मिपाकर मित्रानो, आपल्या कॅमेर्‍यात मॅन्यूअल कंट्रोल असतात. पण बर्‍याच वेळा वेळे अभावी व बरेच वेळा आळसाने वा काही वेळा " त्यापेक्शा आटो बरा , आयला डोक्याला कटकट नाही ! या हिशेबाने मॅन्यूअल कंट्रोल वापरण्याचे आपण सर्व जण ( त्यात मी ही आलो) टाळतो. आपला फोटो भुरकट येणे व धुरकट येणे या वेगवेगळ्या समस्या आहेत. आपल्याला फोकस जमला नाही की फोटो भुरकट येतो. पण फोटोत वातावरणातील दोषांमुळे एक धुरकट रंगाचा पातळ थर फोटोवर येतो. बहुतेक वेळा उन्हाकडे तोंड करून स्नॅप घेतला तर हा प्रकार घडतो. असा फोटो आपल्या डोळ्याला त्रासदायक वाटतो. हा दोष फोटोशॉप मधील एका सोयीने सुधारता येतो. त्या टूल ला " अनशार्प मास्क" से म्हणतात. त्याचा उपयोग आपण पाहू या. हा फोटो फोट्शॉप मधे file - open या मार्गाने open केला आहे. पण त्यात मधला देवळाच्या दाराभोवतीचा भाग धुरकट दिसत आहे. यात लेअर पॅलट मधे जाऊन background layer ला right click करा . यात एक नवे पॅलट ओपन होईल त्यात duplicate layer वर click करा . आता duplicate layer तयार झाला. आता duplicate layer सिलेक्ट करून फिल्टर या मेनु मधे जा. इथे filter- sharpen- unsharp mask या मागाने जाऊन unsharp mask ला click करा. इथे तीन प्रकारे माहिती द्यावी लागेल. त्यात radius 7 ते 20 व threshold 0 ( शुन्य)ठेवा. amount slider आपल्या आवडीप्रमाणे कमी अधिक करा व ok वर click करा. आपल्या फोटोतील धुरकट पणा नाहीसा झालेला दिसेल .आता खाली दोन फोटोची तुलना करून पहा. मूळ फोटो आपल्या दोषांसह. अनशार्प मास्क वापरल्यानंतर वरील फोटो कर्नाटक राज्यातील अतिशय अद्वितीय अशा सोमनाथपूर देवालयाचा आहे.