Skip to main content

पनिर - पिस्ता हरयाली

लेखक दिपक.कुवेत यांनी बुधवार, 20/02/2013 12:49 या दिवशी प्रकाशित केले.
Pista 1 साहित्यः १. तेल - २ पळ्या २. आलं-लसुण-हिरवी मिरची पेस्ट - १ चमचा ३. पनिर क्युब्स / ताज पनिर ४. फ्रेश किम / मलई - २ चमचे ५. कसुरी मेथी - १ चमचा (हातानी पुड्/क्रश करुन गाळुन घेणे म्हणजे खाताना कचकच लागणार नाहि) ६. व्हईट पेस्ट - १/२ वाटि - १ मध्यम कांदा, ५ काजु, २ चमचे मगज बी कुकर मधे एक शीटि देउन उकडणे. गार झाल्यावर मिक्सर मधे बारिक पेस्ट करणे ७. पिस्ता पेस्ट - १/२ वाटि - २०-२५ सोललेले पिस्ते पाण्यात टाकुन एक १० मि. उकळणे व लगेच गार पाण्यात टाकणे. गार झाल्यावर वरचं साल काढुन मुठभर कोथींबिर्/पुदिना आणि १ हिरवी मिरची घेउन मिक्सर मधे बारिक पेस्ट करणे. (मिरच्यांच प्रमाण त्यांच्या तिखटपणानुसार ठरवावे) ८. चवीनुसार मीठ, साखर किंवा मध १/२ चमचा ९. सजावटिसाठि आल्याच्या पातळ काडया कॄती: १. मध्यम आचेवर एका नॉनस्टिक कढईत तेल गरम करा. २. तेल गरम झाले कि त्यात आलं/लसुण/मिरची पेस्ट टाकुन परता ३. पेस्टचा कच्चा वास गेला कि त्यात तयार केलेली व्हाईट पेस्ट टाका व सतत परतत रहा. काजु मुळे पेस्ट खाली लागण्याची शक्यता आहे ४. आता व्हाईट पेस्ट ब्राउन झाली कि त्यात तयार केलेली पिस्त्याची पेस्ट टाका ५. ग्रेव्हि चांगली परतली कि त्याचा गोळा होईल आणि बाजुच्या कडेने तेल सुटु लागेल. गरज वाटल्यास थोडे पाणि टाका म्हणजे ग्रेव्हि खाली लागणार नाहि ६. आता त्यात पनिर क्युब्स टाका. आवडत असल्यास पनिर मिक्स करण्याआधी क्युब्स थोडे शॅलो फ्राय करु शकता ७. एक ५ मि. ग्रेव्हि चांगली परतली कि कसुरी मेथी, चवीनुसार मीठ, साखर किंवा मध घालुन गॅस बंद करा ८. फ्रेश क्रिम/मलई घालुन भाजी हलक्या हाताने मिक्स करा ९. सर्विग साठि वरुन पातळ कापलेल्या आल्याच्या काडया घाला आणि पोळि, फुलके, नान, रुमाली रोटि बरोबर सर्व करा!
वाचने 7587
प्रतिक्रिया 28

प्रतिक्रिया

अक्षया बुधवार, 20/02/2013 12:55
दिसायला जीतकी छान आहे चवीला तितकीच छान असणार. नक्कीच करुन बघणार. :)

धनुअमिता बुधवार, 20/02/2013 13:04
मस्त आहे पाककृती. खुपच सुंदर. (ते तेव्हढे फुलके आणि रुमाली रोटि यांची पाककृती दिली असती तर आम्हां नवशिक्यांसाठी बरे झाले असते. आशा करते कि त्यांची पाककृती लवकरच द्याल.)

दिपक.कुवेत बुधवार, 20/02/2013 13:11
अमिता ते तेव्हढे आयते आण....मी त्यात अगदिच निरक्षर आहे :))

नानबा बुधवार, 20/02/2013 14:48
जब्राट... ते दिसायलाच येवढं भारी दिस्तयं तर खैला तर जामच खत्रा असणार. बोंबला आम्हांला चहा आणि पोहे सोडले तर असलं काहीच येत नै बनवायला.. :(

पैसा बुधवार, 20/02/2013 14:55
काय मस्त पाकृ आहे! फोटो नेहमीप्रमाणेच लाजवाब!

सूड बुधवार, 20/02/2013 14:56
पाकृ हटके आहे. पण येवढे पिस्ते वाटून त्याला फोडणी द्यायची? तिखटात पिस्ते लागत असतील छान पण तुमची पनीर आणि पिस्त्याची याआधीची गोडाची पाकृ अधिक उजवी वाटली. गेल्या वीकांतास करूनही पाह्यली. ट्रायल बेसिसवर केल्यामुळे फोटु काढेस्तवर शिल्लक राह्यली नाही. सगळ्यांना आवडली, पण मला मात्र पनीर साखरेसोबत पाचेक मिनीटं शिजवलं तर चव आणखी वाढेलसं वाटलं.

दिपक.कुवेत बुधवार, 20/02/2013 15:06
मलाहि आधि तसच वाटल होत पण केल्यावर चवीला मस्त झाली. हव असल्यास पिस्ते कमी घाला. गोडाची पाकृ केलीत; धन्यवाद. पण माझ्या मते पनीर साखरेसोबत शिजवल तर साखरेचा पाक होईल आणि मग कदाचीत मिश्रण घट्ट होईल...जाणकारांनी कॄपया मार्ग्दर्शन करावे.

सानिकास्वप्निल बुधवार, 20/02/2013 17:17
छान पाकृ आणी फोटो नेहमीप्रमाणेच :)

किसन शिंदे बुधवार, 20/02/2013 17:22
आमी बी तुमच्या पाककृतींचे पंखा झालो.

प्रसाद१९७१ बुधवार, 20/02/2013 17:25
जबरा

मदनबाण बुधवार, 20/02/2013 17:36
मस्तच ! एक प्रश्न ते शिर्षकात हरयाली च्या ऐवजी हरियाली असे हवे का ?

jaypal शुक्रवार, 22/02/2013 16:12
फोटो आणि पाक्रु दोन्ही जबराट आहेत

इन्दुसुता शुक्रवार, 22/02/2013 22:00
मेथी व पनीर यांचे सर्व प्रकार बाय डीफॉल्ट आवडतात.. छान पाककृतीबद्दल धन्यवाद. ह्या विकांताला करून बघणार ... पण ते व्हाईट पेस्ट मधलं " मगज बी " म्हणजे काय... तेव्हढं सांगा.