Skip to main content

दत्त दत्त बोलत गेलो

लेखक पाषाणभेद यांनी बुधवार, 28/12/2011 04:13 या दिवशी प्रकाशित केले.
दत्त दत्त बोलत गेलो

दत्त दत्त बोलत गेलो
गेलो गेलो दत्त दत्त बोलत गेलो
दत्ताला भजूनी धन्य झालो
झालो झालो दत्ताला भजूनी धन्य झालो ||

दत्तनाम सदा राहे माझ्या मुखी
जगामधे मीच आहे सर्व सुखी
नकळे मला मी कोण होतो
दत्ता समोर प्रत्यक्ष शरण आलो ||

गुरूदत्तावरी माझा राही विश्वास
दत्त दत्त सदा घेई अंतरी श्वास
विस्मये आश्चर्ये असे दत्त किर्ती
वेळीअवेळी दत्ताला आठवित गेलो ||

चिंता क्लेश उणीवा असती माझ्यात
प्रयत्न करणे केवळ असे हातात
मागणे माझे काही नसता
दत्तगुरू प्रसाद नित्य मुखी मिळो ||

- पाभे

काव्यरस
शांतरस
लेखनविषय:
वाचने 1994
प्रतिक्रिया 9

प्रतिक्रिया

लीलाधर बुधवार, 28/12/2011 08:16

पाभे

गुरूब्रह्मा गुरूर्विष्णू, गुरूर्देवो महेश्वरा: !
गुरू:साक्षात परब्रह्म तस्मै श्री गुरवे नमः !

श्री गुरूदेव दत्त !

मृगनयनी बुधवार, 28/12/2011 10:14

अवधूतचिन्तन श्री गुरुदेव दत्त! :)

शब्दाशब्दातून दत्त-भक्ती ओसंडून वाहते आहे..... :)

आणि भक्तीरूप शब्दांना विभक्ती,मात्रा, वृत्त इ. गोष्टींची गरज भासत नसते. त्यामुळे जास्त आवडली! :)

मदनबाण बुधवार, 28/12/2011 10:19

गुरूदत्तावरी माझा राही विश्वास
दत्त दत्त सदा घेई अंतरी श्वास
विस्मये आश्चर्ये असे दत्त किर्ती
वेळीअवेळी दत्ताला आठवित गेलो ||
सुंदर रचना...
ही रचना वाचुन मला अजित कडकड्यांनी गायलेले हे गीत आठवले...
दत्त दत्त मुखे म्हणा दत्त दत्त मुखे म्हणा दत्त गोविंद हो...