पुराणातल्या वांग्याचे भरीत
कच्चा माल
------------------------------------
ही पाककृती मला आपल्या मिपावरचे मित्र मृत्युंजय यांनी सुचवली आहे.
झणझणीत आणि एकदम खमंग अशी ही पाकृ आहे.
पुराणांना पाहून नेहमी नाक मुरडणारे विजुभाऊ आणि निळ्याभाऊ हेदेखील आवडीने खातील.
मृत्युंजयाचे मनापासून आभार...
साहित्यः
एक भलंमोठं महाभारताचं वांगं
२-३ निवडक कौरव-पांडव (आवडीप्रमाणे कमी-जास्त)
२-३ व्यास- वैशंपायन- जनमेजय वगैरे (कोरड्या उपेक्षेने खरपूस भाजून घ्यावेत)
एक मध्यम कर्ण (सोलून)
एक आख्खा कृष्ण (लीलांसकट)
१ नवा येडपट आयडी (खास इन्ग्रेडियंन्ट!!)
काड्या - आपापल्या वृत्तीनुसार (आणि संपादकांच्या टॉलरन्सनुसार!!)
कृती:
प्रथम महाभारताच्या वांग्याला फाटे फोडून आणि त्यावर असत्याचे आणि अवास्तवतेचे वार करून कुशंकेच्या चुलीत चांगले भाजून घ्यावे.
कर्णाची साल व्यवस्थित सोलून घ्यावी (त्याला सवय आहे पूर्वीपासून, काळजी नसावी!!)
कौरव पांडवांना व्यवस्थित मॅश करून घ्यावे
खलबत्यात व्यास, वैशंपायन, जनमेजय एकत्र टाकून ठेचून घ्यावेत
हा मॅश आणि ठेचा त्या सालं काढलेल्या कर्णावर दाबून बसवावा.
एका कढईत असहिष्णु श्रद्धेचे तेल चांगले कडकडीत तापवून त्यात महाभागवताची मस्त फोडणी करावी.
त्यात वरील सर्व मिक्श्चर घालून ढवळावे
वरून मनाला येईल त्याप्रमाणे दूषणे, दुसर्याची अक्कल काढणे, वगैरे भुरभुरावे
टिपिकल मिपावरचं महाभारतीय भरीत तयार आहे
आस्वाद घेऊन पिडांकाकांना धन्यवाद द्यावेत!!
:)
नोटः मूळ मिपावरच्या कृतीत शल्य, अश्वत्थ्यामा वगैरे घालत नाहीत. पण जर आवडत (आणि पचत) असेल तर अवश्य घालावेत.
नाणं: सदर पाककृती ही महाभारतकालीन वांग्याची असल्याने फोटो देता येत नाहीत. तरी मागू नयेत.
=)) =)) =)) केवळ गतप्राण !!
=)) =)) =))
केवळ गतप्राण !!
कर्णाची साल व्यवस्थित सोलून घ्यावी (त्याला सवय आहे पूर्वीपासून, काळजी नसावी!!)
=)) =))
अरे काही दया-माया !!
कौरव पांडवांना व्यवस्थित मॅश करून घ्यावे >>>>
अगगगग्ग्ग्ग्ग !! पिडाकाका मस्त पैंकी , दुर्योधन, दुशासन, भीम, अर्जुन व ईतर मंडळी ला एकेक करून, मोठ्या भांड्यात , हाताने शिजलेल्या बटाट्याला करतात, तसे मॅश करीत आहेत असे चित्र दिसले ;)
वरून मनाला येईल त्याप्रमाणे दूषणे, दुसर्याची अक्कल काढणे, वगैरे भुरभुरावे
टिपिकल मिपावरचं महाभारतीय भरीत तयार आहे >>>
=)) =))
खल्लास, खायच कशाबरोबर ? रामायणाची चपाती, की ऋग्वेदाचा भात आणि चवीला मनुस्मृती घ्यायची की उपनिषद ;)
आस्वाद घेऊन पिडांकाकांना धन्यवाद द्यावेत!! >>.
धन्याचे वाद्स ओ काका
हा हा हा हा
>>वरून मनाला येईल त्याप्रमाणे दूषणे, दुसर्याची अक्कल काढणे, वगैरे भुरभुरावे>>
१००% सहमत :)
छानचं जमलयं :)
+१. एक सुचना : शक्यतो
+१.
एक सुचना : शक्यतो वांग्यातील शकुनीचा काटा न काढता भाजावे अन्यथा भरीताच्या ऐवजी श्रीखंड होण्याची शक्यता आहे.
हँ - तुमां मॉडर्नऽ लोकांचे हे फ्यूजन
हँ - तुमां मॉडर्नऽ लोकांचे फटिंगाचे फ्यूजन हे...
दूषण आणिक खर ते रामायणातल्या कांडण्यातून म्हाभार्ताच्या भर्तात कित्याक घातले रे डांबिसां!
आमगेल्या पारंपरिक म्हाभार्ती भर्तात शल्ये घालतात, दूषणे न्हत.
तू आमगेलोच हळदोळो डांबीस म्हणून इल्लेशे खाऊन पळयले. बरे झणझणले. तरी फुडल्या फावटे परंपरा सांबाळून राव.
_/\_
कर्णाची साल व्यवस्थित सोलून घ्यावी (त्याला सवय आहे पूर्वीपासून, काळजी नसावी!!)इथे कृतीत थोडी शंका आहे. बाहेरचं कवच म्हणजे साल का कवचाच्या आत जो पापुद्रा असतो ती साल? बाकी पाकृ अगदी आवडली. पण इतरही काही शंका आहेत. यात किती कुपोषण होते? डोक्याला पुरेसा व्यायाम होतो का मंडई होते?
तेल फार झालंय पाककृतीत
आम्हाला तुमच्या श्रद्धेच्या तेलाची अॅलर्जी आहे.. तेल न घालता ही पाककृती करता येईल का? तेला ऐवजी आम्ही निष्ठुरतेचं बटर वापरलं तर चालेलं का? का विवेकबुद्धीच्या ओव्हनमध्ये बेक केलं तर चांगलं लागेल? ;-)
आणि हो, त्या कुशंकेच्या चुलीपेक्षा हलकटपणाच्या गॅसवर भाजून घेतलं तर चवीत फरक पडेल का?
पुराणतल्या वांग्याच्या भरताचा प्रेमी. ;-)
(अवांतरः हहपुवा!)
उत्तम, आधी प्रात्यक्षिक आणि
उत्तम, आधी प्रात्यक्षिक आणि नंतर थेअरी असे पहिल्यांदाच पाहिले,
अत्यंत लोकप्रिय पाककृती...
पीडांकाकांनी दिलेल्या या लज्जतदार पाककृतीमुळे तोंपासु.
फक्त काही सूचना
*झणझणीतपणा हवा असेल तर दुर्योधन, दु:शासन असे कौरव वापरावेत.
*पदार्थ पुरवठ्याला येण्यासाठी मोठ्या आकाराचा भीम वापरावा.
*शल्य जास्त वेळ वापरल्यास किंचित कडसर लागतो.
*काहीजण जातीयतेचा रंग वापरतात. त्यामुळे पदार्थ भडक दिसतो.
सावंतवाडीकडे निव्वळ कर्ण वापरुन तडका देण्याची पद्धत आहे. देसाईवाडीची पद्धत साधारणतः अशीच आहे. ओक गल्लीने एकटा भीम वापरला आहे. कर्वेनगर स्टाईलमध्ये प्रत्येक पदार्थ वेगवेगळा भाजून घेतातच, शिवाय आणखीही काही घटक पदार्थांचे मिश्रण करतात. हरदासपूर पद्धत थोडी गुळमट मसालेदार असते.
अर्थात ज्यांना सरळसोट पाककृती हवी असते ते पारंपरिक व्यास महानगर पद्धतीचाच अवलंब करतात.
तोंडाला पाणी सुटले!
हे पाकृ चं विडंबन किंवा विडंबनाची पाकृ जे काय आहे ते फर्मास जमलंय! शिवाय सजावटीसाठी कोकणी खवचटपणा सढळहस्ते वापरल्यामुळे पाकृ चविष्ट होणार याची ग्यारंटी!
आता इथे महाभारत शोधणे आले!
=))
=)) =)) =))
मस्तच आहे! यावरून एक आवडीचे गाणे आठवले... बाकी कर्ण हा महाभारतकालीन सूर्यपुत्र होता म्हणून अंमळ डांबीस असावा असे आमचे व्यक्तीगत मत आहे. ;)
खलबत्यात व्यास, वैशंपायन, जनमेजय एकत्र टाकून ठेचून घ्यावेत
एक (मिपाच्या वतीने) डिसक्लेमर : ह्या नावाचे जर आयडी असले, तयार झाले तर त्यांना केवळ प्रतिक्रीयेद्वारे प्रतिकात्मकच ठेचून घ्या, खरे नको, ;)
>>>>एक भलंमोठं महाभारताचं
>>>>एक भलंमोठं महाभारताचं वांगं
२-३ निवडक कौरव-पांडव (आवडीप्रमाणे कमी-जास्त)
२-३ व्यास- वैशंपायन- जनमेजय वगैरे (कोरड्या उपेक्षेने खरपूस भाजून घ्यावेत)
एक मध्यम कर्ण (सोलून)
एक आख्खा कृष्ण (लीलांसकट)
१ नवा येडपट आयडी (खास इन्ग्रेडियंन्ट!!)
काड्या - आपापल्या वृत्तीनुसार (आणि संपादकांच्या टॉलरन्सनुसार!!)
एवढं साहित्य म्हणजे चवीला 'ब्येक्कार' असणार ह्याची फुल्ल ग्यारंटी. कसेही करा. ;)
बाकी पिवळ्या डांबिस तै....
कालच केले होते हे महाभारतकालीन भरीत. अर्थात, थोडा बदल केला तो म्हणजे येडपट आयडी ऐवजी ठाकूरची फोडणी दिली. आणि मरायला टेकलेला अमिताभ घातला होता. असो.
चव वेगळी आणि चांगली झाली होती. गब्बरच्या डायलॉगचे प्रमाण जरा वाढविले तर चालेल (माझ्या वैयक्तिक आवडीनुसार) असे जाणवले. (बसंतीला 'नुसताच' नाचायला सांगणारा 'अबला- अबलात्कारी' गब्बर खलनायक कसा असं? )
काही ठिकाणी भरीतात सोनवणींचा अश्वत्थामा वापरतात, ते भरीतही करून पाहिले पाहिजे.
जे मी नेहमी करतो ते म्हणजे, खरपुस भाजलेल्या वांग्याच्या गरात बारीक चिरुन विज्ञान, सोकॉल्ड वैज्ञानिक, दुर्बिणी, गुर्जी, एक अर्धवट नीलपक्षी घालून श्रद्धा अंधश्रद्देची फोडणी द्यायची. ते जास्त आवडते. पण अर्थात, इतर चवीही चाखायला आवडतात.
सर्वात पहिल्यांदा हे सांगतो
सर्वात पहिल्यांदा हे सांगतो की "माझा या विषयात अभ्यास नाही"
त्यामुळे प्यारेशी सहमत ! ;)
हे पहा, आज मुद्दा तो नाही,
हे पहा, आज मुद्दा तो नाही, मुद्दा हा आहे की मुद्दा आहे नी मुद्द्याभोवतीचेच मुद्दे आपण मांडण्याचा मुद्दा प्रामुख्यानं पुढं आणण्याचाच मुद्दा अपेक्षित आहे.... थोडक्यात भरकटवू नका चर्चा. ;)
-प्यारेश वागळे (आय बी यन्न रास्कला-आपलं -आपलंच मत. ;) )
व्वा प्यारे
उभा महाराष्ट्र तुमच लिखाण बसून वाचतोय :D
(पण तुम्ही परत बसायला लागलात अशी शंका येत आहे)
-बसायला नेहमीच तयार असणारा-
पु.ल. च्या पा़कृ ची आठवण झाली.
पु.ल.. नी वंग चित्रे मध्ये एक खुमासदार पाकृ दिली आहे त्याची आठवण झाली.
हे भरित वाचून संपलो.
ज ब रा ट !!
__/\__
पिडांकाका दंडवत हो.
बाकी,
खलबत्यात व्यास, वैशंपायन, जनमेजय एकत्र टाकून ठेचून घ्यावेतच्या ऐवजी 'खलबत्यात व्यास, वैशंपायन, जनमेजय एकत्र टाकून ठेचून घ्यावेत. ह्यात बरेचसे लोक शल्य देखील घालतात, पण मला इथे मिळाला नाही म्हणून मी वैशंपायन वापरला' असे वाक्य करा बघू.
__________//////////\\\\\\\\\
__________//////////\\\\\\\\\\__________
पिंडाकाका फटु दिले असते तर
पिंडाकाका फटु दिले असते तर एकुण पदार्थाचा अंदाज आला असता.
कृतीवरुन तरी किमान १००-१५० वेळा लाळ गळेल असा अंदाज आहे. ;)
थोडं झणझणीत व्हायला वर
थोडं झणझणीत व्हायला वर हिडिंबेचा कीस टाकला तर चालेल का ?
या सुडक्याला कुणितरी
या सुडक्याला कुणितरी दंडकारण्यात सोडून या रे हिडिंबेचा कीस आणायला.... :)
बाकी आता इथे 'खराखुरा यडपट आय डी' शोधणे आले.
हल्ली शिळेच आय डी नव्याचे येड पांघरुन येतात!
हेहेहेहे "की" नक्की दीर्घच
हेहेहेहे "की" नक्की दीर्घच आहे कि र्हस्व ;) :P
र्हस्व की दीर्घ ते ज्याने
र्हस्व की दीर्घ ते ज्याने त्याने ठरवावं.
हीच पाकृ रामायण घालून
आम्ही महाभारत खात नसल्याने हीच पाकृ रामायण घालून कशी करता येइल ??
बापरे......ही पाकक्रुती आजच
बापरे......ही पाकक्रुती आजच कळली. ;)
पण पिडांकाका, साहित्य कोणत्या वाण्याकडे मिळेल तेही प्लीज सांगा ना.... ते आणले की भरीत करून लगेच फडशा पाडण्यात येईल. ;)
*रटाळ, टुकार विडंबनांच्या
*रटाळ, टुकार विडंबनांच्या गर्दीत अगदी जोरदार विडंबन*जुनी खोडं कंपूतली आहेत म्हणून त्यांनी केलेल्या कुठल्याही विडंबनाला चान चान म्हणायच आणि नविन लोकांनी केलेल्य विडंबनांना मात्र नाकं मुरडायची. नविन लोकांनी भारंभार विडंबनं टाकली असतील पण याचा अर्थ असा नाही की रटाळ, टुकार आहेत. तीदेखील लोकप्रिय आहेत. उगा नुसती टुकार कंपूबाजी करण्यात काहीच अर्थ नाही.
कंपू
मी कुठल्याही चांगल्या लेखनाला (ते विडंबन असो की स्वतंत्र रचना) चांगले आणि रटाळ लेखनाला रटाळच म्हणेन. त्यात कोण्या कंपूचा किंवा त्या लेखक आयडीचासुद्धा काही संबंध नाही.
तुम्हीच कंपूचा विषय काढलात म्हणून सांगते की इतरांच्या तुलनेत मी इथे बरीच नवीन आहे आणि कदाचित पिडांकाका मला ओळखतही नसतील. मी मात्र त्यांच्या लेखनामुळे त्यांच्या 'पिवळा डांबिस' या आयडीला ओळखते. माझ्या सारख्या नवीन व्यक्तीला तुम्ही त्यांच्या कंपूत(?) सामिल केलं त्याबद्दल तुम्हाला वाढदिवसाच्या शुभेच्छा!
त्यातही जर हे वर लिहिलेलं विडंबन मला रटाळ वाटलं असतं तर मी इथे येवून प्रतिसाद देण्याचे कष्टही घेतले नसते.
माझ्याकरता हा विषय इथेच संपला आहे.
जय हिंद, जय महाराष्ट्र.
@ती देखील लोकप्रिय आहेत. उगा
@ती देखील लोकप्रिय आहेत.
उगा नुसती टुकार कंपूबाजी करण्यात काहीच अर्थ नाही. >>> ज्जे बात....!
कंपूबाजी मुर्दाबाद... ;-)
पिशाच्चसेना झिंदाबाद 
परदेशात फोडण्या वैग्रे करायला
परदेशात फोडण्या वैग्रे करायला बंदी असते म्हणे. शेजार-पाजारचे खटले भरतात आणि मुख्य म्हणजे घर विकायला काढले तर मसाल्यांच्या वासाने भरलेले घर विकले जात नाही असे मिपावरती वाचल्याचे स्मरते.
_____/\_______ !!!!!! आद्य
_____/\_______ !!!!!!
आद्य आचार्य पिडांकाकाची ही पाककृती सिद्ध होताना राजापुरी पंचा नेसून हातभार लावला जाईलऽ! विशेषत: पाकसिद्धी होताना जाळ लावण्याचे काम हिरीरीने केले जाईल ;-)
त्या "येड्पट आयडी" चा
वापर केलेला दिसत नाही. (का सकाळी सकाळी माझी कॉफी कमी पडते आहे ?..)
हे म्हणजे मसाला किंवा मिठ विसरल्या सारखं वाटतं आहे. असल्या पाकृ मधे खरा ष्टार येडपट आयडीच असतो असं आपलं मत बनलं आहे.
पाकृ मस्त आहे पण एकदा "तांबडा-पांढरा समानतेचा" रस्सा पण येऊ दे. सोबतीला कॉकटेल आहेच!
-(फक्त हादडणारा) एक
पुण्यातला वांग्याचे भरीत
मी पुण्यातला वांग्याचे भरीत असे वाचले. आणि खालील मजकूर वेगळाच.इदेयाची कल्पना भारी.
ख ल्ला स!
एका कढईत असहिष्णु श्रद्धेचे तेल चांगले कडकडीत तापवून त्यात महाभागवताची मस्त फोडणी करावी. त्यात वरील सर्व मिक्श्चर घालून ढवळावे वरून मनाला येईल त्याप्रमाणे दूषणे, दुसर्याची अक्कल काढणे, वगैरे भुरभुरावे टिपिकल मिपावरचं महाभारतीय भरीत तयार आहेखी: खी: खी: तशी पाकृ सोपी वाटते आहे. ह्या वीकांताला नक्की करून पाहीन ;)
अर्र्र्र.
थोडक्यात चुकलं.
या पाकृ चं पण वरती चांगलं भरीत (विथ कंपू मसाले) होऊ घातलं होतं. आम्ही एका आयडी (तोच तो पाकृ मधे उल्लेख केलेला) वरती विसंबून पण राहिलो. ताज्या भरतासाठी लंचची ऑर्डर कॅन्सल केली.
पण तेल तापायच्या आधीच गॅस बंद केला. जाउ दे. जाऊन ग्रोनोला बार खावा.
-भुकेलेला एक
देवा सादर दंडवत.
देवा सादर दंडवत. ___/\___
पाकृतीत द्रौपदीचा मसाला टाकल्यास पाकृ अजुन खमंग होइल. :) ही पाकृ द्रौपदीच्या थाळीतचे पेश करावी नाहितर पचत नाही म्हणतात. ;)
या वरुन एक पीजे आठवला. रामाचे
या वरुन एक पीजे आठवला.
रामाचे रामफळ..सीतेचे सीताफळ तर
भरताचे काय?
भरताचे.....वांगे
लेख आवडला...