Skip to main content

गरमागरम चहा

लेखक नाना चेंगट यांनी शुक्रवार, 11/05/2012 15:08 या दिवशी प्रकाशित केले.
साहित्य : एक कप एक बशी एक चमचा चांगली गाळणी एक छोटेसे पातेले गॅस शेगडी (शिलींडरसह) लायटर अर्धा कप पाणी एक कप दूध दोन चमचे साखर एक चमचा चहापावडर चिमुटभर चहामसाला किंवा वेलचीपावडर कृती : प्रथम सिलिंडरमधे गॅस असल्याची खात्री करुन शेगडीवर पातेले ठेवावे. पातेल्यात पाणी, दूध, साखर, चहापावडर आणि मसाला किंवा वेलची पावडर टाकून मिश्रण चांगले ढवळावे. लायटरच्या सहाय्याने गॅस पेटवून चांगली उकळी आणावी. अधुन मधून चमच्याने ढवळावे. उकळी आल्यावर गॅस बंद करावा. दोन मिनिटे जमल्यास झाकण टाकून वाट पहावी. आता चहा गाळणीच्या सहाय्याने गाळून कपात घ्यावा. कपाच्या खाली बशी ठेवावी. आणिक काय ? प्यावा सुर्र करुन :) हवे असल्यास बरोबर बिस्कीट, वगैरे खावे आवडीनिवडीनुसार !! विशेष सुचना : १) अविवाहीतांसाठी - वरील प्रमाण एक कप चहासाठी आहे. चहा पिण्यासाठी अजुन कुणी मित्र असेल तर वरचे प्रमाण मित्रांच्या संख्येच्या प्रमाणात वाढवावे. आवश्यक असल्यास पाण्याचे प्रमाण वाढवा ठेवावे. मात्र चहा पिण्यासाठी मैत्रीण (एकावेळेस एकीलाच घरी चहाला बोलवावे, सुज्ञांस सांगणे नलगे) असेल तर शक्यतो पाणी वापरु नये. मात्र मैत्रिणी अशा वेळेस कॉफीच पाजण्याचा हट्ट करतात, त्यास बळी पडू नये. त्यांना मला कॉफी चांगली येत नाही, आता चहा पी आपण कॉफी नंतर बाहेर पिऊ असे सांगून कटवावे. आपला वट राहिला पाहीजे अन्यथा पुढे जड जाते. २) विवाहीतांसाठी - बायको घरी नसल्यासच ही कृती करावी अन्यथा रोज चहा करण्याची जबाबदारी अंगावर येऊ शकते. आपण ही जबाबदारी पेलू शकू काय ह्याचा शाणपणाने निर्णय घ्यावा आणि गॅसवर जावे.. आपलं गॅसवर पातेलं ठेवावे.
वाचने 26731
प्रतिक्रिया 106

प्रतिक्रिया

मृत्युन्जय शुक्रवार, 11/05/2012 16:13
मी मगाचपासुन "माझ्यासारख्या; कन्येच्या भावी नवर्‍याने" असे वाचतो आहे. चुक माझीच आहे पण त्यामुळे प्रीमो चा आयडी हॅक झाल्याचा संशय आला ना :)

सोत्रि शनिवार, 12/05/2012 01:41
बिपीन्दा, जहबर्‍या! ;) - (पुनर्विचार न करावा लागलेली बायको असलेला नशिबवान*) सोकाजी * मला त्या भावी नवर्‍याच्या नशिबाची दया येतेय, काय होणार बिच्चार्‍याचे ;)

प्यारे१ शुक्रवार, 11/05/2012 15:14
काही शंका आहेत पण सध्या इतर पालथ्या धंद्यांमध्ये वेळ जात असल्यानं सविस्तर शंका नंतर विचारेन. ही फक्त पोच. ;)

गवि शुक्रवार, 11/05/2012 15:16
आपला वट राहिला पाहीजे अन्यथा पुढे जड जाते.
बायको घरी नसल्यासच ही कृती करावी अन्यथा रोज चहा करण्याची जबाबदारी अंगावर येऊ शकते.
चहाप्रमाणे उकळणार्‍या कडवट पुरुषप्रधान प्रवृत्तीचा धागा असं म्हणून पाहतो. आजच्या बदललेल्या काळात पुरुषांनीही इ इ इ. निषेध. इ. इ.

प्यारे१ शुक्रवार, 11/05/2012 15:23
आँ.....????? ह्यात तुम्हाला 'रेसिस्ट' काय दिसलं??? बायको घरी असताना इतकी कॅलरीयुक्त पाकृ (एक कप चहाला एक कप दूध, दोन चमचे साखर) करुन स्वतःचं आणि द्विगुणित बायकोचं आपलं बायको असल्यामुळं द्विगुणित कॅलरींमुळं वजन वाढणार हे साधं समीकरण समोर असताना आपल्याला कडवट पुरुषप्रधान वृत्ती दिसली कुठं? :) निव्वळ आरोग्याचा विचार करुन नानांनी ही सूचना दिलेली स्पष्ट दिसत आहे. आपला मुद्दा खारिज करा. (ख गळ्यातून) ;) तुमचाच निषेध इ.इ.

गवि शुक्रवार, 11/05/2012 15:31
ह्यात तुम्हाला 'रेसिस्ट' काय दिसलं???
या तुमच्या विधानाची गंमत वाटली. प्रतिसाद देण्यापूर्वी माझी वाक्यं नीट वाचली असतीत तर अशी उथळ विधानं केली नसतीत. मी पुरुषप्रधान असं म्हटलं आहे. रेसिस्ट हा शब्द माझ्या तोंडी घालून मला पुडीच्या बिनदुधाच्या चहासारखा काळा रंग फासू पाहताय. त्यामुळे तुमचाच निषेध.. खारिजचा वगैरे प्रश्नच येत नाही.. त्यामुळे गळ्यातून किंवा कशातूनही ख काढण्याचे कष्ट आम्ही घेणार नाही असे नम्रपणे नमूद करु इच्छितो.

प्यारे१ शुक्रवार, 11/05/2012 15:47
ब्रूट्स यू टु ? रेसिस्ट म्हणजे फक्त काळे गोरे माननार्‍या/म्हणणार्‍या गविंचा जाहिर निषेध! तुम्हाला 'वाढ' दिवसाच्या 'शुभेचचहा' देत नाही! ;) (ह घ्या) आम्ही जगातल्या सर्व स्तरातल्या, सर्व वर्गामध्ये केल्या गेलेल्या भेदांचा समावेश रेसिस्ट या शब्दात करतो हे समजून घ्यायला हवे गवि तुम्ही! साहजिकच पुरुषप्रधान म्हणजे एक वर्ग येतो आणि तुम्ही वर्गभेद दाखवून आपली पोळी भाजून घेण्याचा प्रयत्न करत आहात!

गवि शुक्रवार, 11/05/2012 15:54
पोळी भाजून घेण्याचा प्रयत्न करत आहात!
काहीतरी हीन प्रवृत्ती अधोरेखित करण्यासाठी उपमा शोधताना तुम्हाला "पोळी भाजून घेणे" या परंपरागत स्त्रैण कामाचीच आठवण झाली. त्या ऐवजी आपली सिगरेट पेटवून घेता आहात अशी पुरुषकार्यवाचक शब्दयोजना का नाही सुचली? क्षुद्रत्व दर्शवण्यासाठी स्त्रैण प्रतीके वापरण्याच्या या वृत्तीवरुन पुरुषप्रधान संस्कृती तुमच्यात आणि एकूण समाजात किती भिनली आहे हेच पुन्हा एकदा दाखवल्याबद्दल धन्यवाद.

प्यारे१ शुक्रवार, 11/05/2012 16:04
>>>काहीतरी हीन प्रवृत्ती अधोरेखित करण्यासाठी उपमा शोधताना तुम्हाला "पोळी भाजून घेणे" या परंपरागत स्त्रैण कामाचीच आठवण झाली. त्या ऐवजी आपली सिगरेट पेटवून घेता आहात अशी पुरुषकार्यवाचक शब्दयोजना का नाही सुचली? क्षुद्रत्व दर्शवण्यासाठी स्त्रैण प्रतीके वापरण्याच्या या वृत्तीवरुन पुरुषप्रधान संस्कृती तुमच्यात आणि एकूण समाजात किती भिनली आहे हेच पुन्हा एकदा दाखवल्याबद्दल धन्यवाद. पोळी भाजणे हे काम हीन दर्जाचे नाही. तसेच या वाक्प्रचाराचा अर्थ स्त्रैण काम असा नसून इथं एखाद्यानं उपलब्ध आणि सहजसाध्य साधनांचा वापर आपल्या फायद्यासाठी करुन घेणं असा आहे. आम्ही वर्गविरहीत समाजव् य वस्थेचा पुरस्कार करत असताना आपण मात्र वारंवार क्षुद्रत्ब, स्रैण इ.इ. शब्दांचा वापर करुन एका विशिष्ट वर्गाची मतं आपल्या बाजूनं खेचण्याचा जो क्षीण प्रयत्न चालवला आहे त्याबद्दल पुन्हा पुन्हा निषेध. घनाची आई मोड> बरं चहा कसा झालाय नानानं केलेला? बिचारा अजून बिनलग्नाचा आहे हो! काही स्थळ वगैरे असलं तर सांगा हो घनाची आई मोड> ;)

शुचि शुक्रवार, 11/05/2012 19:14
देवाला यात ओढून आस्तिक-नास्तिक कुस्ती लावून आपला धागा त्रिशतकी करण्याचा क्षीण प्रयत्न करणार्‍या नानांचा सौम्य निषेध. =)) =)) =))

परिकथेतील राजकुमार शुक्रवार, 11/05/2012 15:21
गेल्या १०,००० वर्षात अशी पाककृती झाली नाही आणि पुढे होणार नाही. ही पाककृती अंडे घालून कशी करता येईल ? चहापावडर ऐवजी कॉफीपावडर वापरल्यास तो पदार्थ कॉफी बनेल काय ? काही ठिकाणी ह्यात वेलची / वेलची पूड घातलेली बघितली आहे. पण मसाला काय असतो ? तो कसा करतात ? गवती चहा हा ह्याचाच एक भाग आहे का ? त्याची पाकृ काही वेगळी आहे का ? चहात काही घातक द्रव्ये असतात हे खरे आहे का ? हा पदार्थ किती दिवस टिकतो ? हा चहा लहान मुलांना द्यावा का ? आणि हो, चित्र आंतरजालावरून घेतले असल्यास तसा उल्लेख का नाही ? तुमच्या अशा चुकांनी काही ज्ञानी आणि अधिकारी व्यक्तींच्या मनाला किती यातना होतात ह्याची तुम्हाला काय कल्पना.

गवि शुक्रवार, 11/05/2012 15:25
शिवाय.. -लहानपणची आठवण ताजी झाली. -कोतवडे बुद्रुकच्या अण्णाचा चहा.. आहाहा.. अजूनही चव जिभेवर रेंगाळते आहे. -चहा म्हटला की पाऊस.. मातीचा वास.. -दोन दोस्तांत मिळून एक कटिंग मारण्याची मजा काही औरच..गेले ते दिवस. आज माझा नोकर माझ्या बंगल्याच्या प्रशस्त लॉनवर टी कोझीसहित चहाची किटली आणून मला उंची ग्रीन लीफ टी सर्व्ह करतो त्यात ती कटिंगची मजा नाही. गेले ते दिवस.

विजुभाऊ शुक्रवार, 11/05/2012 17:18
आज माझा नोकर माझ्या बंगल्याच्या प्रशस्त लॉनवर टी कोझीसहित चहाची किटली आणून मला उंची ग्रीन लीफ टी सर्व्ह करतो त्यात ती कटिंगची मजा नाही. अर्र..तुमचा नोकर चहाने तुमची कटिंग करत नाही? तुमचा बंगला असल्याची झैरात तुमच्याकडे टीकोझी असल्याची झैरात तुमच्या कडे लॉन असल्याची झैरात ( आमचे लॉनमोव्हर उसने नेले आहे ते परत कर अगोदर) ग्रीन लीफ चहा काय आजकाल कोणीही पितात. अवांतरः कटींग करायला इंडिया स्टोअर्स मधे जाणे आले...........

गवि शुक्रवार, 11/05/2012 17:25
तुमचा लॉनमोवर चुकून आमच्या पूलमधे पडला. आता सगळा पूल ड्रेन करुन रिकामा केल्यावर करतो परत तुमचा मोवर. एकदा या आमच्याकडे. पूलसाईडला बसून एकेक कटिंग घेऊ.. माझ्या शेफला कटिंग बनवायला सांगून ठेवतो.

यकु शुक्रवार, 11/05/2012 17:29
आणि तुमचा भिंतीत लपवता येणार बार नाय का दाखवणार त्यांना? छे! इजाभौ हे लक्षात राहू द्या यांच्याकडं गेल्यावर ;-)

५० फक्त शुक्रवार, 11/05/2012 21:24
माझे डोळे बिघड्ले बहुधा, आणि तुमचा भिंतीत लपवता येणार बाय नाय का दाखवणार त्यांना? छे! इजाभौ हे लक्षात राहू द्या यांच्याकडं गेल्यावर - हे असं वाचलं एकदम. असो, आज काल कुणाकडं काय असेल काही सांगता येत नाही.

रमताराम शुक्रवार, 11/05/2012 15:38
हा चहा टाकून ..... 'टाकून' म्हणजे तसा नव्हे 'मिसळून' .. कोणकोणती कॉकटेल्स बनवता येतील (कॉलिंग सोत्रि) आणि ता प्याल्यानंतर घडलेल्या 'टेल्स' वर कुणी लिहिल का इथे (कॉलिंग परा).

सोत्रि शनिवार, 12/05/2012 02:04
कोणकोणती कॉकटेल्स बनवता येतील (कॉलिंग सोत्रि)
ह्म्म्म, आजोबांनी लगेच नातवाला लावले कामाला ;) - (पुढच्या धाग्याला विषय दिल्याबद्दल ररांचे आभार मानणारा) सोकाजी

अस्वस्थामा शनिवार, 12/05/2012 06:01
आता काय मग चहाचे पण कॉकटेल ..! धन्य आहे ..!! अजून काय काय बघावे (आणि प्यावे ) लागणार आहे या जगात कोण जाणे..

सूड शुक्रवार, 11/05/2012 15:39
>>ही पाककृती अंडे घालून कशी करता येईल ? हरकत नसावी, पण अंडे घातले की तुम्हाला साधारण किती वेळाने चहा लागतो यावर अवलंबून असावं. अंडे घालण्याच्या क्रियेत अंमळ दमणूक होत असावी असा अंदाज आहे, त्याबाबतीत अनुभवशून्य असल्याने ज्यांनी अंडी घालून मग ही पाकृ केली आहे त्यांनी कृपया मा. परा यांना मार्गदर्शन करावे.

सुहास.. शुक्रवार, 11/05/2012 15:42
हरकत नसावी, पण अंडे घातले की तुम्हाला साधारण किती वेळाने चहा लागतो यावर अवलंबून असावं. अंडे घालण्याच्या क्रियेत अंमळ दमणूक होत असावी असा अंदाज आहे, त्याबाबतीत अनुभवशून्य असल्याने ज्यांनी अंडी घालून मग ही पाकृ केली आहे त्यांनी कृपया मा. परा यांना मार्गदर्शन करावे. >>> =)) =)) =)) =))

परिकथेतील राजकुमार शुक्रवार, 11/05/2012 15:45
श्री. सूड ह्यांनी माझी शंका विस्तृतपणे मांडल्याबद्दल त्यांचे आभार.
आणि ता प्याल्यानंतर घडलेल्या 'टेल्स' वर कुणी लिहिल का इथे (कॉलिंग परा).
मुळात मी आजकाल फार कमी पियाला लागलो आहे ह्याची नोंद घ्यावी. तसेच 'टेल्स' लिहिण्या इतपत, माणूस ही कॉकटेल्स प्यायल्यावरती तग धरेल काय ?

स्पा शुक्रवार, 11/05/2012 16:16
हरकत नसावी, पण अंडे घातले की तुम्हाला साधारण किती वेळाने चहा लागतो यावर अवलंबून असावं. अंडे घालण्याच्या क्रियेत अंमळ दमणूक होत असावी असा अंदाज आहे, त्याबाबतीत अनुभवशून्य असल्याने ज्यांनी अंडी घालून मग ही पाकृ केली आहे त्यांनी कृपया मा. परा यांना मार्गदर्शन करावे. =)) =)) =)) =)) =)) =)) =)) ंअ‍ॅळॉ ंअ‍ॅळॉ

शुचि शुक्रवार, 11/05/2012 18:58
पण अंडे घातले की तुम्हाला साधारण किती वेळाने चहा लागतो यावर अवलंबून असावं. अंडे घालण्याच्या क्रियेत अंमळ दमणूक होत असावी असा अंदाज आहे,
=)) =)) =)) खपले, वारले, निवर्तले, चचले.......

नेहरिन शुक्रवार, 11/05/2012 16:07
सारखी सगळ्या पाककृती मधे कसलिरे अंडी घलतोस ??? तुझी कामवाली कुठे गेली तीला सांग करायला ती देईल तुला करुन.

परिकथेतील राजकुमार शुक्रवार, 11/05/2012 16:21
आमची कामवाली काय घालते आणि काय नाही हा आमचा खाजगी प्रश्न आहे. खाजगी प्रश्न विचारु नये आणि आमच्या कामवालीत विनाकारण विंट्रेष्ट घेऊ नये. अन्यथा तक्रार केल्या जाईल. जय हिंद जय महाराष्ट्र !

मृत्युन्जय शुक्रवार, 11/05/2012 16:26
आमची कामवाली काय घालते आणि काय नाही हा आमचा खाजगी प्रश्न आहे. अंडं घालणारी असेल तर तो राष्ट्रीय मालमत्तेचा प्रश्न होउ शकतो म्हटल मिष्टर कामवालीत विनाकारण विंट्रेष्ट घेऊ नये छे हो, "विनाकारण" तर आमी श्वास पण घेत नाही.

प्यारे१ शुक्रवार, 11/05/2012 15:25
खराब रिझोल्युशन रे पप्या खराब रिझोल्युशन....! म्हणून तर फोटो कुठला याबद्दल पाकृ कर्ता मौन बाळगून आहे! ;)

यकु शुक्रवार, 11/05/2012 15:39
कुठल्यातरी मराठी सिनेमात महमूद साईबाबा स्‍टाइल मांडी घालून बुटावर कपबशी ठेऊन चहा ढवळतो त्या स्‍टाइलने ढवळून पिण्‍यात आला आहे ;-)

सुहास.. शुक्रवार, 11/05/2012 15:38
ण तरी डोळे धुवून किंवा दुसर्‍या मशीनवर पहातो >> त्यापेक्षा आपण फोटो धुवु यात का ? ते ३डी वाल्या, स्पावडुची मदत घेवुन ;)

यकु शुक्रवार, 11/05/2012 15:42
>>तुम्हाला 'फाटल्यासारखे' म्हणायचे आहे काय ? --- नाही. आमच्याकडे 'दुध फुटलं' अस्संच म्हणतात हो सूडाकर शास्त्री!

यकु शुक्रवार, 11/05/2012 16:21
>>आयला मग तुमच्याकडे बनियान फुटले म्हणत असावेत बहुधा. --- नै कै :p >>फाटलो आहे हे वाचुन किती हो विरविरीत तुम्ही, जरा कुठं घसाटा लागला की लगेच फाटता ;-)

प्यारे१ शुक्रवार, 11/05/2012 16:21
पुण्याबाहेर जग आहे हो मालक....! दुध फुटणे हा शब्द्प्रयोग सर्रास आणि बर्‍याच ठि़काणी वापरला जातो. बनियन फाटतेच, विवक्षित अवयवासाठी देखील 'फाटते' हा शब्दप्रयोगच वापरला जातो.

मृत्युन्जय शुक्रवार, 11/05/2012 16:28
अहो पुण्याबाहेर काहीही म्हणोत. उद्या विवक्षित अवयव फुटला म्हणुन म्हणतील पुण्याबाहेर. आम्हाला काय त्याचे ?

यकु शुक्रवार, 11/05/2012 16:32
प्यारे आणि मृत्यूंजय तुम्ही दोघांनीही विवक्षित, विवक्षित असा शब्द वापरल्यानं चाचपून पाहिलं (कुणाला म्हणजे काय? स्वत:लाच) विवक्षित अवयव कुठे असतो हो? :p =)) =)) =)) =)) =)) =)) =)) =)) =)) =)) =))

यकु शुक्रवार, 11/05/2012 16:50
मायचे पुणेकर ! :P :P :P जरा म्हणून टाळकी निर्विषपणे वापरतील तर शपथ - सदा लोकांच्या ## मध्‍ये काड्या सारण्‍यात पटाइत ;-)

विवेक मोडक शुक्रवार, 11/05/2012 15:25
पण सिलिंडर शेगडीला जोडला आहे की नाही हे तपासण्याची स्टेप चुकुन राहुन गेली काय??

नाना चेंगट शुक्रवार, 11/05/2012 15:28
क्या बात है ! क्या बात है !! मोडक आडनाव स्साला बुद्धीमत्तेची देणगी सुचित करते असे म्हणतात ते चूकीचे नाहीच !! ;)

sneharani शुक्रवार, 11/05/2012 15:26
कपबशी अन् चहाचा रंग चांगला दिसतोय! गवती चहा घालून केलेली रेसिपी दिली असतीत तर...!! कॉफीची पण येऊ दे पाकृ. = ))

रमताराम शुक्रवार, 11/05/2012 15:30
मात्र चहा पिण्यासाठी मैत्रीण (एकावेळेस एकीलाच घरी चहाला बोलवावे, सुज्ञांस सांगणे नलगे) हल्ली मैत्रिणींना चहाला वगैरे बोलवत नाहीत (अगदीच डाउनमार्केट की हो) असे या आजोबाला नव्या जगाच्या रीतीभाती शिकवणार्‍या आमच्या एका नातवाने नुकतेच सांगितले.

सुहास.. शुक्रवार, 11/05/2012 15:33
हल्ली मैत्रिणींना चहाला वगैरे बोलवत नाहीत (अगदीच डाउनमार्केट की हो) असे या आजोबाला नव्या जगाच्या रीतीभाती शिकवणार्‍या आमच्या एका नातवाने नुकतेच सांगितले. >>> आपणांस शेवटचे ओबामाने बोलावल्याचे एकले होते खरे आहे काय ?

रमताराम शुक्रवार, 11/05/2012 15:42
तूच सांगत होतास ना रे चोरा. एकतर माझ्यापेक्षा अंमळ चार महिन्यांनी लहान असल्याचा फायदा घेऊन सतत 'तुमच्यासारखी मागच्या पिढीतली माणसं' म्हणून हिणवत असतोस ना. मग तुला नातू बनवून आणखी तरुण करून टाकला, खूष?

नाना चेंगट शुक्रवार, 11/05/2012 15:48
अच्छा ! हा होय तुमचा नातु ? मग बरोबर आहे. त्याला फक्त पाकिटात* विंटरेस्ट! त्यामुळे घरी न बोलावता बाहेरच पळण्याचा प्लॅन असतो. * पाकिट सिगारेटचे, जाणकारांनी भलते तारे तोडू नये