हार्मोनिका- नवा छंद..

मी देखील काही महिन्यांपूर्वी हि हार्मोनिका खरेदी केली. २-३ दिवस प्रयोग करून पाहिले त्यानंतर परत हात लावला नाही.
जाणकारांनी या धाग्यावर मार्गदर्शन केल्यास मलाही लाभ मिळेल...

स्टेमीना चांगलाच वाढतो आणि आपोआप सुर जुळतात. ;-)

लहान असताना घरात एक बाजा होता. फुंकून फुंकून हैराण व्हायचो. थोडसं मोठ्ठं झाल्यावर कुणितरी बाजा वाजवल्यानं ओठ काळे होतात आणि गाल फुगतात असं सांगितलं. तेंव्हापासून सोडून दिलं. नंतर निवडक स्वरच वाजवण्यामध्ये लिमिटेशन्स असतात त्यामुळे एक कला म्हणून ठिक असली तरी बाजा वाजवण्यात विशेष मजा वाटली नाही.

हार्मोनिकावर मला थोडीफार जमणारी गाणी म्हणजे " ये जो देस है तेरा.." "आवाज दो हमको, हम खो गये.." "बाते कुछ अनकहीसी" (मेट्रो) मधली ट्यून.. "इक दिन बिक जायेगा माटी के मोल.." आणि इतर. पण आता बराच काळ झालाय हार्मोनिका वाजवून. आता ती तिच्या डब्बीत बंद पडलेली असते.. :-(

है अपना दिल तो आवारा या गीतामध्ये वाजवलेली हार्मोनिकाची धून ऐकून मला हार्मोनिका विकत घ्यावीशी वाटली. पण तसे वाजवणे जमले नाही एकदाही म्हणून आता हातही लावावासा वाटत नाही... :-(.

ऑल दी बेस्ट..!!

"है अपना दिल तो आवारा" मधे खरच झक्कास वाजवलयं हर्मोनिका...!!

मी पुण्याच्या सिटीपोस्ट चौकातून १९७६ चे सुमारास हिरो कंपनीचे made in china हार्मोनिका रूपये वीस ला घेतली.( त्यावेळी मला चारशे रुपये पगार होता केंद्र सरकारी नोकरीत बरं का ! ) मी कुणाकडेही हे वाद्य शिकलो नाही. पण मला बरीचशी गीते यावर वाजविता येतात. उदा किसी ना किसीने, ओ तुमसे अच्छा कोन है, य ही वो जगा है, ई. या वाद्यात दोन प्रकार आहेत. एकात फक्त शुद्ध स्वरांचीच गीते वाजविता येतात .काही स्वर हवा खेचून तर काही हवा सोडून . जिभेने
तोंडाच्या पो़कळीत हवा दाबत ( पंपिंग) करीत यातून वेगळाच आकर्षक स्वर धर्म निर्माण करता येतो. त्यातील रीड चे कंपन होऊन पुढे ज्या बाजूने हवा बाहेर पडते ती हवा एका हाताने हलविली तर मस्त परिणाम मिळतो.परत हवेचा जोर कमी अधिक करून ही काही वेगळेपण साधता येते. दुसर्‍या एका प्रकारात बाजूला एक कळ असते ती दाबून कोमल half tone) स्वर काढता येतात म्हणे. ( असे म्हणे म्हणण्याचे कारण मी तशी हर्मोनिका वाजवून पाहिलेली नाही. )

विशेष असे की १९७६ साली खरेदी केलेली माझी हार्मोनिका २०१३ मधेही उत्तम वाजते. ( त्यावेळचे मेड इन चायना ची गुणवत्ता काय असावी ते आपण समजा )

अत्यंत सुंदर वाद्य आहे.
ह्या वाद्याला मर्यादा आहेत असे वाटणार्‍यांनी खालील लिंक पहाव्या. अशोक भंडारी आणि मदनकुमार यांची अफलातुन जादुगरी आहे.
https://www.youtube.com/watch?v=PYsU9Gco97o
https://www.youtube.com/watch?v=CAjfSqNXwt4&list=PL3F148AD4B372A8E3

"लाखो़ है निगाहो मे" ह्या गाण्यात "तौबा ये निगाहें, ये रोकती है राहे" ह्या ओळी मधले व्हँपिंग जबरदस्त आहे.
तसेच वेस्ट मधे वाजवले जाणारे ब्लुज ऐकावेत. टेन होल डायटॉनिक मधुन काय काय काढता येते ते बघुन थक्क व्हायला होते.

छंदास शुभेच्छा

हार्मोनिका घेतल्याबद्दल अभिनंदन. प्रॅक्टिस केलीस तर तुला कुणाकडेही न शिकता वाजवता येईल.
जन गण मन हे ही त्यावर चांगले वाजते.