Skip to main content

पांडुरंग पांडुरंग

लेखक कौस्तुभ आपटे यांनी रविवार, 09/12/2012 11:05 या दिवशी प्रकाशित केले.
पांडुरंग पांडुरंग दर्शन दे रे कधीचे प्राण माझे नयनी उभे रे ॥धृ॥ नाण्यावरी ठसा जसा, दिवा मंदिरात तसा तूच सामावला माझ्या अंतरात वितळू दे काया, तुझ्या मुर्तीत घे रे ॥१॥ पांडुरंग पांडुरंग दर्शन दे रे... जन म्हणे विठोबाच्या नादी खुळावला दृष्टाळला जन्म सारा, संसार नासला उत्तराया तुच नाथा, प्रकटोनी ये रे ॥३॥ पांडुरंग पांडुरंग दर्शन दे रे... तुझ्या कल्पनेने जीव उताविळ होतो दश इंद्रियांनी देह मोहरून गातो "पांडुरंग पांडुरंग पांडुरंग पांडुरंग पांडुरंग पांडुरंग" विनवितो तुला तुझ्या चाकरीत घे रे॥२॥ पांडुरंग पांडुरंग दर्शन दे रे... भक्तिगीत --कौस्तुभ http://www.facebook.com/AseSphuraveGeet
काव्यरस
शांतरस
लेखनविषय:
वाचने 2035
प्रतिक्रिया 10

प्रतिक्रिया

श्री गावसेना प्रमुख रविवार, 09/12/2012 15:35
आत्मा साहेब कवीता नाही ती भक्तीगीत आहे, एव्हढे घाइ करुनशान कुठ निघाले व्हय.

हारुन शेख रविवार, 09/12/2012 15:58
भक्तीगीत छान लिहिलंय. वृत्तात बसते कि नाही काय माहित पण ' पांडुरंग ' मधल्या 'ग' ला काना देऊन 'गा' केले की तो अजून जवळ आल्यासारखे वाटते. बाकी तो विठोबा आपणावर लवकर प्रसन्न होऊन आपल्यास दर्शन देवो ही प्रार्थना.

कौस्तुभ आपटे मंगळवार, 11/12/2012 14:36
धन्यवाद! पांडुरंग च्या ग वर जर जोर दिला तर ते व्यवस्थीत वाटत. अभिप्राया वद्द्ल मनापासून धन्यवाद!

कौस्तुभ आपटे बुधवार, 12/12/2012 00:33
धन्यवाद मीत्रा गणेश ! कसा आहेस!....चार वर्ष झाली तुला भेटून....स्वरनक्षत्र :)