वरच्या समासात उजव्या बाजूला एक मेन्यु दिलेला आहे. त्यात लेख, चर्चा , काव्य अशी विभागणी आहे आणि त्यात लेख 'नवीन वर - जूना खाली' या पध्दतीने आहेत. तेथे प्रतिक्रिया दिली तरीही लेखाची जागा बदलत नाही. एखादा लेख तेथे शोधता येईल. थोड्याच दिवसात शोध सुविधा देता येईल.

तात्या, तरीही मुखपृष्ठावरील अनुक्रमणिकेची मांडणी लेख / कविता प्रसिद्ध झाल्याच्या अनुक्रमाने असावी आणि प्रतिसादांप्रमाणे असू नये असे वाटते. ते सर्वांसाठीच सोयीचे आहे. कृपया याचा विचार व्हावा. साती

लाडूसाहेब, मिसळपावचा दाखला देऊन आपण हाच प्रश्न मारे सुस्पष्टपणे वगैरे मनोगतावर विचारणार आहात काय? किंबहुना, प्रशासकीय धोरणांबाबत मिसळपावचा दाखला देऊन विचारलेला प्रश्न मनोगतावर छापला जाईल किंवा नाही याचीच शंका आहे!:) असो.. --- हाहाहा! हा प्रश्न मला तुमच्याकडून अपेक्षितच होता! नाही, मुळीच विचारणार नाही. प्रशासकीय कात्री कुठे कशी लागेल याची खात्री आहे, तिकडे कुठली मते मांडायची आणि कुठली नाही, हे समजण्याइतकाही अनुभव माझ्याकडे नाही, असे मला वाटत नाही. दुसरे असे, की मनोगताचा दाखला येथे देऊन मी फक्त येथील तांत्रिक बाबतीत सुधारणेसाठी असलेला वाव लक्षात घेतला आहे. तोही सदस्यांच्या वाचनाबाबतच्या गरजा भागवण्यासाठी. प्रश्नबिश्न विचारायचा मुद्दा येथे मध्ये येतोच कुठे आणि कसा? की मनोगताचा दाखला एखाद्या चांगल्या गोष्टीसाठीही देणे लोकशाहीप्रिय मिसळपाववर वर्ज्य आहे? जेथे जो प्रश्न विचारायचा तेथे तो मी विचारलाच आहे :) कुठे उत्तराची अपेक्षा करायची तिकडे ती केलीही आहे. आणि इर्रेस्पेक्टिव ऑफ दि ऍन्सर, माझ्या मतांची सुस्पष्टता आणि प्रामाणिकपणा माझ्यासाठी जास्त मोलाचा आहे. दुसरे असे, की मिसळपावची मनोगतशी तुलना करायचा मुळीच उद्देश नाही. पण मनोगतावा जर काही चांगले असेल, तर त्याचा दाखला येथे देणे मला गैर वाटत नाही. किंबहुना मिसळपावची तांत्रिक बाजू सदस्यांच्या गरजा भागवण्याच्या दृष्टीने अधिक बळकट होण्यासाठी तसे करणे प्रसंगी क्रमप्राप्तही ठरते. मात्र मनोगतावर मिसळपावसंबंधी काही लिहावयाचे झाल्यास आणि प्रशासकीय कात्री लागेल, असे वाटल्यास मी ते तिकडे लिहूच कशाला? (स्पष्टवक्ता)बेसनलाडू