पांडूरंग माझा गरीब राहू द्या

आपले विचार उदात्त आहेत ह्यात शंका नाही. परंतु, प्रत्यक्षात तसे घडताना दिसत नाही. लोकांच्या डोळ्यात धुळ फेकण्यासाठी काही समाजकार्य केले जाते. पण, भरमसाट प्रमाणात गैरव्यवहारही होतात. शिर्डी, सिद्धीविनायक वगैरे देवस्थानांच्या विश्वस्तपदी वर्णी लावण्यासाठी राजकारण्यांमध्ये स्पर्धा असते. देवस्थाने वाटून घेतली जातात. त्यांच्या फायद्यासाठीच ही देवस्थाने 'व्यावसायिक' होत चालली आहेत. रांगांचे, दर्शनाचे, पुजाअर्चांचे वेगवेगळे दर, 'पॅकेजीस्' देऊन देवाच्या पायाशीच भक्ता भक्तात त्याच्या ऐपती नुसार भेदभाव करण्यात येतो. बंदोबस्तावर नेमलेले पोलीस, राजकारण्यांच्या वरदहस्ताने, चिरीमीरी गोळा करणे आणि न देणार्‍या भक्तांवर खेकसणे आदी प्रकार करतात. भक्त सुद्धा रांगेत उभे न राहता वशिले लावून, पैसे देऊन देवाच्या पायावर डोके ठेवण्यासाठी, पुण्य (?) कमविण्यासाठी, ह्या भ्रष्टाचाराला हातभार लावतात. हे सर्व शिर्डी, तुळजाभवानी इत्यादी ठिकाणी प्रत्यक्ष पाहिले आहे.