पुन्हा एकदा पेन्सिल शेडिंग..

सर्वांचे मनःपूर्वक आभार... हे चित्र (आधीच्या चित्रांच्या मानाने) काहीसे घाईत पूर्ण केले आहे. एकच लेअर आहे. पुनःपुन्हा हात दिलेला नाही. त्यामुळे ज्याला डायनॅमिक रेंज म्हणतात ती इथे तशी दिसत नाहीये. हा कागद ग्लॉसी फिनिश चा नव्हता, त्यामुळे खूप जास्त बारकावे दाखवता आले नाहीत, पण तिच्या वस्त्राचा पोत मात्र छानपैकी जमून आला. हे चित्र कमी वेळेत पूर्ण करू शकण्यास कारणीभूत मला अपघातानेच सापडलेली स्मजिंगची एक युक्ती.. त्याबद्दल पुन्हा केव्हातरी. हे चित्र ट्रेसिंगचा वापर करून काढलेले नाही. (ट्रेसिंग करण्यात वाईट काहीही नाही. फक्त मी ते केलेले नाही.) समोर फोटो ठेऊन दृश्यस्मरणशक्तीचा (Visual Memory) जास्तीत जास्त वापर केला आहे. समोर मॉडेल बसवून जसे आपण पेन्सिल व अंगठा धरून अंतराची अंदाजे मोजमापे घेतो तसेच केले आहे. त्यामुळे कधीकधी अंदाज चुकत होता. :) असो. तरीही चित्र बरे आले हे चांगले. तिचे डोळे रेखाटनं सर्वात सोपं गेलं. आणि सर्वात अवघड तिच्या आउट-ऑफ्-फोकस बोटांची सटल्टि (subtlety) दाखवणे. प्रो चित्रकार अशा वेळी एक खास संदर्भपट्टी वापरतात जिच्यावर तुमच्या पेन्सिलीने काढता येऊ शकणारा सर्वात गडद ते सर्वात फिकट आणि मधल्या थोड्या थोड्या फरकांच्या क्रमशः छटा असतात. (मी आळशी, असल्या फंदात पडलो नाही :P सरळ जे दिसलं ते काढलं ;) ) आता पुढचे चित्र कधी? माहीत नाही.. बघू, पुन्हा अशी एखादी 'प्रेरणा' मिळाली की नक्की काढेन! (अवांतर - संपादक मंडळास, मला माझ्या आधीच्या चित्रांच्या लेखांचे दुवे द्यायचे होते, पण धाग्यांवर गेल्यावर काहीच दिसत नाहीये, त्यामुळे बेत रहीत केला.. जुने लेख, प्रतिसाद वगैरे ठराविक काळानंतर अदृश्य केले जातील असे नवीन धोरण आहे काय? तसे असेल तर ठीक आहे. असो.) (अजून एक - पावडर शेडिंगबद्दल काही माहीत नाही. वेळ मिळाला तर जरूर प्रयत्न करेन. पेन्सिलशेडिंगसुद्धा कधीतरी कुणी काढलेले एक चित्र पाहून माहीत झाले. सहज प्रयत्न केला तर मलापण हे येतं हे कळलं :D ) आणि हभप, सॉरी. पिडांकाकांना विचारा. मी काढलेले एकही चित्र माझ्याकडे नाही ( :( ) नाहीतर दुसरे एखादे दिले असते..