Skip to main content

फॉल २००७

लेखक लयभारी यांनी रविवार, 04/11/2007 04:14 या दिवशी प्रकाशित केले.
असा गाफिल होऊन चालू नकोस हे बघ, फक्त रंग बदलतायेत माहितीये झाडांचे कसे पारे उडालेत वाटतं पार कायापालट झालाय असलं हे नेहमीचंच बरं-का चांगलं हिरवं भरलं रान असतांना रुसून सन्यासाची करायची सोंगं मिरवायचे जरा भगवे-तांबडे कपडे मग बर्फांचे फवारे लागले थंडीनी चांगली जरब आणली की येईल जरा डोकं ठिकाणावर हळूच चढेल पुन्हा खराखुरा रंग अरे सोंगं कधी टिकत नाहीत मी कधीच फसलो नाही, सांगतो तू ही जास्तं भाव देऊ नकोस त्याचं हे असं नेहमीचंच आहे...
लेखनविषय:
वाचने 5221
प्रतिक्रिया 6

प्रतिक्रिया

विसोबा खेचर रविवार, 04/11/2007 08:00
आपली कविता फारशी समजली नाही.. असो, मिसळपाववर मनापासून स्वागत... आपला, तात्या पाडगावकर.

धनंजय रविवार, 04/11/2007 18:43
ही आगळी कल्पना आवडली. त्रिदंडी संन्यास घेतलेला कितीतरी वेळा दिसतो. आतापासून त्याच्यासाठी हेसुद्धा शब्दचित्र डोळ्यासमोर येईल.

सर्किट (verified= न पडताळणी केलेला) मंगळवार, 06/11/2007 00:22
असलं हे नेहमीचंच बरं-का चांगलं हिरवं भरलं रान असतांना रुसून सन्यासाची करायची सोंगं मिरवायचे जरा भगवे-तांबडे कपडे वा ! फार सुंदर कल्पना ! झाडांचा मिडलाईफ क्रायसिस म्हणजे फॉल ! क्या बात है ! - सर्किट