लेडी ड्रायवर

स्त्रीने ड्रायव्हर असण्यात काय प्रॉब्लेम आहे ? ज्या देशाचे वाटोळे व्हावे म्हणून अमेरिका देव पाण्यात घालून बसली आहे त्या ईराणमध्ये अनेक स्त्रिया टॅक्सीज चालवतात. महिला बस कंडक्टर बेंगळूरुमध्ये गेले १० वर्षे आहेत. मुंबईत लोकल ट्रेन महिला चालवतानाचा एक फोटो/बातमी २ वर्षापूर्वी वाचली होती. महिला ड्रायव्हर असण्यात तुम्हाला काय धोके दिसत आहेत?

परवाच एक महिला रिक्षाचालक पाहिली मुंबईत. पण तिने पुरुषासारखा वेष / केशरचना केली होती. येणारा जाणारा प्रत्येकजण निरखून पाहतोय अशातून येणारा ऑकवर्डनेस टाळण्यासाठी असेल कदाचित.

लेखकाचा अनुभव भारीच एकदम. मी पण परवा एक सायकल चालवणारी महिला पाहिली. *हातगाडी ओढणार्‍या, फळांच्या गाड्या ढकलणार्‍या महिला पाहून कोणाला कसलेच प्रश्न पडत नाहीत हे खरे दु:ख आहे.

आमच्या ईकडे एक महिला टंमटम (सिक्स सीटर) चालक होती ;) ३५-४० ची असेल ,तड्तडी आम्ही कधी कधी तीच्याच टंमटम मधुन जायचो कॉलेजला शर्ट - प्यांट घालायची , पण तिला बाकिचे रिक्शावाले फार काही काही चिड्वायचे ,तीची खिल्ली उड्वायचे मग ही त्यांना कच्चाकच्च शिव्या द्यायची तोंड्भरुन ! आम्हाला तेव्हा मौज वाटायची छान टाईंमपास होतो म्हणुन पण एक्दा धाड्स करुन विचारल " आंटि ,तुम्हाला सगळे इतके त्रास देतात मग तुम्ही का चालवता रिक्षा ? भिती नै वाट्त का तुम्हाला ? तिचे उत्तर " तु विचारलस म्हणुन सांगते " मला काय हौस आली नाही रिक्षा चालवायची माझा नवरा दारु पितो ,३ मुली अन एक मुलगा आहे मला ,माहेरचे काही (आर्थिक) मदत करत नाहित , सासरी कोणी उरल नाही ,आधी नवरा व्यवस्थित सगळ पाहत होता ,पण आता त्याच व्यसन हाताबाहेर गेलेय , मुलांची फी भरायला पैसे दुर रेशन भरायला पण पैसे नाहीत , उधारी करुन करुन कीती करणार अन कशी फेडणार? म्हनुन ही रिक्षा शिकुन घेतली मी , लायसन मिळ्वले अन आता हाच रोजगारीचा पर्याय आहे माझा " तिचे फार कौतुक वाट्ले होते :) आजकाल मुलीना एरोप्लेन चालवयाला ठॅवतात मग कार किस झाड की पत्ती ;) विचार बदला , जग बदलेल :)

पहिल्यांदा लेख वाचून मीसुद्धा वर आलेय तसाच प्रतिसाद लिहायला घेतला पण लिहिता लिहिता जाणवले की लेखकाला कदाचित सार्वजनिक वाहनांच्या महिला चालकांबद्दल प्रश्न नसून खाजगी वाहनासाठी जो चालक ठेवून घेतला जातो ते काम स्त्रियांनी करण्याबाबत असावा. लेखकांनी जो खुलासा दिलाय त्यावरूनही तसेच वाटतेय. पण त्यात जो समर्थपणाचा मुद्दा आणलाय तो अजिबात पटला नाही. आजूबाजूला जरा नजर टाकली तर कितीतरे स्त्रिया चाकलापेक्षा अधिक कष्टाचे आणि त्रासदायक कामं करतांना दिसतात. जर स्त्रिया अति शारिरीक आणि मानसिक श्रमांची इतर कामे करू शकतात तर चालकाचे काम करण्यास का बरं असमर्थ ठराव्यात?

उत्तम विषय... वाचतोय.. मिपा समृद्ध होतेय हेच खरे.. किती महत्वाच्या पण दुर्लक्षित सामाजिक प्रश्नांना आज वाचा फोडली जातेय

आजकाल ( म्हणजे गेली काही वर्षे ) ' दख्खनच्या राणीचे ' मुख्य चालक म्हणून एक महिला काम करते असे वाचले. तोंड पुस्तकावर फोटोही पाहिला होता बाकी साक्षात भगावान श्रीकृष्णाचे केलेले काम म्हणून चालक ( ड्रायव्हर ) या पदाबद्दल आम्हाला अतीशय आदर आहे. कुठल्याही संकटात भगवान या महिलांच्या मागे सदैव उभा असणार यात शंका नाही. अमोल केळकर

अहो, साक्षात कृष्णाची सारथी सत्यभामा आणि दशरथाची सारथी कैकयी होती, तर महिला गाडी चालक का होणार नाहीत? प्रश्न पुरुष मालकाचा असेल. म्हणजे एक बाई गाडी चालवतेय आणि पुरुष मालक मागच्या सीटवर बसणं पसंत करील का हा पुश्करचा प्रश्न आहे. त्यासाठी पुरुषांची मानसिकता बदलावी लागेल.

शाकार- मांसाहार ? झाला... देशी अभिमान - हिरवा माज ? झाला आस्तिक नास्तिक?.. झाला.. ब्राह्मण , पेशवाई आणि तत्सम विरोधी वाद>? झालाहो रामायण महाभारत खर कि खोट.........? हम्म त्यावरूनही वाद झाले ...:P हा स्त्री पुरुष समानता.... हे बरेच दिवसात झाले नव्हते... यावर वादावादीत २ दिवस बरे जातील आता सर्वांचे .. मग परत आहेच शाकार-- मांसाहार ;)

लेखकाचा निरागस स्वभाव बघता, लेडी ड्रायवर ठेवल्यास काय होईल याचं हे चित्र डोळ्यासमोर आलं: ती येते. तो : गुड मॉर्निंग! आवरली तुमची घरची सगळी कामं? ती : हो तो : मुलं गेली शाळेत का आपण सोडूया? ती : नाही नाही, त्यांची स्कूल बस आहे तो : आणि मिस्टर काय म्हणतायंत? ती : आता त्यांचा काय संबंध इथे? तो : नाही आपलं सहज विचारलं, बाय द वे, तुम्हाला काही अर्जंट काम वगैरे नाही ना? ती : का? तो : नाही, तसं असेल तर आधी तुम्हाला सोडून मी पुढे गेलो असतो ती : नाही, सोडतेनं तुम्हाला तो : बरं, मला सोडल्यानंतर तुमचा काय प्रोग्रॅम आहे? ती : म्हंजे? तो : नाही, नाही, तसं नाही, तुम्ही एकट्या कशा बसून राहणार इतक्या वेळ कारमधे? ती : मग काय आपण दोघं बसायचं दिवसभर कारमधे? तो : नाही हो मी आपलं सहज विचारलं. ती : आता निघूया का? तो : वा! वा! निघूयानं. प्रवासात (अमोल केळकरांनी) सुचवल्याप्रमाणे तिच्यामागे साक्षात भगावान श्रीकृष्णच आहेत त्यामुळे कार मधे निव्वळ भक्तीसंगीत चालूये. कारमधनं खाली उतरल्यावर: तो: तुमचं ड्रायवींग उत्तम आहे आणि मला एक कल्पना सुचलीये, सांगू ? ती : बोला! तो : तुम्ही कॅब सर्विस सुरु करणार का? ती : आहो माझ्याकडे पैसे कुठले आलेत कार घ्यायला ? तो : काय करायचेत पैसे? आता ही कार तुमचीच समजा, फक्त परमीट काढा की झालं! ती : (नि:शब्द) तो : संध्याकाळी वेळेवर येऊ शकाल ना आपण? ती : हे काय विचारणं झाल? तो : नाही, म्हणजे तुमची कॅब सर्वीस मला वेळेवर मिळाली तर मी तुमचा ऋणी होईन

संजय्र साहेब ( निशा क्षमा कर रे तुझा साहेब हा शब्द वापरला ! ) तुमचा हा डायलॉग राजा गोसावी शरदतळवलकर ई च्या शिणेमातील १९५६ सालचा वाटतोय. ह्ये २०१२ हाय जरा फोडणीवाला सूर लावा ना राव ! की पराजेश मुजुमदार कडून चावटपणा चा क्लास लावता ?

फेर विचार करावा ;-)

स्त्रीयांचं सर्वसाधारणपणे ड्रायव्हींगवर असलेलं प्रभुत्व हा अस्तित्वात नसलेला विषय असल्याने अशी शंका आली असेल.