फणसाच्या कुवर्याची भाजी.

कुवरा म्हणजे कोवळा फणस. साहित्यः-१)कुवरा २)भिजवलेली तुरडाळ.(काळे वाटाणे,हिरवे वाटाणे,छोले,चवळी,शेंगदाणे पण घालू शकता.) ३)हळद. ४)मीठ ५)हिरवी मिरची.(उभी चिरलेली) ६)चवीपुरता गूळ. ७)खोबरेल तेल. ८)मोहरी(फोडणीसाठी) ९)बारीक चिरलेला कांदा.( optional) १०)खवलेले ओले खोबरे. कृती :-प्रथम कुवर्याच्या फोडी करून कमी पाण्यामध्ये कुकरमध्ये दोन शिट्या काधून शिजवून घ्याव्या.(भिजवलेले कडधान्य(तुरडाळ सोडून) घालायचे असल्यास कुकरमधेच फोडीबरोबर घालावे.) शिजलेला कुवरा कुस्करून घ्यावा. त्यात हळद्,गूळ व मीठ घालावे. एका भांड्यात खोबरेल तेल घालून तापल्यावर मोहरी घालून फोडणी करावी. मोहरी तडतडली की भिजवलेली तूरडाळ्,व उभी चिरलेली हिरवी मिरची घालावी व ढवळून झाकण ठेवावे व त्यावर पाणी ठेवावे. डाळ थोडी शिजली की कुस्करलेली भाजी घालून ढवळून थोडे फोडी शिजलेले पाणी घालून झाकून ठेवावे. भाजीतील पाणी आटले की त्यात ओले खोबरे घालून भाजी ढवळावी. ता.क.साहित्याचा फोटो काढताना त्यात हळद व मोहरी ठेवायची राहिली.(चु.भु.दे.घे.)