Skip to main content

बीट भाजी

लेखक प्रतिज्ञा यांनी सोमवार, 04/03/2013 20:57 या दिवशी प्रकाशित केले.
साहित्य :- १ मोठा बीट, ३ तिखट हिरव्या मिरच्या बारीक तुकडे करून, कढीपत्ता १५ पान, कोथिंबीर १/२ वाटी स्वच्छ धुवून व चिरून , लसून ठेचून, जिरे, मोहरी, तेल, मीठ. कृती :- प्रथम बीटाची शेपूट व डोक कापून बीटाची वरची पातळ साल काढून घ्यायची. नंतर बीट स्वच्छ धुवून कोरडा करून किसणीवर किसून घ्या. कढईत तेलावर मोहरी व जीरा खमंग फोडणी करा नंतर त्यात टेच्लेला लसून, मिरची व कढीपत्ता खमंग परतवा. नंतर त्यात किसलेला बीट घालून परता. चवीपुरता मीठ घालून मंद आचेवर भाजी शिजवा. १५ मिनटात भाजी व्यवस्थित शिजते. शेवटी कोथांबीर घालून १ मिनिट परतावा. चविष्ट बीट भाजी तयार. टीप :- फोडणी खमंग व जरा जास्तच परतावी. आवडत असेल तर कढीपत्ता व कोथांबीर पण जास्त घालावा. त्याने भाजीला चव तर येतेच पण बीट व कोथांबीर या दोघांच्या रंगाच मेळ पण खूप चं छान जमतो.
वाचने 6529
प्रतिक्रिया 11

प्रतिक्रिया

पैसा मंगळवार, 05/03/2013 09:40
साधी सोपी पाकृ. पुढच्या वेली फोटो पिकासावरून किंवा फ्लिकरवरून अपलोड करायचा प्रयत्न करा.

त्रिवेणी मंगळवार, 05/03/2013 15:22
पाकृ आवडली. मी बीट कुकरमध्ये 1 शिट्टी घेवून किसते व वरून फोडणी घालते. आता अश्याप्रकारे करून पाहीन.

प्रतिज्ञा मंगळवार, 05/03/2013 19:18
मृणालिनी ..... बीटाची तूरट चव पूर्ण जाते पण गोडसर पणा थोडासा राहतो. त्यासाठीच मिरची जास्त तिखट वाली घ्यावी.

प्रतिज्ञा मंगळवार, 05/03/2013 19:22
अनन्या , पैसा ..... अग मी इथे एकटीच राहते.... त्यामुळे फोटो काढण जमत नाय ग... पण पुढे नक्की प्रयत्न करेल....

प्रतिज्ञा मंगळवार, 05/03/2013 19:40
त्रिवेणी ..... मला बीटाच जास्त काही येत नाही . हलवा, बर्फी डोसा न हि भाजी सोडून...:(... पण मी बर्याच वेळा बीट सरळ धुवून किसून मिक्सर मध्ये घालून वाटून घेते व चपाती बनवताना त्यात हे वाटण, मीठ व लागेल तेवढ पाणी घालून कणिक मळते व चपाती बनवते.... छान होते ग चपाती... रंग छान येतो बीट पण खाल्ल्या जात. त्यात ताटात कधी नव्हे ते रंगीत चपाती पण दिसते... तेवढाच समाधान ....