Skip to main content

मूर्ग हैदराबादी

लेखक जयवी यांनी सोमवार, 28/01/2013 09:07 या दिवशी प्रकाशित केले.
“आई, मस्त चिकन बनवशील का आज ?” पिल्लाचं आर्जव…… तेही त्याच्या वाढदिवसाला……!! मग ते न बनवून कसं चालणार… !! इकडे तिकडे थोडं सर्च करुन, घरी असलेल्या वस्तू वापरुन मस्त रेसिपी तयार झाली.”मूर्ग हैदराबादी”. साहित्य : मॅरिनेशन : चिकन – १ किलो दही – १ कप तिखट – २ टी स्पून मीठ – १ टी स्पून लिंबाचा रस – २ टी स्पून ग्रेव्ही : बारीक चिरलेला कांदा – २ कप लसूण पेस्ट – १ टेबल स्पून कोथिंबीर – अर्धा कप पुदीना – अर्धा कप हळ्द – १ टी स्पून तिखट – १ टी स्पून गरम मसाला – २ टी स्पून मीठ – चवीनुसार तळलेले काजू १०-१२ तेल – ४ टेबल स्पून कृती : १. मॅरीनेशन चं साहित्य चिकनला चोळून चिकन साधारण दीड तास मॅरीनेट करा. २. कढईत तेल गरम झाल्यावर बारीक चिरलेला कांदा सोनेरी रंगावर तळून घ्या. ३. मग त्यात लसूण घालून थोडं परता. ४. त्यात हळद, तिखट, गरम मसाला, मीठ घाला. ५. आता त्यात चिकन चे मॅरीनेट झालेले तुकडे घालून परता. ६. मग त्यात अर्धा कप पाणी घालून नरम शिजवून घ्या. ७. शिजल्यानंतर त्यात बारीक चिरलेली कोथिंबीर, पुदीना आणि काजू घालून आणखी एक उकळी काढा. ८. मस्त चमचमीत तयार झालेलं चिकन कोथिंबीर आणि काजूचे तुकडे घालून सर्व्ह करा. तबीयत खुश होणारच पिल्लाने अगदी मनापासून दाद दिली होऽऽऽऽ .
वाचने 8310
प्रतिक्रिया 27

प्रतिक्रिया

मुक्त विहारि सोमवार, 28/01/2013 10:02
छळवाद आहे.. एक तर इथे रोज सांबार-भाता शिवाय दुसरे काही मिळत नाही. आणि वरून आम्हाला जळवायला ह्या रेसिपीज.. असू दे.. वाचन खूण साठवली आहे.. आता भारतात गेलो की. नक्की करून बघणार..

मनीषा सोमवार, 28/01/2013 10:17
फोटो मस्त आहे... पण हैद्राबादी का? काजु आहेत म्हणून का? कारण मी देखिल चिकन साधारण असेच बनवते. (पुदीना नाही वापरून पाहिला अजून)

जयवी सोमवार, 28/01/2013 11:34
अगं पुदीना हाच तर मुख्य घटक आहे. कदाचित त्यामुळेच ते हैदराबादी म्हणत असावेत. नाव मी नाही गं ठेवलं ..ते नेटवर होतं :) मी फक्त मॅरीनेशन माझ्या पद्धतीने केलं बाकी रेसिपी तशीच आहे.

मनीषा मंगळवार, 29/01/2013 07:09
असं आहे होय.. मला वाटलं, हैद्राबादी मसाला काही वेगळा असतो की काय.. पुढच्यावेळी चिकन करताना पुदीना नक्की ट्राय करीन ..

दिपक.कुवेत सोमवार, 28/01/2013 12:15
वाढदिवसाच्या हर्दिक शुभेच्छा! चिकन पाहुन तोंडाला पुर आलाय! तळलेला सोनेरी कांदा वरुन घालायचा का ग्रेव्हि मधे? आता एकदा खरचं भेटायचं ठरवलं पाहिजे...तु नॉनव्हेज करुन आण; मी व्हेज आणतो :)

प्रभाकर पेठकर मंगळवार, 29/01/2013 01:21
अतिशय चविष्ट प्रकार दिसतो आहे. त्या 'अलीप्त' काजूंनी जरा विरस केला. त्या व्यतिरिक्तही चिकन मस्त लागेल ह्यात शंका नाही. मी सुरुवातीला चुकून 'मूर्ख हैदराबादी' असे वाचले. असो.

जयवी मंगळवार, 29/01/2013 10:58
पेठकर काका...... काजू अलिप्त नाहीयेत. पुदीना, कोथिंबीरीसोबतच तळलेले काजू रश्श्यात आहेत. वरचे तळलेले काजू फक्त मेकप साठी :)

विसुनाना मंगळवार, 29/01/2013 17:49
मीसुद्धा सुरुवातीला चुकून 'मूर्ख हैदराबादी' असे वाचले. ;) असो.

धमाल मुलगा मंगळवार, 29/01/2013 20:45
नानासाहेब एव्हढ्यातेव्हढ्यावरुन भावना दुखावल्या जाणार्यांपैकी नाहीत म्हणुन बरं! ;-)

अग्निकोल्हा मंगळवार, 29/01/2013 01:29
अशी काही चित्रे समोर ठेउ नका राव... कलेजा खतम् होतो. काजु मस्त तळुन मसाला मारुन घातले तर अजुन टेस्टि होणार यात शंका नाही.

सानिकास्वप्निल मंगळवार, 29/01/2013 04:30
चिकन कसलं चमचमीत दिसतयं :) फोटो तर खासचं

दीपा माने मंगळवार, 29/01/2013 08:49
जयवी, तुमच्या हातालाच चव असावी कारण सामुग्री तीच असुनही चव वेगळी लागु शकते. चिरंजीवाना वाढदिवसाच्या शुभेच्छा.

जयवी मंगळवार, 29/01/2013 11:02
मनापासून धन्यवाद दोस्तांनो :) नवरा आणि लेकाने घरचं चिकन हॉटेलच्या चिकनपेक्षा भारी होतं हे बोटं चाटत चाटत घोषित केलं :)

धमाल मुलगा मंगळवार, 29/01/2013 20:43
फोटो बघून नुसता पाणी पाणी झालो राव. एक जरा पराठे (प्राठा प्राठा..चुकलं गणपाशेठ..मापी द्यावी.), हे असं लै भारी चिकन आणि जोडीला खीमा मसाला असला म्हणजे स्वर्ग दोन बोटांपेक्षा आणखी काय दूर असणार? :-) असो, आज वांग्याच्या फोडीच चिकन समजुन खाईन म्हणतो.

गौरीबाई गोवेकर गुरुवार, 07/02/2013 13:16
छानच दिसतय!

मदनबाण गुरुवार, 07/02/2013 20:54
निरपराध आणि सजीव असणार्‍या तसेच क्वॉक क्वॉक असा आवाज करणार्‍या प्राण्याला ठार मारुन त्याची रोचक चव चाखण्याची एक हिंसक थेअरी मला यात दिसली ! ;)किती क्रूरपणा आहे हा ! हे वाचुन सर्व मांसाहारी मंडळींचे मनपरिवर्तन होईल अशी अपेक्षा करुन मी माझे शाकाहाराचे तत्वज्ञान इथेच समाप्त करतो. ;) (शाकाहारवादी);)

शुचि गुरुवार, 07/02/2013 23:48
काय जीवघेणा आहे तो फोटो. मेले.

ऋषिकेश शुक्रवार, 08/02/2013 10:10
"आज जुम्मे के दिन ये डिश देखा ऑर बालदीभर लाळ टपक्या! " "हाय हाय, लेकीन घरमें चिकन बनानेकी परवानगी नै हे ना :(" "फिकर नॉट, मिपाकर आहेत ना, कोईतो तुझको बुलायेगा ऑर खाऊ घालेगा देख नक्कीच!" ;)