डाळ/दाल मखनी

साहित्य: १ वाटी अख्खे काळे उडीद+ २ टेस्पून राजमा रात्री भिजवून, सकाळी कुकरला थोडे मीठ घालून शिजवून घेणे. १ कांदा बारीक चिरलेला २ टोमॅटोची प्युरे १ टेस्पून आले+लसूण पेस्ट १ टीस्पून जीरे २ टीस्पून लाल-तिखट (आवडीप्रमाणे कमी-जास्त) १ टीस्पून धणेपूड १ टीस्पून गरम-मसाला मीठ चवीनुसार २ टेस्पून साजूक तूप ३-४ टेस्पून क्रीम पाकृ: कढई किंवा नॉन-स्टीक पॅनमध्ये साजूक तूप गरम करून जीर्‍याची फोडणी करावी. त्यात आले+लसूण पेस्ट घालून परतून घ्यावी. त्यात बारीक चिरलेला कांदा घालून गुलाबी रंगावर परतावा. कांदा चांगला परतला गेला की त्यात टोमॅटोची प्युरे घालून नीट शिजवून घ्यावी. लाल-तिखट व धणेपूड घालून तेलसुटेपर्यंत परतून घ्यावे. आता त्यात शिजवलेली डाळ घालावी, लागेल तसे पाणी घालून उकळी आणावी. त्यात चवीनुसार मीठ घालावे. (डाळ शिजवताना मीठ घातले आहे त्याप्रमाणे घालावे.) उकळी आली की त्यात क्रीम घालावे व एकत्र करावे. आवडत असल्यास थोडे बटर घालावे. वरून गरम-मसाला भुरभूरावा व नीट एकत्र करावे . सजावटीकरता थोडे क्रीम घालावे व गरमा-गरम दाल-मखनी जीरा राईसबरोबर सर्व्ह करावी.