लेमन राईस

साहित्यः २ वाट्या शिजवलेला भात (शिळा भात वापरला तरी चालेल) १/४ वाटी लिंबाचा रस २ हिरव्या मिरच्या चिरून १-२ लाल सुक्या मिरच्या तोडून कढीपत्ता १ टेस्पून शेंगदाणे १ टीस्पून मोहरी १/४ टीस्पून मेथीदाणे १ टीस्पून चणा-डाळ १ टीस्पून उडदाची डाळ १/४ टीस्पून हींग १/२ टीस्पून हळद मीठ चवीनुसार तेल पाकृ: पॅनमध्ये तेल गरम करून मोहरी, मेथीदाणे, उडदाची डाळ व चण्याची डाळीची फोडणी करावी. डाळी लालसर रंगावर परतल्या गेल्या की त्यात कढीपत्ता, हींग, हिरव्या व लाल सुक्या मिरच्या घालाव्या. थोडे परतल्यावर त्यात हळद व शेंगदाणे घालावे. शेंगदाणे खमंग परतून घ्या. आता त्यात शिजवलेला भात व मीठ घालावे. मिश्रण हलक्या हाताने एकत्र करावे. त्यात लिंबाचा रस घालून गॅस बंद करावा व सगळे नीट मिक्स करून घ्यावे. लेमन राईस तयार. तुम्ही कुठल्याही रायत्यासोबत किंवा पापडासोबत सर्व्ह करू शकता.