एक काथ्याकुट कसा असावा?

माझ्य मते काथ्याकुटात घ्यायच्या विषयास पुरेसे गांभिर्य असावे.
विषय मांडणार्‍या प्रेषकाने आपली मते आणि त्या मतांचा आधार म्हणून काही मुद्दे मांडावेत.
प्रतिसादकांनीही विषयाचे गांभिर्य ओळखून, घाई टाळून, विचार करून प्रतिसाद द्यावेत.
प्रेषक आणि प्रतिसादक दोघांनीही विरुद्ध मते मांडणार्‍याच्या विचारांचा आदर करून त्या (विरुद्ध) मतांना खोडून काढण्याचा प्रयत्न आपले मुद्दे नीट मांडून गांभिर्यानेच करावा.
एखाद्याचा एखादा मुद्दा नीट कळला नसेल, त्यातून काही वेगळा सुर निघत असेल तर त्यावर 'मुद्दा कळला नाही जरा उलगडवून सांगणार का?' असा प्रश्न मुख्य फलकावर किंवा प्रतिसादकाला व्यनितून विचारावा.
धाग्याचे गांभिर्य हरवू नये, चर्चा भरकटू नये म्हणून, काही खोडसाळ विधाने असतील तर ती खरडफळ्यावर करावित.
प्रत्यक्ष समोरासमोर बोलण्यातील सभ्यता संस्थळावरही सांभाळावी.

धन्यवाद.

काथ्याकुटच असावे.

मा. संचालक/ संपादकांनी या करीता 'सल्ला/ माहिती/ मदत पाहिजे' असे एक स्वतंत्र सदर सुरू करावे म्हणजे चर्चेव्यतिरिक्त अन्य विषय काथ्याकुट या सदरात येणार नाहीत (आणि आल्यास ते योग्य सदरात टाकले जावेत.)

बाकी विषय, आशय, मांडणी हे वाचकांना योग्य वाटल्यास ते सहभागी होतील, न वाटल्यास होणार नाहीत. काही प्रतिसाद खोडसाळ वा भरकटणारे असू शकतात आणि ते गृहित धरणे बरे. धागाकर्त्याला चर्चेत कितपत रस आहे वा नुसतीच काडी टाकली आहे हे वाचक जाणतीलच. मिपाकर सुज्ञ आहेत.

मू मिठा करो भाई

अवांतर : ममो बेंचवर आहेत.. सर्वच मिपाकर नाही...
आपापला वेळ सांभाळून या चर्चा करायला इकडे

ह घे रे ;)

रोज रोज ह्या मराठमोळ्याचे धागे पाहून उबग आला आहे. आजकाल यावेसेच वटत नाही मिपावर. ;)

बाकी ममो, लेका हे असले नियम वैग्रे मिपावरती आले ना, तर मिपा सोडणारा पहिला मी असेन. भांचुत मिपाचे काय ओसाडगाव करायचे आहे का काय ? बघावे तेंव्हा १ सदस्य ऑनलाईन असलेले ?

हान वैयक्तिक टिपण्या नको वैग्रे ठिक आहे पण इतर नियम म्हणजे मिपाचे नाव बदलून दहिभात ठेवण्यासारखे आहे. मिपाचे आहे ते रुपडे आम्हाला अतिशय प्रिय आहे.

चांगला चर्चाविषय.

काथ्याकुटात प्रास्ताविक, मुख्य विषय, आणि काथ्याकुट कशावर अपेक्षित आहे, त्याबद्दल काही मुद्दे काथ्याकुटात असावेत असे वाटते. बातमी असेल तर बातमीचे काही उतारे , चर्चाप्रस्तावात लिंक द्यायची असेल तर लिंक देऊन लिंकेवरील विषयाचा थोडक्यात सारांश देऊन चर्चाप्रस्ताव योग्य संदर्भासहित स्पष्ट शब्दात मांडावा.

काथ्याकुट करतांना मत कितीही पटणारी असोत-नसोत, व्यक्तिगत कोणाचा अपमान होईल अशी भाषा, असा प्रतिसाद, टाळता आला तर चर्चा उत्तम पुढे सरकते. विषयाला फाटे फोडुन मुळ काथ्याकुट हायजॅक करुन विषयाला उपविषयावर घेऊन जाणे शक्यतो टाळावे.

काथ्याकुटाच्या शीर्षकाचा आणि मुख्य मजकुराचा परस्पराशी संबंध असावा. छोटी शीर्षके असावीत. बाकी, व्यक्तिगत टोमणे, सदस्य आयडींचा विनाकारण सतत चर्चेत उल्लेख करत राहणे. व्यक्तिगत गोष्टींची चर्चा सुरु करणे. हिशेब पूर्ण करण्यासाठी दिलेले प्रतिसाद, कोणाच्या व्यंगावर आणि सार्वजनिक ठिकाणी वावरतांना ठेवायचे भान याची काळजी घेतली तर चर्चा उत्तम पुढे सरकते.

लिहिण्या-बोलण्याचे स्वातंत्र्य आहे, तेव्हा लिहिलेले प्रकाशित करण्यापूर्वी सार्वजनिक ठिकाणी लिहितो आहोत यात काही वावगं तर नाही, याची मनोमन खात्री केली पाहिजे असे वाटते.

संपादक मंडळाने वेळोवेळी दखल घेऊन चर्चा ऑन ट्रॅक आहे की नाही याची काळजी घ्यावी. अवांतर प्रतिसाद टाळता येतील याची काळजी घ्यावी.

संपादक योग्य अशी काळजी घेतातच. पण, संपादकांना कामाची संधीच देऊ नये, असं माझं व्यक्तिगत मत आहे. काथ्यातल्या एका एका धाग्यापासुनच पुढे उत्तम काथ्या तयार होतो आणि हा काथ्या कुठेही उपयोगाला येतो. :)

असो, अजुन खुप सुचणार आहेच. सवडीने डकवतोच. :)

-दिलीप बिरुटे

भाषिक असहिष्णू लोकांचे काय करावे याबद्दल कुणी मार्गदर्शन करावे ही विनंती

मग सर्वसामान्य निष्कर्ष काय म्हणायचा?