रोडी-९

तरूण मुलांनी हा कार्यक्रम जरुर पाहावा अशी मी शिफारस करु इच्छितो. का तर ही वेळेस संयोजक उपमर्दवाटेल अश्याही पध्दतीच्या भाषेचा वापर करीत असतात. उमेदवाराला अनेक पण (task) पूर्ण करावे लागतात जसे जोर मारणे, डोक्यावर उभे राहणे, गाणी / नृत्य करून दाखविणे इत्यादी इत्यादी. उमेदवार आणि मुलाखत घेतांना अनेक प्रकारच्या आणि वेगवेगळ्या पातळीच्या चर्चेत्तून उमेदवाराचे अनेक पैलू उलगडत जातात. वैचारिक गाभा अथवा कस नसलेल्या उमेदवाराची ( बोलके पोपट) भंबेरी उडत जाते असा माझा ( पाहत असतांनाचा) अनुभव आहे. प्रश्नत्तोराच्या फेरी झडत असतांना अनेक उमेदवार भावूक होऊन ओक्साबोक्शी रडत असतांनाही मी या खेळात पाहिले आहे. वा वा चान चान :)

हे नक्की काय भयंकर मायाजाल आहे ते पहावे लागणार तर.... हल्ली पैसा/प्रसिद्धि साठी कोणत्याही प्रकारचे तथाकथित टॅलेंट हंट शो तय्यार होत असतात... धागाकर्त्यांनी एकंदर केलेले वर्णन पहाता...हाही काहिसा तसाच खेळ वाटतो...

तरूण मुलांनी हा कार्यक्रम जरुर पाहावा अशी मी शिफारस करु इच्छितो.

खल्लास कलंत्रींनी आमचा पत्ता कट करुन टाकला. :( बाकी या कार्यक्रमा बद्दल काही मित्रांकडुन ऐकले आहे. पण पहाण्याचा योग कधी आला नाही.

प्रश्नत्तोराच्या फेरी झडत असतांना अनेक उमेदवार भावूक होऊन ओक्साबोक्शी रडत असतांनाही मी या खेळात पाहिले आहे.

हॅ हॅ हॅ.. दुरचित्रवाणी वरच्या प्रत्यक्ष चित्रण ( रियलिटी शो) कार्यक्रमातल्या आसवां बद्दल म्या पामराने काय बोलावे. :)

ते दोघे जुळे कधीकधी तर मॅसोचिस्ट्च्या पातळीला जातात.. आणि आलेले बकरे-बकर्‍या सॅडीस्टांच्या. दोघांनाही जाऊन एक एक वाजवावी वाटते.

आमचे प्रमादरणीय मित्र श्री. स्पांडू यांनी आत्ताच अशी परमात्म्यासमोर इच्छा प्रकट केली की 'गुगल' शी नामसाधर्म्य असलेल्या (पैचान कोन? ;-) ) अंतर्जालावरच्या (सध्या मिपानिवृत्त असलेल्या ) एका महान विचारप्रवर्तक सदस्याने रोडीज् मध्ये भाग घ्यायला पाहिजे.. त्या जुळ्यांची जिरवण्यासाठी. स्पांडूदेवांची इच्छा परमात्मा पूर्ण करो.

इच्छा नाही बघण्याची हे सगळे वाचल्यावर

डॉनरवांचे या कार्यक्रमाबद्दलचे मौलिक विचार वाचायला आवडेल. बाकी ऑगस्ट मधे हत्या झालेल्या आर टी आय कार्यकर्त्या शीला मसुद यांचा भावाचे रोडीज ऑडीशन पहायला मिळाले होते.

मी गेल्या ८ वर्षांपासून रोडीज बघतो आहे.. त्यामुळे मी ह्या कार्यक्रमातून तरुणांना घेण्यासारखे काय आहे ह्याचे विश्लेषण करण्याचा नक्कीच प्रयत्न करू शकतो.. पहिला प्रश्न मला गेल्या ८ वर्षांपासून पडला आहे (जो आजही अनुत्तरीत आहे), तो म्हणजे रोडीज हा शो खरच "रिआलिटी शो" आहे की ते एक नाट्यमय प्रदर्शन (Scripted) आहे? हेच कळत नाही. कारण ब-याचदा असे दिसून येते की, फक्त टी. आर. पी. (कुणाला फुल फॉर्म माहित असेल तर सांगावा) म्हणजेच कार्यक्रमाचे दर्शक वाढविण्यासाठी आणि त्याद्वारे फक्कड पैसा जोडण्यासाठी एखाद्या उमेदवाराला बळीचा बकरा बनवला जातो आणि त्याची ह-यासमेंट केली जाते. पण कधीतरी असेही होत असेलच की... की एखादा 'शेरास सव्वाशेर' (मिपा'करांसारखा) उमेदवार इंटरव्हू मध्ये येऊन रघू ला तोडीस तोड उत्तर देत असेल.. परंतु, आज-तागायत असा एकही उमेदवार रोडीज च्या इतिहासात जन्माला आलेला नाही काय? याचा अर्थ रघू सर्वगुणसंपन्न आहे काय? की असा उमेदवार येऊन देखील रघू च्या ड्याशिंग इमेज ला धक्का पोहोचू नये, म्हणून तो इंटरव्हू प्रदर्शित केला नसेल काय? रघू जर इतका सर्वगुणसंपन्न आणि हुशार आहे तर मग त्याला दुसरे कोणी काम का देत नाही? ... अर्थात हे सर्व मला पडलेले प्रश्न आहेत. आता तुम्ही म्हणाल जर मला रोडीज बघून एवढे सारे प्रश्न पडले आहेत, तर मुळात मी हा शो बघतोच का ? :D त्याचं असं आहे की, रोडीज मध्ये काही "घेण्यासारख्याही"! गोष्टी आहेत, जसे, रोडीज सारखा स्ट्रेस्ड इंटरव्हू सतत पाहिल्याने, जर त्या इंटरव्हू मध्ये त्या उमेदवाराच्या जागी आपण असतो तर काय केले असते या विचारानेदेखील मनाची इतकी तयारी होते की, 'जॉब इंटरव्हूज' अगदीच साधे आणि फिके भासू लागतात आणि आत्मविश्वास वाढतो आणि चांगली नोकरी मिळण्याचे चान्सेस वाढतात. (हा फायदा थोडासा अतिशयोक्तीकडे कल असणारा असला तरीही ब-याच जणांना हा फायदा झाल्याचे माझ्या ऐकीवात आहे. दुसरा फायदा म्हणजे, मनोरंजन... काही उमेदवार एवढे मजेशीर असतात की त्यांचे जनरल नॉलेज अगदीच "जनरल" असल्याचे आढळून हशा थांबत नाही. (जसे, एकदा एका उमेदवाराला भारताचा राष्ट्रपती कोण आहे.. तो पुरुष आहे की स्त्री आहे हेदेखील माहित नव्हते.) परंतु, ह्या कार्यक्रमाची झुकती बाजू म्हणजे स्वत: रघू होय. काही वेळा रोडीज चे संपादक रघू हा 'फेक' असल्याचे जाणवते. जेव्हा तो समोरच्या उमेदवाराला " मुलींचा रिस्पेक्ट न केलेल्या कारणावरून" शिव्या घालत असतो, तेव्हा त्या शिव्या ह्यादेखील आई-बहिणीवरून दिलेल्या शिव्या असतात, हे तो (जाणूनबुजून?) विसरतो असे दिसून येते. ह्या शिव्या हे देखील महिलांचा रिस्पेक्ट न करणे असे नाही काय?? अर्थात हे माझे वैयक्तिक मत आहे. पण आजकालच्या व्यावसायिकीकरणाने झपाटलेल्या जगात रोडीज सारख्या रिआलिटी शो कडून जेन्यूइन असण्याची भाबळी अपेक्षा करणे हेच गैर वाटते.

ते दोघे टकले जुळे भाऊ मागच्या वर्षी पुण्यात आले होते, तेव्हा अभाविसे च्या कार्यकर्त्यांनी त्यांना फटकवल्याची बातमी वाचली होती सकाळ मध्ये. बाकी हा कार्यक्रम पाहता तो नाट्यमय रूपांतरणच आहे असे वाटते. त्यातून नक्की मनोरंजन कुणाचे होते हे कळायला काही मार्ग नाही.

तरूण मुलांनी हा कार्यक्रम जरुर पाहावा अशी मी शिफारस करु इच्छितो.

बाडीस. तरुणांच्या सहज उत्साहपुर्ण, साहसी व स्पर्धात्मक स्वभावाला उत्तेजन देणारा हा शो आहे यात शंकाच नाही. बरेचदा कोणत्याही इंटेन्स प्रसंगी प्रत्येकाचा तोल जातो मनसोक्त शिवीगाळ वैयक्तीक पातळीवरही होते पण केवळ उघड उघड शिव्या दिल्या जातात ही एकमेव गोश्ट सोडली तर एकताच्या डेली सोप मालीकेत आणी या शो मधे आक्षेप घेण्यासारखे असे किती असमान मुद्दे सापडतील ? शो चा जो टारगेट ओडीयन्स आहे त्यांची वर्तणुक सामान्य सामजीक जिवनात अशी कीती वेगळी असते ? एखादा कार्यक्रम सलग ९ सिजन प्राइम टाइमला चालतो आहे एखाद्या चॅनेलचा प्रमुख आधारस्तंभ आहे यातच तो पॉप्युलर तर आहेच पण टारगेट ऑडीयन्सने अत्यंत आवडीने अ‍ॅक्सेप्टही केला आहे हे तर स्पश्टच आहे. राहीली गोश्ट त्या टकल्यांची, तर स्पर्धकांना दमात घेण्यास त्यांचे वर्तन शोच्या द्रुश्टीकोनातुन योग्य आहेच. फक्त ते तसं वागायचं डेरींग कॅमेर्‍यासमोर सातत्याने दाखवतात यातच बरेच जणांना पोटदुखी होते इतकचं. रोडीजचा कोणताही सिजन म्हणजे अलका कुबलचा "माहेरचं कुंकु" चित्रपट निपजावा अशी अपेक्षा योग्य नाही....

तरुण भारतीय वर्ग कसे विकृत पाश्चात्य वर्तवणुकीचे तंतोतंत नक्कल करतो याहे सही सही उदाहरण आहे हा शो म्हणजे.. मुलाखत घेणारे आणि मुलाकःतीला येणारे दोघेही गावावरून ओवाळून टाकलेले आहेत..

मी रोडीचा एक सिझन पहिला होता तो मला नक्कीच आवडला होता. जाता जाता सांगायची गम्मत म्हणजे माझ्या एका मित्राला मी मिसळपावची शिफारस केली होती तेव्हा त्याने मिसळपाव वर घेतलेले आक्षेप हे वरती रोडीज वर घेतल्या जाणारया आक्षेपान्सारखेच होते.. उथळ प्रतिक्रिया, स्वताला शहाणे समजणारे लोक, बाष्कळ धागे, अर्वाच्य भाषा इत्यादी.. ज्याचे मत त्याच्याकडे... आपल्याला बुवा रोडीज आवडते आणि मिसळपाव देखील .. :)

तरूण मुलांनी हा कार्यक्रम जरुर पाहावा अशी मी शिफारस करु इच्छितो. कधी तरी पाहीन हे प्रकरण. माहितीबद्दल धन्यवाद. -दिलीप बिरुटे

आजकाल चीनमधे काय ? (की विहीरीबद्दल बोलताय.)

मी ज्या ज्या वेळी हा कार्यक्रम पाहिला त्यावेळी ह्यात सुत्रसचालक व सहभाग कर्ते देखिल एकमेकावर डाफरत असतात.

हा सिझन खुपच बोरिंग वाटतो आहे.सगळे रोडिज पकाव आहेत. ऑडिशन बघुन वाटले होते मागील मालिकेतिल रोडिजपेक्शा या मालिकेत नगास नग अस्तिल.पण फूस....