प्रकाश आंबेडकर पाकिस्तान धार्जिणे आहेत का ?

अफझल गुरू याच्या फाशीच्या शिक्षेची अंमलबजावणी झाल्यास आपल्या देशात काय घडू शकते याबाबत बाळासाहेब आंबेडकरांनी जो अंदाज व्यक्त केला आहे तो फारसा चुकीचा वाटत नाही. आता आपल्यापुढे प्रश्न असा आहे की देशद्रोह्यांबरोबर कुठलीही तडजोड नाही या देशभक्तीच्या तत्त्वाचा अंगिकार करायचा की व्यावहारिक तडजोड करून शांततापूर्ण मार्गाने प्रगती करत राहायची. पण दुसऱ्या पर्यायात यश मिळवण्यासाठी अनेक घटक आहेत जे आपल्या नियंत्रणात नाहीत. याबाबतचा निर्णय घेण्यासाठी व तो जनतेस पटवून देण्यासाठी खंबीर राजकीय नेतृत्वाची आवश्यकता आहे ज्याची सध्यातरी वानवाच आहे. एका अवघड मुद्द्यावर अतिशय स्पष्ट बोलल्याबद्दल बाळासाहेब आंबेडकरांचे अनेक आभार. ते कुठल्याही प्रकारे पाकीस्तानधार्जिणे वाटत नाहीत.

"जर आपण लादेन ला मारले तर सारे मुस्लीम जग एकत्र होऊन इस्लामी बोंम्ब बनवेल मग पाकिस्तान आपला मित्र रहाणार नाही. कारण ते जग त्याला लागून आहे. तेंव्हा लादेन जिवंत राहू द्या " असा विचार अमेरिकेने केला असता का ?

लादेन विषयी सांगायचे तर न्यायालयात त्याच्या विरोधात सबळ पुरावा नऊ अकरा च्या विरोधात अजिबात सिद्ध झाला नसता ही गोष्ट खूप कमी जणांना ठाऊक आहे. त्याला पकडून त्यावर खटला भरणे हे अमेरिकेचे कधीच उद्दिष्ट नव्हते. तो जर कोर्टात स्वतःहून हजार झाला असता आणि अमेरिकेने त्याला व त्यांच्या अनेक अरब तरुणांना धर्माच्या नावे ब्रेन वोष करून अफगाणिस्तानात जाण्यास प्रव्रूत केले. व जगातील एक मुस्लिम पिढीच्या डोक्यात रशिया विरुद्ध जिहादी कल्पना भरल्या व पुढे तालिबान ची निर्मिती कशी केली त्यात कोण कोण नेते समाविष्ट होते हे सविस्तर सांगितले असते तर अमेरिकेची जगात फार मोठ्या प्रमाणात नाचक्की झाली असती. अलकायदा च्या हल्ल्यानंतर अमेरिकेत व जगात हिरवा दहशतवाद हि कल्पना पसरली त्या आधी युरोपात तर असेकाही आहे व तालिबान कोण त्यांचे निर्माते कोण व अलकायदा सुरवातीच्या काळात कोणाविरुद्ध लढत होती तिचे निर्माते कोण ह्याविषयी काहीही कल्पना नव्हती व आजही ह्या लोकांना अजिबात कल्पना नाही आहे. त्यामुळे त्याला संपवणे हाच एकमात्र उपाय होता. भारतला अफझल गुरु च्या निमित्ताने काश्मिरातील दहशतवाद जगापुढे मांडता आला. प्रकाश आंबडेकर ह्यांनी एक शक्यता वर्तविली आहे ,अर्थात ती एकदम टोकाची भूमिका झाली.आणि राजकारण चर्चेत राहण्यासाठी अशी वक्तव्ये करण्याची सध्या लाट आली आहे. पण अफजल गुरु च्या फाशीच्या निमित्ताने पाकिस्तानी कट्टर पंथीय काश्मिरात हल्ले करतील व पाकिस्तानी जनता सध्या काश्मीर प्रश्न विसरत चालली आहे त्यांना सुद्धा भडकावणे वैगैरे प्रकार करतील. भारताने अश्या गोष्टीला तोंड देण्याची तयारी करावी व हल्ले होणार हे गृहीत धरून त्याला फाशी द्यावी. मी त्याला फाशी देण्याच्या बाजूने आहे.

निव्वळ एक शक्यता व्यक्त केलीये, त्यात गैर ते काय?

प्रकाश आंबेडकरांच्या म्हणण्यात तथ्य आहे. काश्मीर प्रश्न एका दिवसात सुटण्यासारखा नाहिये. काश्मीरी युवकांना भरकटवणारे अनेक लोकं आजही तिथे आहेत. अफ़जल गुरु हा आधी आयएएस परिक्षेचा अभ्यास करत होता म्हणे कधी काळी. अशा तरुणांना माथेफ़िरु बनविणारे तिथे अनेक आहेत. फ़क्त त्यांच्याच अनेक गटतट आहेत आणि प्रत्येकजण नेता आहे. अफ़जल गुरु हा त्यांच्यात एकी करणारा फ़ॅक्टर बनु नये हे बघणं भारत सरकारचं काम आहे. भारत सरकार मात्र ब्रेन वॉशिंग च्या बाबतीत एकदमच मागे आहे. भारतानेही काश्मीरींचे पद्धतशीरपणॆ ब्रेनवॉशिंग केले पाहिजे. त्यासाठी आपल्या यंत्रणा पद्धतशीरपणे राबविल्या पाहिजे. पाकिस्तानही हे सहज करु शकतं भारत का करु शकत नाही? एकदा काश्मीरींचे ब्रेनवॉशिंग झालं तर अफ़जल गुरु सारखी प्रकरणं निकालात काढणं खुप सोपं होईल. सोशल मिडिया आणि एकुणच मिडियाच्या सहाय्याने हवं तसं वातावरण निर्माण करता येतं....भारत सरकारला जर ते येत नसेल तर केजरीवालांकडुन त्यांनी धडे घ्यावेत. संपुर्ण भारत तापवायला टिम अण्णाला काही महिने लागले. भारत सरकारला अजुन काश्मीरमधे वातावरण निर्मीती करता येत नाहीये.

हा पळपुटेपणा होईल ? हव तर एक पर्याय म्हणून वापरा. (साप पण मरेल आणि काठी पण नाही तुटणार) पण काहीतरी समन्वय साधून एकदाचा निकाल लावून टाका नाहीतर एखादे कंधहार होइ पर्यंत वाट बघा.

त्यांनी एक शक्यता वर्तवली आहे. त्याचा विचार करणे गरजेचे आहे.

शक्यता मांडली आहे. मांडोत बापडे. पण त्यासाठी त्यांनी अफझल गुरु ची तुलना 'भगतसिंगांशी' केली आहे, हे प्रचंड खटकले. :(

पण हे प्रकाश आंबेडकर आणि अफजलगुरु कोण आहेत ? आणि मुख्य म्हणजे काश्मीर हा भारतापासून वेगळा होईल म्हणजे अजून नक्की नेमके काय होईल ?