तुम्ही खोटं बोलता का : एक सर्वेक्षण. :)

नमस्कार मंडळी. समाजजीवनात वावरतांना मला कधी कधी वाटतं की काही माणसं थोडं थोडं खोटं बोलत असतात, अर्थात अशा विधानाला कोणताही अधिकृत विदा नाही आणि काही संदर्भही नाही. आणि मग माझ्या मनात विचार आला की माणसं खोटं बोलतात ही गोष्ट खरी आहे, पण हे खोटं बोलण्याचं प्रमाण काय असावं ? आणि ते मोजण्याचं माप कोणतं ? आणि अशा खोटं बोलण्यानं माणसाचा समाजजिवनात फायदा होतो की तोटा होतो, असा एक विचार हा सर्वेक्षण घेतांना मनात आला. प्रतिसाद समजून घेण्यासाठी 'मिसळपाव' आणि 'अ ते ज्ञ' या दोन संकेतस्थळ सदस्यांच्या प्रतिक्रियांची नोंद घेणार आहे. (अ ते ज्ञ संकेतस्थळावर सध्या केवळ अ‍ॅडमिनच वावरतात, त्या संकेतस्थळावर सदस्य नेण्यासाठी ही सर्वेक्षणाची आयडिया आहे, असे कृपया समजू नये. ) सर्वक्षण करतांना दहा प्रश्न विचारले आहेत. पत्येक प्रश्नाचे प्रामाणिक उत्तर द्यायचे आहे. प्रत्येक प्रश्नाला एक गुण देणार आहे. गुणांची संख्या आणि आपण किती प्रामाणिकपणे हे उत्तर दिले आहे, त्याचा मनोमन अभ्यास करुन त्या विदाचे विश्लेषण आपल्यासमोर मांडणार आहे. सर्वक्षेणाचे उत्तर आपण धाग्यातच लिहावे. व्य.नि.अजिबात करु नये. समाजजीवनात सदरील निष्कर्षाचा हौस म्हणून आपणास फायदा होतो की तोटा हे शोधणे हाच या प्रश्नावलीचा प्रामाणिक हेतू आहे. सदरील विदाचे विश्लेषण एक जानेवारी दोनहजार तेराला करणार आहे, आपण प्रतिसाद एकतिस डिसेंबर पर्यंत लिहू शकता. प्रश्न पहिला : आपणास खोटे बोलणे आवडते. अ) होय. ब) नाही. क) कधीतरी ड ) नियमित. प्रश्न दुसरा : आपण आई-वडिलांशी बोलतांना खोटं बोलता. अ) कधीच नाही. ब) थोडं थोडं क) प्रसंग पाहून ड) मत मांडू इच्छित नाही. प्रश्न तिसरा : आपण पत्नीशी/ पतीशी खोटं बोलता. अ) कधीच नाही. ब ) कधीतरी क) नियमित ड ) अंदाज पाहून प्रश्न चौथा : आपण कामकाजाच्या ठिकाणी खोटं बोलता. अ) नियमित ब) कधीकधी क) कधीच नाही. ड) प्रसंग पाहून प्रश्न पाचवा : मैत्रीणीशी खोटं बोलता अ) भरपूर ब) नाही. क) कधीतरी ड) नियमित प्रश्न सहावा : आयुष्यात खोटं बोलण्याचं महत्त्व. अ) खूप आहे. ब) काहीच नाही क) खोटं बोलावंच लागतं. ड) तडजोडीमुळे प्रश्न सातवा : खोटं बोलण्याचे कारण. अ) आनंद ब) फायदा क) फसवाफसवी ड) आयुष्यातील तड्जोडी. प्रश्न आठवा : सर्वच माणसं आयुष्यात खोटं बोलतात. अ) अगदी खरं आहे. ब) खोटं आहे. क) पन्नास टक्के ड) सांगता येणार नाही. प्रश्न नववा : खोटं बोलणं हा गुण आहे अ) हो ब) नाही. क) नैमित्तिक ड ) सांगू शकत नाही. प्रश्न दहावा : खोटं बोललं पाहिजे. अ) हो ब) नाही.