुन टाकावे म्हणजे चहा/ कॉफी उसळून बाहेर येईल... हे करताना शटर बटन प्रेस करत रहावे. माझा ही पहिलाच प्रयत्न होता. फोटो आवडल्याबद्द्ल धन्यवाद. अवांतर : कप मध्ये चहा नसून ब्लॅक कॉफी आहे :) चहा मला ही दुधाचाच आवडतो.

मी_आहे_ना मंगळवार, 07/05/2013 14:07
झकास पाकृ आणि नेहमीप्रमाणेच उत्तम सादरीकरण (बरं झालं आधीच जेवण करून मग धागा वाचला)

अभ्या.. मंगळवार, 07/05/2013 14:19
सानिकाची पाकृ आहे म्हणल्यावर नो चॅलेंज. सगळ्या पाकृत सानिकाचा शेवटचा फोटो म्हणजे मास्टरपीस असतो. अगदी परफेक्ट काम्पोझीशनसाठी बघतो खास पण... यावेळी थोडीसी बॅक्ग्राऊंड पटली नाही. वूडनच्या एवजी प्लेन किंवा डीफ्यूजड असती तर चा ऊडायचा ईफेक्ट एकदम जबरा दिसला असता.. तरी पण बेस्ट क्लीक अन ऑफकोर्स बेस्ट कुकीज. पहिल्या फोटोतले बोल मस्त आहेत.

सानिकास्वप्निल मंगळवार, 07/05/2013 15:10
१००% मान्य खरं तर मला वेगळे बॅक्ग्राऊंड घ्यायचे होते खिडकीजवळ नुसत्या कॉफी टेबलवर कप ठेवून क्लिक करायचे होते पण फोटो काही केल्या चांगला येत नव्हता शिवाय फोटो जरा डार्क येत होता. शेवटी वुडन बॅक्ग्राऊंडलाच नीट आला...थोडा रस्टीक वाटतोय बट आय अ‍ॅम ह्याप्पी :)

दिपक.कुवेत मंगळवार, 07/05/2013 14:12
बाकि "डुबुक" हा शब्द मला फार आवडतो. बरेच दिवसांनी एकला.

प्यारे१ मंगळवार, 07/05/2013 14:27
नेहमीचा प्रतिसाद. तो 'डुबुक' फोटो 'प्लेन लाईट' बॅकग्राऊंडवर आणखी खुलून दिसला असता. असा आपला अंदाज

मुक्त विहारि मंगळवार, 07/05/2013 14:44
झक्कास...

ज्योत्स्ना मंगळवार, 07/05/2013 16:40
नेहमीप्रमाणेच.

jaypal मंगळवार, 07/05/2013 18:30
फोटो जास्त आवडला. ४ थ्या फोटोत पार्श्वभुमी आणि कपातुन बाहेर आलेली कॉफी साधारण एकाच रंगाची असल्याने मर्ज झाली. वोरोधी रंगाची पार्श्वभुमी असती तर हा फोटो अजुन छान वाटला असता. कुकी बद्दल काय बोलणार? केवळ टाळ्या. अवांतार = या कुकी मधे थोडेसे ड्राय फ्रुट्स टाकले तर?

रेवती मंगळवार, 07/05/2013 18:46
डेसिकेटेड कोकोनट हे ड्राय फ्रूट समजायला हरकत नसावी जयपालमहाराज! तरी बरं, नारळाच्या झाडावरून पडणार्‍या नारळाचे चित्र टाकले नाही तुम्ही. ;)

आश बुधवार, 08/05/2013 03:22
अगदी मस्त. बिना अंड्याच्या करुन पाहीन

पैसा बुधवार, 08/05/2013 09:39
रोज उठून वेगळं काय लिहिणार ग? मस्त मस्त मस्त!!!

प्रभाकर पेठकर बुधवार, 08/05/2013 09:54
व्वा.. मस्त पाककृती. शेवटचे आणि शेवटून दूसरे छायाचित्र खासच. अगदी चित्ताकर्षक.

अनन्न्या गुरुवार, 09/05/2013 12:25
गवताळांसाठी लगेच दुसरा पर्याय द्यायचा बरं का! तुझ्या पाकृ नुसत्या पाहून सोडून देता येत नाहीत ना!!!

मदनबाण सोमवार, 27/05/2013 19:38
कुकी मस्तच ! शेवटच्या फोटो बद्धल वरील मतांशी सहमत ! जाता जाता :--- फोटो ग्राफितले वेगळे प्रयोग सुद्धा करत आहात हे पाहुन विशेष आनंद झाला. :)