साहित्यः चिकन विंग्स = १०-१२ (ह्याचे लॉलिपॉप्स करुन घ्यावेत) आले = २ चमचे बारीक चिरलेले लसुण = २ चमचे बारीक चिरलेले हिरवी मिरची = १ बारीक चिरलेली काळि मिरी पावडर = २ चमचे अंडी = २ सोया सॉस = १ चमचा व्हिनेगर = १ चमचा चिली सॉस = १ चमचा कॉर्नफ्लॉवर = ३-४ चमचे तांदुळाचे पीठ = २ चमचे खायचा लाल रंग = १/४ चमचा मिठ चवीनुसार तेल तळण्यासाठी स्टफिंगसाठी : Mozerella cheese = १/२ कप पुदिना = ४-५ पाने बारेक चिरुन काळि मिरी पावडर = १ चमचा मिठ चवीनुसार कृती: १. चिकन विंग्स स्वच्छ धुवुन घ्यावेत. त्याचे लॉलिपॉप्स करुन घ्यावेत. २. एका बाऊल मधे हे लॉलिपॉप्स घ्यावेत. त्यात २ अंडी, बारीक चिरलेले आले, लसुण व हिरवी मिरची टाकावी. त्यात सोया सॉस, चिली सॉस, व्हिनेगर, काळि मिरी पावडर व चवीनुसार मिठ टाकावे. हे सर्व निट मिक्स करावे. ३. त्यात कॉर्नफ्लॉवर, तांदुळाचे पीठ व खायचा लाल रंग टाकुन सगळे मिक्स करुन २-३ तास marination साठी ठेवावे. कॉर्नफ्लॉवरचे प्रमाण consistency प्रमाणे कमी जास्त करु शकतो. ४. स्टफिंग साठी एका बाऊल मधे Mozerella cheese, पुदिना, काळि मिरी पावडर व चवीप्रमाणे मिठ टाकुन हाताने एकदम मऊ होई पर्यंत मळुन घ्यावे. ५. Marinate केलेला एक लॉलिपॉप घ्यावा. त्यात वरील स्ट्फिंग भरावे व बाजुला ठेवावे. ६. तळण्यासाठी तेल गरम करावे. ह्यात हे स्ट्फ केलेले लॉलोपॉप्स टाकावेत. साधारण पणे ३-४ मिनिटामधे हे शिजतात. चिकन शिजल्यावर ते बाहेर काढावे व गरम गरम serve करावे. टिपः १. चिकन विंग्स चे लॉलिपॉप करण्या साठी आधी त्याचे ३ भाग करुन घ्यावेत.त्यातील २ भागाचे लॉलिपॉप होतात. शेवटच्या भागाचा सुप किंवा स्टॉक करण्यासाठी वापर करु शकतो. २. लॉलिपॉप घरी करता येत नसल्यास चिकन शॉप मधुन करुन घ्यावेत.