सांडगे-मेथी भाजी

साहित्य:- १मध्यम आकाराची मेथीची जुडी (गड्डी),१वाटी ओलखोबरं, मुठभर दाणे,१ वाटी सांडगे , १टीस्पुन लाल तिखट, १टीस्पुन कांदालसुण मसाला, १टीस्पुन हळद,१टीस्पुन हिंग, १टीस्पुन मोहरी, २टेबलस्पुन तेल,चविपुरते मीठ २ मध्यम आकाराचे कांदे. कृती :- मेथीची गड्डी निवडुन धुवुन घेतली . पाणि निथळल्यावर बारीक चिरुन घेतली.कांदे बारिक चिरुन घेतले. दाणे भाजुन कुटुन घेतले. एका कढईत २ टेबलस्पुन तेल घालुन सांडगे थोडेसे परतुन घेतले. थोडेसे गार झाल्यावर थोडे ठेचुन घेउन थोडेसे पाणि घालुन कुकरमधे शिजवुन घेतले. सांडगे परतलेल्या तेलात मोहरी, हिंग , हळद घालुन फोडणी करुन त्यात चिरलेली मेथी घालुन परतुन घेतली. नंतर त्यात बारिक चिरलेला कांदा घालुन परतुन घेतले . कांदा आणि मेथी शिजल्यावर त्यात शिजवलेले सांडगे , ओल खोबरं,तिखट, कांदालसुण मसाला,मीठ घालुन परतुन घेतले. शेवटी दाण्याचे कुट घालुन भाजी एकत्र करुन घेउन एक वाफ आणली . सांडगे -मेथी भाजी तयार.