✍ मराठी साहित्य, संस्कृती आणि लेखनाचे व्यासपीठ

स्वातंत्र्य संपले????????

चिंतामणी यांनी
 ·  लेख
लेख
मगाशी विविध वाहीन्यांवर मा. कपील सिब्बल (मा. चा योग्य अर्थ घेणे) यांचे आकांडतांडव चालु होते. केंद्र सरकारने गुगल, याहू, मायक्रोसॉफ्टसारख्या इंटरनेट कंपन्या, फेसबुक, ट्विटरसारख्या सोशल नेटवर्किंग साईट्सवरून मनमोहन सिंग, सोनिया गांधी आणि मोहम्मद पैगंबर यांच्याशी संबंधित सर्व आक्षेपार्ह गोष्टी हटविण्यास सांगितले आहे. तसेच सरकारने या सर्व साईट्सवर प्रसिद्ध करण्यात येणाऱ्या मजकुरावर लक्ष ठेवण्यासाठी एखादी यंत्रणा विकसित करण्यास सांगितले आहे. थोडक्यात सेन्सॉरशीप येणार आहे. आत्ता या साईटसवर "सिब्बल" हा "मोस्ट हॅपनींग" विषय झाला आहे. या साईटसवर फक्त "मनमोहन सिंग, सोनिया गांधी आणि मोहम्मद पैगंबर यांच्याशी संबंधित सर्व आक्षेपार्ह गोष्टी" असतात का? इतर वेळी सोशल पोलिसिंग च्या नावाने गळे काढणा-यांना सेन्सॉरशीपची गरज का भासावी?? वाचून हसावं की रडावं...? केंद्र सरकारनं इंटरनेट कंपन्या आणि सोशल नेटवर्किंग वेबसाईटसवर 'सेन्सॉरशीप' आणायचं ठरवलंय. कोणताही कन्टेन्ट प्रसिद्ध करण्यापूर्वी 'प्री स्क्रिनिंग' व्हावा आणि 'चुकीचा' कन्टेन्ट काढून टाकावा, असा फतवा काढण्याची पावलं केंद्र सरकार टाकतेय...!!! फेसबुक, गुगल, याहूला सरकारकडून ताकीद http://www.esakal.com/esakal/20111206/5411406916295255938.htm सरकारची सोशल नेटवर्किंग कंपन्यांना धमकी http://maharashtratimes.indiatimes.com/articleshow/11003772.cms
13240 वाचन
💬 प्रतिसाद (76)

प्रतिक्रिया

मृत्युन्जय
Tue, 12/06/2011 - 16:34 नवीन
मनमोहन सिंग : शीख सोनिया गांधी: ख्रिश्चन मोहम्मद पैगंबरः मुसलमान हिंदु धर्मांधांमुळे सामान्य जनतेवर ही सेन्सोरशिप लागू होते आहे. मनमोहन सिंग आणि सोनिया गांधी यांच्यासारख्या सज्जन, पापभीरु, देशभक्त लोकांवर हे लोक टीका करतातच कसे?

पुण्याचे वटवाघूळ
Tue, 12/06/2011 - 16:42 नवीन
उगीच धर्म घुसदू नका हो. राजीव गांधींविरूध्दही मजकूर हे लोक चालू देनार नाहीत. ते तर हिंदूच होते ना?तेव्हा मुख्य मापदंद यांच्या मर्जीतला असने हे आहे. हिंदू किंवा अहिंदू असने नाही. पुण्याचे वटवाघूळ
↩ प्रतिसाद: मृत्युन्जय

सोत्रि
Tue, 12/06/2011 - 17:03 नवीन
ते तर हिंदूच होते ना?
ह्या विवादास्पद मुद्दा आहे. जाणकार प्रकाश टाकतीलच. - (गाधींच्या 'निधर्मी' राष्ट्रातला रहिवासी) सोकाजी
↩ प्रतिसाद: पुण्याचे वटवाघूळ

मृत्युन्जय
Tue, 12/06/2011 - 17:11 नवीन
खाली गणपाने लिहिले आहे तरीही लिहिण्याचा मोह आवरत नाही. राजीव गांधी पारशी होते असा समज आहे. बाकी सोकाजी म्हणतात त्याप्रमाणे जाणकार प्रकाश टाकतीलच :)
↩ प्रतिसाद: पुण्याचे वटवाघूळ

पुण्याचे वटवाघूळ
Tue, 12/06/2011 - 17:25 नवीन
राजीव गांधी हिंदू नव्हते याविषयी कोनता पुरावा आहे तुमच्याकडे? वडिल पारशी म्हणून ते आपोआप पारशी बनतात का? राजीव गांधींनी इंदिरा गांधींवर अंत्यसंस्कार हिंदू पध्दतीनेच केले होते. यातून ते स्वतः हिंदू असल्याचे मान्य करत होते याचा पुरावा नाही का? बरं इंदिरा गांधी, पंडित नेहरू, महात्मा गांधी यांच्याविरूध्द काही लिहिलेलेही ही मानसे सहन करणार नाहीत. आता ही मंडली तर हिंदूच होती ना? पुण्याचे वटवाघूळ
↩ प्रतिसाद: मृत्युन्जय

नितिन थत्ते
Tue, 12/06/2011 - 18:08 नवीन
प्रतिसाद द्यायचा आग्रह केलात? आता भोगा आपल्या कर्माची फळं :P सेन्सरशिप असू नये. [परंतु सेन्सरशिप नसून प्री चेक ऑन कण्टेण्ट आहे असे मंत्रीमहोदयांनी म्हटले आहे] फेसबुकसारख्या ठिकाणी ही & हि पोस्ट/फोटो/व्हिडिओ आली असेल तर "रिपोर्ट धिस फोटो" च्या बटणावर क्लिक करता येते. तसे कधी कधी मी केलेले आहे. कधी कॉमेंटही लिहिल्या आहेत. परंतु अश्या पोस्ट पटापट शेअर होऊन त्यांचा इतका धबधबा होतो की प्रत्येक ठिकाणी जाऊन "रिपोर्ट" करणे शक्य नसते. मध्यंतरी "काँग्रेसचे वाटोळे व्हावे" या भावनेतून लिहिलेली दीपिका पडुकोणच्या (पायगुणा)बाबतची पोस्ट फेसबुकावर/जालावर फिरत होती. काँग्रेसचे काय व्हायचे ते होवो पण ती पोस्ट व्यक्तिश: दीपिकासाठी बदनामीकारक आणि तिच्या करियरला मारक ठरू शकेल अशी होती. विशेषत: सिनेमा क्षेत्रात नशीबाविषयक अंधश्रद्धा मोठ्या प्रमाणात मानल्या जातात त्यामुळे. मी ती एकदोनदा रिपोर्ट केली परंतु ती इतक्या वेळा येत राहिली की मी ती रिपोर्ट करणे सोडून दिले. विशिष्ट विचारसरणीच्या उघडपणे विरोधी असणार्‍यांच्याबाबत अशी ही & हि पोस्ट येतच राहणार. मीच इतरत्र लिहिल्याप्रमाणे हे पराभूतांचे वाङ् मय* आहे आणि ते पराभूतांच्या गटात आणि समर्थकांत आवडीने चघळले जाणार. (याहून जास्त आपण काही करू शकत नाही याची खात्री या पराभूतांना असते आणि हे केल्याने आपल्याला काही इजा त्रास होणार नाही अशी खात्रीही त्यांना असते) बंदी घालून काही साध्य होणार नाही आणि त्याची गरजही नाही. *पराभूतांचे वाङ मय ही संकल्पना धनंजय यांच्याशी बर्‍याच काळापूर्वी झालेल्या पत्रव्यवहारातून घेतली आहे.
↩ प्रतिसाद: परिकथेतील राजकुमार

विकास
Wed, 12/07/2011 - 19:44 नवीन
परंतु सेन्सरशिप नसून प्री चेक ऑन कण्टेण्ट आहे असे मंत्रीमहोदयांनी म्हटले आहे या वरून प्रश्न पडला, सेन्सॉरशीप म्हणजे नक्की काय असते? म्हणजे दादा कोंडक्यांच्या चित्रपटात काही द्वर्थी नाही हे बघणे म्हणजे सेन्सॉरशीप नसून नुसते प्रीचेक असायचे का? (आता दादा कोंडके हे उदाहरण झाले, असेच सर्वच चित्रपट/नाटके वगैरे वगैरे..) याचा अर्थ आता सेन्सॉरबोर्डासारखेच, "प्रीचेक ऑन कण्टेण्ट बोर्ड" चालू करणार का? ;) मला अजून एक प्रश्न पडला, महाराष्ट्र टाईम्स पासून ते टाईम्स ऑफ इंडीयाच्या जालावरील पहील्या पानाचे आणि त्यातील कोपर्‍यातील छायाचित्रांसहीत मथळ्यांचे देखील "प्री चेक ऑन कण्टेण्ट" करण्याचा विचार आहे का? त्यांना पण मंत्रीमहोदयांनी बोलावले होते का? ( हे मी मंत्री महोदयांना उद्देशून म्हणत आहे...) विशिष्ट विचारसरणीच्या उघडपणे विरोधी असणार्‍यांच्याबाबत अशी ही & हि पोस्ट येतच राहणार. अगदी अगदी १००% सहमत. आता सावरकरांनी जे म्हणलेले नाही हे ऐतिहासीक सत्य आहे, हे दाखवून झाल्यावर देखील अशी त्यांच्या नावावरील चुकीची वाक्ये नाही का परत परत जालावर येतात? ;)
↩ प्रतिसाद: नितिन थत्ते

चिंतामणी
Wed, 12/07/2011 - 19:52 नवीन
>>>आता सावरकरांनी जे म्हणलेले नाही हे ऐतिहासीक सत्य आहे, हे दाखवून झाल्यावर देखील अशी त्यांच्या नावावरील चुकीची वाक्ये नाही का परत परत जालावर येतात? :O :-O :shock: ह्याचा इथे काय संमंध????? बादवे स्वा.सावरकारांचा उद्धार जालावर जो उद्धार चालतो त्या बद्दल आपले मौलीक विचार काय ऐकायला आवडेल.
↩ प्रतिसाद: विकास

विकास
Wed, 12/07/2011 - 20:02 नवीन
ह्याचा इथे काय संमंध????? - - - - स्वा.सावरकारांचा उद्धार जालावर जो उद्धार चालतो त्या बद्दल आपले मौलीक विचार काय ऐकायला आवडेल. दोन्हीचे उत्तर एकच "शोधा म्हणजे सापडेल" ;) बाकी माझ्या वरील (आधीच्या) प्रतिसादात सावरकरांच्या ऐवजी कुठल्याही ऐतिहासीक (हयात नसलेल्या पण तरीही प्रसिद्ध) व्यक्तीबद्दल लावले तरी चालेल, किंबहूना लावावे असे म्हणेन.
↩ प्रतिसाद: चिंतामणी

जोशी 'ले'
Tue, 12/06/2011 - 20:50 नवीन
जरा गुगलुन बघा ते कोणत्या धर्मा चे आहेत फक्त political फायद्या साठि त्यांचे हिंदु पध्दतीने अंत्य संस्कार केलेत, http://www.vepachedu.org/Nehrudynasty.html
↩ प्रतिसाद: पुण्याचे वटवाघूळ

पुण्याचे वटवाघूळ
Tue, 12/06/2011 - 22:52 नवीन
जरा गुगलुन बघा ते कोणत्या धर्मा चे आहेत फक्त political फायद्या साठि त्यांचे हिंदु पध्दतीने अंत्य संस्कार केलेत,
अहो अल कायदाच्या वेबसाईटावर ओसामाही फार मोठा संतपुरूष होता असे छापतील आणि औरंगजेबाच्या वेबसाईटवर छत्रपतींविषयी चांगले लिहितील अशी अपेक्षा कशी करणार? तेव्हा अशा सवंग लोकप्रियता मिळवायला काढलेल्या वेबसाईटा सोडून जरा अभ्यासासाठी रेफरन्स म्हणून वापरता येईल असा काही पुरावा द्या की राव. गांधी घराण्याचा मी पण समर्थक नाही पण अशी बिनबुडाची टिका नाही आवडत बघा!! पुण्याचे वटवाघूळ
↩ प्रतिसाद: जोशी 'ले'

जोशी 'ले'
Wed, 12/07/2011 - 08:16 नवीन
राहुल च खरं नाव Raul हे एक इटालीयन नाव आहे त्याचे भारतिय नाव rahul करण्यात आलंय, तसेच त्याच्या national ID card वर place of warship - चर्च आहे…..आणि आम्हि पडलो गुगले लोक्स अजुन कुठुन पुरावे हो तसेच मी खाली दिलेल्या प्रतिसादा नुसार कमीत कमी 'कपि'ल सिब्बल ने सुब्रमन्यम स्वामींचे म्हणने तरी खोडावे मग बाकीच्या गमजा…
↩ प्रतिसाद: पुण्याचे वटवाघूळ

विजुभाऊ
Wed, 12/07/2011 - 15:50 नवीन
राहुल च खरं नाव Raul हे एक इटालीयन नाव आहे त्याचे भारतिय नाव rahul करण्यात आलंय, हे धादान्त खोटे आहे. उगाच केसाची पिसे करत बसू नका. राउल हा शब्द इटालियन नाही. राउल या स्पॅनिश/पोर्तुगीज (मूळ जर्मॅनिक) शब्दाचा अर्थ Wolf Counsil असा होतो Ralf हा त्याच्या अद्ययावत अवतार भारतीय शब्द राहुल या शब्दाशी त्या शब्दाचा दूरान्वये ही संबन्ध नाही. जमनालाल बजाजानी त्यांच्या मुलाचे नाव राहूल ठेवले या कारणाने इंदिरा गांधीनी त्यांच्या मुलाचे नाव राजीव ठेवले असा उल्लेख आहे. राहुल बजाज यानी त्यांच्या मुलाचे नाव राजीव ठेवले म्हणून इंदीरा गांधीनी त्यांच्या नातवाचे नाव राहुल ठेवले होते
↩ प्रतिसाद: जोशी 'ले'

किचेन
Wed, 12/07/2011 - 17:05 नवीन
राहुल हे एक पूर्णपणे भारतीय नाव आहे.खूप पुरातन काळापासून.या नावाचा अर्थ मला माहित नाही पण गोतम बुद्धांच्या मुलाचे नाव राहुल होते.
↩ प्रतिसाद: विजुभाऊ

चिंतामणी
Wed, 12/07/2011 - 19:27 नवीन
>>>जमनालाल बजाजानी त्यांच्या मुलाचे नाव राहूल ठेवले या कारणाने इंदिरा गांधीनी त्यांच्या मुलाचे नाव राजीव ठेवले असा उल्लेख आहे. राहुल बजाज यानी त्यांच्या मुलाचे नाव राजीव ठेवले म्हणून इंदीरा गांधीनी त्यांच्या नातवाचे नाव राहुल ठेवले होते आतील गोटातील या माहितीबद्दल आभार. :bigsmile:
↩ प्रतिसाद: विजुभाऊ

पुण्याचे वटवाघूळ
Wed, 12/07/2011 - 19:23 नवीन
राहुल च खरं नाव Raul हे एक इटालीयन नाव आहे त्याचे भारतिय नाव rahul करण्यात आलंय,
तुम्ही जोशी असाल तर त्याच न्यायाने तुमचे नाव पण इटालीयन झाले. तुम्ही Joshua किंवा Josh हे युरोपीयन नाव ऐकले आहे का? त्याचेच जोशी हे भारतीय नाव केले आहे. पुण्याचे वटवाघूळ
↩ प्रतिसाद: जोशी 'ले'

दादा कोंडके
Wed, 12/07/2011 - 19:41 नवीन
या चर्चेवरून अत्रेंचा एक ऐकलेला विनोद आठवला. संयुक्त महाराष्ट्राच्या लढ्यावेळी, एक मनुष्य तावातावाने अत्र्यांना म्हणाला बेळगाव कर्नाटकाचंच आहे कारण नावाची मुळ व्युत्पत्ती 'बेळ' हे कानडी आहे. अत्रे शांतपणाने म्हणाले मग त्या न्यायाने उद्या लंडन महाराष्ट्राचं आहे म्हणाल! :)
↩ प्रतिसाद: पुण्याचे वटवाघूळ

आनंदी गोपाळ
गुरुवार, 12/08/2011 - 22:47 नवीन
थोऽडी वाट पहा हो जोशी मग तुमचं खरंच जोशी 'ले' होणारे. म्हण्जे ल्यालेले ;) असं मी नै, ते सिब्बल सायेब म्हंतात. एकतर आप्ला आयपी एक्दम टेलिफोन नंबरसारखा असतो. दुसरं एकदा टाईप केलं की पर्मनंट होतं. आता ते सिब्बल ला 'कपी' कितींदा म्हटलं त्याचा पन हिशेब येनारे ;) नुस्तं गुग्ले लोक म्हणुन जबाबदारी जात नै. (जात नै ती जात) तर मी म्हंतो जऽरा थांबा. मग 'ले'ऊ ना ;) (बादवे. जोशी, १. तुम्ही काय ढिगार्‍यावर बसून त्या राहूल चा बाप्तिस्मा पहात होता काय? २. तुमाच्या परिचयात/ओळखीत/माहितीत/नातेवाईकांत/खानदानात कुणी राहूल गांधींचा ओरिजिनल पास्पोर्ट पाहिला आहे काय? ३. राहूल राजीव गांधी या नावाच्या व्यक्ती समोर उभे राहून हे जे काय तुम्ही गरळ वर ओकलेत, ते ओकायची तुमची हिम्मत आहे काय? या प्रश्नांची उत्तरे स्वतःला विचारा. या असल्या वागणूकीपायीच हा असला विचार त्या मंत्र्याच्या डोक्यात आला आहे बहुतेक.) ज्या दिवशी बीएसेनेल तुमचा आयपी ट्रेस करील त्या दिवशी आपण आपले रिस्पॉन्स कुठे कसे एडिट केले त्याची हिस्टरी शोधायची वेळ तुमच्यावर येऊ नये अशी आशा करतो. आपल्याला 'ले'ने के देने पडू नयेत असे विचार करणारा आपला हितचिंतक, आनंदी (गोपाळ)
↩ प्रतिसाद: जोशी 'ले'

विश्वनाथ मेहेंदळे
Fri, 12/09/2011 - 13:45 नवीन
>> राहूल राजीव गांधी या नावाच्या व्यक्ती समोर उभे राहून हे जे काय तुम्ही गरळ वर ओकलेत, ते ओकायची तुमची हिम्मत आहे काय? काय संबंध ??? त्याच हिशोबाने, दाउद इब्राहीम बद्दल तुमच्या मनात जे विचार आहेत ते त्याच्या समोर उभे राहून बोलायची तुमची हिम्मत आहे काय ? (तुमच्या मनात त्याच्या बद्दल चांगले विचार असतील तर गोष्ट वेगळी). आणि प्रयत्न केलातच, तर त्याला तुम्हाला (आनंदी) गोपाळ वरून (दुखी: किंवा पीताम्बरधारी) गोपाळ बनवायला किती वेळ लागेल याचा विचार करा. पण म्हणून तुम्ही (किंवा इतर कुणी) जालावर पण आपले विचार मांडू नयेत? कमाल आहे.
↩ प्रतिसाद: आनंदी गोपाळ

आनंदी गोपाळ
Fri, 12/09/2011 - 23:32 नवीन
या दाऊदला कुणीतरी पकडून आणणार होतं म्हणे. त्यांचं काय झालं ते महाराष्ट्रास ठाउक आहे. पण हा जो दाऊद आहे तो नामचीन गुंड आहे, अन राहूल गांधी हा या देशाच्या जनतेने निवडून दिलेला खासदार. थोडा तरी फरक असेल असे वाटते? तुलना कुणाची कशी करावी हे थोडे विचार करून ठरवावे. उचल्ले बोट लागले टंकाया असे करू नये हे इनंती. त्या दाऊदने माझे काय करायला किती वेळ लागेल याचा हिशेब आपण करू नका. मी समर्थ आहे स्वतःची काळजी घेण्यास. तुम्हालाही यथाशक्ती मदत करीन हवी असली तर. इथे मी जोशीलेंशी बोलत होतो. तुम्चं नक्की काय दुखलं? ते जालावर् विचार मांडुन सांगा. मीपण माझेच विचार विचारले आहेत त्यांना. ता.क. अत्ताच जोशिलेंना खरडीतुन काही लिहिले आहे. ते इथे परत लिहीतो. या असल्या बिनबुडाच्या पासपोर्ट गोष्टि लिहिल्यानेच ही सेन्सॉरशिप लादली जाऊ शकते, याचा जराही विचार करता येत नाही का तुम्हाला? इथे ४ ओळी टाईप करून देशाची पॉलिसी बदलता येणार नाही साहेब.
↩ प्रतिसाद: विश्वनाथ मेहेंदळे

जोशी 'ले'
Sat, 12/10/2011 - 00:39 नवीन
काय येवढे तावा तावाने वकिलि पञ घेतल्या सारखे प्रतिसाद देताय, इंटरनेट वर सगळेच चुकिची माहिति मिळते का? आणि मी काय Phd. करत नाहिये राहुल वर, कि मागितला संदर्भ कि दिला, कधितरि कुठे तरि वाचलेले असते ते त्या अनुशंगाने मी प्रतिसादात दिलेय..अता हेच बघाना जरा संदर्भ गुगलुन बघितल्यावर rahul gandhi- wikipedia वर पुढिल वाक्य मिळाले " During this period, he assumed the pseudonym Raul Vinci and his identity was known only to the university officials and security agencies " तर ह्यातिल Raul हे नाव असल्याचा उल्लेख मि दुसरी कडे कुठेतरी वाचल्या चे स्मरते, आता आग असेल तरच धुर असेल ना? दुसरे असे मि पासपोर्ट नाहि तर national id बद्ल बोलत होतो, जो मी पाहिला नाही;-) ....तिसरे, हिम्मत अं ....जाऊ द्या..... जय जय रघुविर समर्थ.....
↩ प्रतिसाद: आनंदी गोपाळ

विश्वनाथ मेहेंदळे
Sat, 12/10/2011 - 11:50 नवीन
>>या दाऊदला कुणीतरी पकडून आणणार होतं म्हणे. त्यांचं काय झालं ते महाराष्ट्रास ठाउक आहे. अवांतर म्हणून पास. >>पण हा जो दाऊद आहे तो नामचीन गुंड आहे, अन राहूल गांधी हा या देशाच्या जनतेने निवडून दिलेला खासदार. थोडा तरी फरक असेल असे वाटते? तुलना कुणाची कशी करावी हे थोडे विचार करून ठरवावे. उचल्ले बोट लागले टंकाया असे करू नये हे इनंती. दाउद आणि राहुल मधला एक फरक मला माहित आहे. दाउद त्याच्या क्षेत्रात (जे वाईट का असेना) स्वतःच्या कर्तृत्वाच्या जोरावर पुढे गेला आहे. आडनाव कासकर आहे म्हणून नाही. आहे की नाही मजबूत फरक ? >>त्या दाऊदने माझे काय करायला किती वेळ लागेल याचा हिशेब आपण करू नका. मी समर्थ आहे स्वतःची काळजी घेण्यास. तुम्हालाही यथाशक्ती मदत करीन हवी असली तर. तुम्ही समर्थ आहात ना, तसे राहुल समोर बोलायला जोशिलेही समर्थ असतील कदाचित. जे तुम्हाला लागू तेच इतरांना आणि जे इतरांना लागू तेच तुम्हाला. >>इथे मी जोशीलेंशी बोलत होतो. तुम्चं नक्की काय दुखलं? मिपासारखी संस्थळे चव्हाट्या सारखी असतात. त्यामुळे तुम्ही एकाशी बोलताना अजून ४ जण मध्ये येणारच. तसे चालत नसेल तर खरडवहीत लिहा. >>ते जालावर् विचार मांडुन सांगा. मीपण माझेच विचार विचारले आहेत त्यांना. ही दोन वाक्ये कळलीच नाहीत. क्षमस्व..
↩ प्रतिसाद: आनंदी गोपाळ

प्रशांत उदय मनोहर
Wed, 12/07/2011 - 00:46 नवीन
नेहरू आडनावाची लोकं भारतात कुठल्या भागातली आहेत? जवाहरलाल नेहरूंच्या कुळाशी संबंध नसलेली किती नेहरू कुळे अस्तित्वात आहेत? फ़िरोज गांधी पारशी होते? पारशी लोकांमध्ये गांधी हे आडनाव असते का? नसल्यास गांधी आडनावाच्या जाती/उपजातींमध्ये फ़िरोज़ हे नाव असते का? इ. इ. माझ्याकडे पुरावे नसल्यामुळे प्रश्नच विचारतोय. या प्रश्नांची लॉजिकल उत्तरे (पुराव्यांसकट/पुराव्यांशिवाय) मिळाल्यास उपकृत होईन. -प्रशांत
↩ प्रतिसाद: पुण्याचे वटवाघूळ

पुण्याचे वटवाघूळ
Wed, 12/07/2011 - 07:59 नवीन
त्याच न्यायाने बच्चन अडनाव नक्की कोणत्या भागातले? अमिताभ बच्चनशी संबंध नसलेले किती बच्चन आहेत? अहो बच्चन हे हरिवंशराय श्रीवास्तव यांचे टोपणनाव तेच नंतर त्यांचे अडनाव झाले. आता अमिताभ श्रीवास्तव हे नाव स्वतः अमिताभसुध्दा मान्य करणार नाही. अशी अडनावे काही कारणांनी लोक बदलत असतात. तसाच फिरोज बाटलीवालाचा काही कारणांनी (नक्की कोणत्या ते माहित नाही) फिरोज गांधी झाला. (इंदिरा गांधींचे काथरिन फ्र्~एंक ने लिहिलेले चरित्र). आधीच काहीतरी गृहित धरायचे आणि आपलुआ म्हणायच्या समर्थनार्थ सवंग वेबसाईटांचे पत्ते द्यायचे हे कितपत योग्य आहे?
↩ प्रतिसाद: प्रशांत उदय मनोहर

किचेन
Wed, 12/07/2011 - 13:14 नवीन
मी अस ऐकलय कि इंदिरा गांधीनी 'गांधी ' या आडनावाचा राजकारणात फायदा व्हावा म्हणून हे आडनाव बदललं आहे. आणखी एक गोष्ट सतावते.लहानपणी विदेशी मालाची होळी करताना जी मुलगी आपली विदेशी बाहुली जाळून टाकते ती मोठी झाल्यावर विदेशी सून कशी काय स्वीकारते?
↩ प्रतिसाद: प्रशांत उदय मनोहर

पुण्याचे वटवाघूळ
Wed, 12/07/2011 - 23:06 नवीन
मी अस ऐकलय कि इंदिरा गांधीनी 'गांधी ' या आडनावाचा राजकारणात फायदा व्हावा म्हणून हे आडनाव बदललं आहे.
नक्की बातमीचा स्त्रोत देता का?
लहानपणी विदेशी मालाची होळी करताना जी मुलगी आपली विदेशी बाहुली जाळून टाकते ती मोठी झाल्यावर विदेशी सून कशी काय स्वीकारते?
समजले नाही.विदेशी बाहुली जाळली तेव्हा विदेशी वस्तूंवर बहिष्कार टाकायचे कारण आर्थिक होते आणि देशाला स्वातंत्र्य मिळायचे होते. आपण विदेशी वस्तू विकत घेऊन इंग्रजांचे व्यवसाय पुढे चालवत आहोत आणि त्याच पैशाने इंग्रज आपल्या देशावर अन्याय करत आहेत, इथल्या लोकांच्या पोटावर पाय देत आहेत ही बहिष्काराच्या मागची भावना होती. आता वळू या तुमच्या तुलनेकडे: १. सून म्हणजे बाहुली आहे का? २. बाहुली विकत घेतात तशी सूनही विकत घेतात का? ३. बाहुली वापरल्यामुळे इंग्रजांच्या व्यवसायाला हातभार लागत होता तसा हातभार सून घरी आणून लागणार होता का? ४. विदेशी वस्तू वापरल्यामुळे भारतीय लोकांचे व्यवसाय बुडायला हातभार लागणार होता. तसा प्रकार घरी सून आणून होणार होता का? ५. बाहुली किंवा तत्सम गोष्टी जाळायचे आवाहन केले होते. कोणावर त्यासाठी सक्ती केल्याचे प्रकार झाल्याचे ऐकिवात नाही. तेव्हा स्वतःच्या लग्नाव्ह्या वेळी विदेशी बरोबर लग्न न करणे त्यांना योग्य वाटत असेल तर ते ठिक आहे. पण स्वतःच्या मुलाने पण तसेच करावे हा अट्टाहास कशाकरता? ते तसे इंदिरा गांधींनी केले नाही ते योग्यच (माझ्या मते). पुण्याचे वटवाघूळ
↩ प्रतिसाद: किचेन

जोशी 'ले'
गुरुवार, 12/08/2011 - 08:15 नवीन
अहो काय हे सर्वांना तुम्हि बातमीचा स्त्रोत विचारताय, तुमच्या कडे तरि आहे पुरावा (का जाळावा:-) ) मला मोठे मोठे प्रतिसाद टंकता येत नाहि पण काय हो भारतीय कायद्या प्रमाणे मुलाचा जन्मत: धर्म तोच असतो जो बापाचा असतो, बायकोचा धर्म तोच असतो जो पतिचा असतो असे मला तरी वाटते ( याचा पुरावा माझ्या कडे नाहि :-( जर आजोबांनी जाति चा दाखला नसेल काढला तर नातवाला त्याचा त्रास होतो( याचाहि पुरावा माझ्या कडे नाहि) त्या अर्थी जी पुर्वजांची जात/धर्म ती नातवाची
↩ प्रतिसाद: पुण्याचे वटवाघूळ

पुण्याचे वटवाघूळ
गुरुवार, 12/08/2011 - 17:06 नवीन
भारतीय कायद्या प्रमाणे मुलाचा जन्मत: धर्म तोच असतो जो बापाचा असतो, बायकोचा धर्म तोच असतो जो पतिचा असतो असे मला तरी वाटते
ठिक आहे. कायद्यावरच बोट ठेवायचे असेल तर सगळ्या गोष्टींमध्ये कायद्याप्रमाणेच जायला हवे. इंदिरा गांधींचा मुलगा राजीव गांधी निवडणुका जिंकून पंतप्रधान झाला आणि ते कायद्याला मान्य आहे. इतकेच नव्हे तर इंदिरा गांधींच्या हत्येनंतर राष्ट्रपती झैलसिंगने राजीवला पंतप्रधान म्हणून नेमले ते पण कायद्याला मान्य आहे. २००४ मध्ये सोनिया पंतप्रधान झाल्या असत्या तर ते पण कायद्याला धरूनच होते.२०१४ मध्ये राहुल पंतप्रधान झाला (याची शक्यता फारच कमी असली तरी) तरी ते कायद्याला धरूनच असेल. तेव्हा घराणेशाहीच्या नावाने गळे काढणे बंद झाले पाहिजे. आपल्याला सोयीसकर गोष्टींमध्ये कायदा काय सांगतो ते बघायचे आणि इतर ठिकाणी नाही हे योग्य नाही. (रात्रीच्या वेळी झाडाला उलटे लटकणारे) पुण्याचे वटवाघूळ
↩ प्रतिसाद: जोशी 'ले'

किचेन
Fri, 12/09/2011 - 18:13 नवीन
१. सून म्हणजे बाहुली आहे का? निदान नवीन असताना तरी तिला बहुलीच समजतात. २. बाहुली विकत घेतात तशी सूनही विकत घेतात का? नाही.सुनेला विकत घेत नाहीत.जावयाला विकत घेतात.पूर्वी त्या किंमतिला 'हुंडा' म्हण्याचे आता 'सदिच्छा भेट' अस म्हणतात. ३. बाहुली वापरल्यामुळे इंग्रजांच्या व्यवसायाला हातभार लागत होता तसा हातभार सून घरी आणून लागणार होता का? स्वतःच्या पिढीजात व्यवसायाचे १२ वाजणार होते त्याच काय? ४. विदेशी वस्तू वापरल्यामुळे भारतीय लोकांचे व्यवसाय बुडायला हातभार लागणार होता. तसा प्रकार घरी सून आणून होणार होता का? नसानसात राजकारण भारलेल असतानाही हेही कळू नये कि आपल्या पदाची भावी वारसदार हीच आहे.लोन्कांचे व्यवसाय बुडाले तर बुडाले पण आपल्या खंडणीची पांपरा बुडाली नाही पाहिजे. ५. बाहुली किंवा तत्सम गोष्टी जाळायचे आवाहन केले होते. कोणावर त्यासाठी सक्ती केल्याचे प्रकार झाल्याचे ऐकिवात नाही. नो कमेंट्स
↩ प्रतिसाद: पुण्याचे वटवाघूळ

पुण्याचे वटवाघूळ
Sat, 12/10/2011 - 09:38 नवीन
निदान नवीन असताना तरी तिला बहुलीच समजतात. नाही.सुनेला विकत घेत नाहीत.जावयाला विकत घेतात.पूर्वी त्या किंमतिला 'हुंडा' म्हण्याचे आता 'सदिच्छा भेट' अस म्हणतात.
या दोन वाक्यांचा आपला मुळचा मुद्दा-- इंदिरा लहान असताना विदेशी बाहुली जाळू शकत होत्या तर त्याच पुढे विदेशी सून कशी स्विकारू शकतात याच्याशी काडीमात्र संबंध नाही त्यामुळे "नो कमेन्ट्स".
३. बाहुली वापरल्यामुळे इंग्रजांच्या व्यवसायाला हातभार लागत होता तसा हातभार सून घरी आणून लागणार होता का? स्वतःच्या पिढीजात व्यवसायाचे १२ वाजणार होते त्याच काय?
समजले नाही. इंदिरा गांधींनी विदेशी सून घरी आणली म्हणून त्यांच्या पिढीजात व्यवसायाचे कसे काय १२ वाजणार होते?
नसानसात राजकारण भारलेल असतानाही हेही कळू नये कि आपल्या पदाची भावी वारसदार हीच आहे.लोन्कांचे व्यवसाय बुडाले तर बुडाले पण आपल्या खंडणीची पांपरा बुडाली नाही पाहिजे.
म्हणजे इंदिरा गांधी खंडणीबहाद्दर होत्या? उत्तम. बाय द वे, राजीवचे लग्न झाले १९६८ मध्ये. तेव्हा इंदिरा गांधी पंतप्रधान होऊन २-२.५ वर्षे झाली होती.त्याकाळी त्या "गुंगी गुडिया" म्हणूनच होत्या. त्यांच्या नेतृत्वाला खरी धार चढली १९६९ पासून-- ब्यांकांचे राष्ट्रीयीकरण, संस्थानिकांचे तनखे रद्द करणे, राष्ट्रपतीपदाच्या निवडणुकीत स्वतःचा उमेदवार उभा करून निवडून आणणे आणि नंतर पक्षातच फूट पाडणे आणि सिंडिकेटला बाहेरचा रस्ता दाखविणे या सगळ्या गोष्टी त्यांनी १९६९ मध्ये केल्या. १९६८ मध्ये इंदिराजी त्यांच्या कणखर प्रतिमेसाठी तितक्याशा ओळखीच्या झालेल्या नव्हत्या. त्यांचे खरे तेज जगापुढे यायचेच होते. अशा वेळी भविष्यात देसाई-कामराज इत्यादी मंडळी आपल्याला पदच्युत करतील अशी भिती त्यांना नक्कीच होती. अशा वेळी १९६८ मध्ये आपण मरेपर्यंत (मधल्या २-२.५ वर्षाचा अपवाद वगळता) आपणच पंतप्रधान असू, आपला एक मुलगा लवकर मरेल, त्यानंतर दुसर्याला आपण आपले वारस नेमू, मग आपल्यानंतर तो ही मरेल आणि त्यानंतर आपली सून आपल्या पदाची वारसदार असेल या सगळ्या गोष्टी इंदिराजींना १९६८ मध्येच कळल्या असतील तर त्यांच्याकडे अतिमानवीय शक्ती होती आणि त्या भविष्य बघू शकत होत्या असेच म्हणायला हवे. अहो तुमचा मुदा post-facto आहे. १९६८ मध्ये इंदिरा गांधींना या सगळ्या गोष्टींची कल्पना आली होती हे तुम्ही कोणत्या आधारावर बोलता? (रात्रीच्या वेळी झाडाला उलटे लटकणारे) पुण्याचे वटवाघूळ
↩ प्रतिसाद: किचेन

किचेन
Sat, 12/10/2011 - 12:49 नवीन
ह्यावारच्या माझ्या प्रतिक्रिया मी इथे टंकू शकत नाही.कारण जनमानसात (माझ्याही मनात) इंदिरा गांधीबद्दल प्रचंड आदर आहे.त्यांच्याविषयीच्या अनेक चांगल्या वाईट गोष्टींची चर्चा होत असते.पण आता जर त्यांच्याबद्दल मी माझ मत नोंदवल तर सं.मं नक्कीच आक्षेप घेईल.सो माझ्याकडून पूर्णविराम.
↩ प्रतिसाद: पुण्याचे वटवाघूळ

आनंदी गोपाळ
गुरुवार, 12/08/2011 - 22:54 नवीन
आणखी एक गोष्ट सतावते.लहानपणी विदेशी मालाची होळी करताना जी मुलगी आपली विदेशी बाहुली जाळून टाकते ती मोठी झाल्यावर विदेशी सून कशी काय स्वीकारते?
ती जेव्हा ते स्वीकारते, तेव्हा ती जगातली पहिली महिला पंतप्रधान असते. एका शत्रू राष्ट्राचे २ तुकडे करू शकणारी रणनीतीज्ञ असते.. पोखरण करणारीही... अजूनही अनेक काही असते. तीच ती इंदीरा 'गांधी' असते जी राकेश शर्माला विचारते, 'कैसे नजर आ रहा है वहांसे हमारा हिंदोस्ताँ?' अन उत्तर येतं, 'सारे जहाँसे अच्छा!' किचेन ताई, उचलली जीभ लावली टाळ्याला हे करण्या आधी, सार्वजनिक जीवनातून व्यक्तिगत जीवन बाजूस काढायला शिका हे विनंती. अन इतक्या मोठ्या कर्तृत्वाबद्दल तर नक्कीच शिका. कमीतकमी माहिती घ्या की यांनी अमुक का केलं? फक्त जालावरच्या विखाराला वाचू नका.
↩ प्रतिसाद: किचेन

चिंतामणी
गुरुवार, 12/08/2011 - 23:14 नवीन
तुमच्या तपशीलात दुरूस्ती सुचवतो. सिरीमावो बंदारनायके या जगातील प्रथम महीला पंतप्रधान होत. Sirimavo Bandaranaike (1916-2000) Prime minister of Sri Lanka three times: from 21 Jul 1960 to 27 Mar 1965, from 29 May 1970 to 23 Jul 1977 and from 14 Nov 1994 to 10 Aug 2000. She was the first woman to head of government in world history and probably the oldest female political leader in active by the time of her demise in 2000. Indira Gandhi (1917-1984) Prime minister of India twice, from 19 Jan 1966 to 24 Mar 1977 and from 14 Jan 1980 to 31 Oct 1984, बाकी चर्चा चालू द्या.
↩ प्रतिसाद: आनंदी गोपाळ

गणपा
Tue, 12/06/2011 - 16:46 नवीन
तुम्ही उपहासाने लिहिलय माहीत आहे. पण इथे काही अजाण बालके आहेत जी तुमच्या या वक्तव्याचा आधार घेत ही चर्चा भरकटत नेतील. तेव्हा लिख्ते वक्त सावधानी बरतो. :)
↩ प्रतिसाद: मृत्युन्जय

चिंतामणी
Tue, 12/06/2011 - 16:45 नवीन
Trends: India trends Kapil Sibal #IdiotKapilSibal हे वाचा. हे दोन्ही टॉपला आहेत.

सोत्रि
Tue, 12/06/2011 - 17:17 नवीन
सरदार हरमिंदरला गुप्त खलिता पाठवण्यात आला आहे. 'कपिल सिब्बल वर शारिरीक हल्ला' अशी बातमी लवकरच येइल अशी आशा आहे. - (स्वतंत्र भारतात स्वातंत्र्य उपभोगणारा) सोकाजी
↩ प्रतिसाद: परिकथेतील राजकुमार

प्यारे१
Tue, 12/06/2011 - 16:56 नवीन
कमरेखाली वार चुकीचाच. कुणावरही केलेला. त्याला आळा घातला गेलाच पाहिजे. मो. पैगंबर बद्दल काहीही आक्षेपार्ह लिहीणं चुकीचंच आहे. तसेच व्यक्तींवर देखील. पण...... पण सामान्य जनता या तथाकथित चिखलफेकी/टीकेव्यतिरिक्त 'आपण काही करु शकत नाही' अशा भावनेने अशा स्वरुपाची टीका/चिखलफेक करत आहे हे राज्य कर्त्यांनी लक्षात घेणं आवश्यक आहे. मुळात अशा गोष्टी जास्तीत जास्त प्रमाणात सत्ताधार्‍यांबाबत'च' का दिसून येत आहेत याचं उत्तर वाढता भ्रष्टाचार, महागाई या आणि अशा तसेच एकंदर राजकारणी नालायक या प्रचारातून (फक्त राजकारणी नालायक याबद्दलच्या प्रचारातून-भ्रष्टाचार, महागाई आहेच) येत आहे. एखादं बॉक्सिंग किट असतं अथवा हिट मी ची बाहुली असते तसं समाजामध्ये या सोशल साईटचं स्थान असल्यासारखं वाटतंय. राग व्यक्त करण्याचं साधन अथवा माध्यम. बस्स्स्स. राग खरा कशावर आहे? हे सरकार मध्ये काम करणार्‍या लोकांनीसमजून घेतलं पाहिजे आणि त्याचा निपटारा केला पाहिजे. मी तर म्हणतो अशी 'किट्स' आहेत म्हणून आपल्याकडं क्रांती बिंती काही होत नाही. @ कपिल सिब्बलः अशा साईट्सवर वर बंदी घालून्/स्क्रीनिंगची भूमिका घेऊन उगाच प्रेशर कूकरची वाफ दडपू नये. स्फोट होऊन मुळापासून उलथून पडण्यापेक्षा आम्ही नालायक लोक अशा साईटस वर जी **उपटगिरी करतोय ती तशीच सुरु राहू द्या. तुम्ही व्यवस्थित म्हणण्यापेक्षा तुमच्या मर्जीनं सरकार चालवू शकाल. ;)

सोत्रि
Tue, 12/06/2011 - 17:07 नवीन
सहमत! - ('हिट-मी' ची बाहुली कुठेशी मिळेल ते शोधणारा) सोकाजी
↩ प्रतिसाद: प्यारे१

मराठी_माणूस
Tue, 12/06/2011 - 17:05 नवीन
मगाशी विविध वाहीन्यांवर मा. कपील सिब्बल (मा. चा योग्य अर्थ घेणे) यांचे आकांडतांडव चालु होते. "योग्य अर्थ घेणे" हे खुप आवडले . केंद्र सरकारनं इंटरनेट कंपन्या आणि सोशल नेटवर्किंग वेबसाईटसवर 'सेन्सॉरशीप' आणायचं ठरवलंय. इंटरनेट कंपन्या आणि सोशल नेटवर्किंग वेबसाईटस ह्या केंद्राच्या अखत्यारीत येतात का ?