वीर शिवाजी - कलर्स

संभाजी ब्रिगेडला काँटेक्ट करा.... पण त्यापुर्वी हि मालिका कोण्या विशिष्ट जातिच्या लोकांनी तयार केली नाहि आणि मालिकेचा भांडारकर इंस्टिट्युटशी संबंध नाहि हे बघुन घ्या.

अर्धवटराव

ह्या मालिकेत अत्यंत अतर्क्य आणि विनोदी प्रसंग दाखवले आहेत. इथेच लिहितो सविस्तर थोड्या वेळाने.

कलर्स या चॅनेलचे वैशिष्ठ्य आहे की कोणतीही मालिका सास बहू स्टाईलमधे नेऊन दाखवू शकतात.
इमॅजिनवरची चंद्रगुप्त त्याच लाईनवर चाललेली आहे. त्यात धनानंदासारखा सम्राट एखाद्या मनोरुग्णासारखा दाखविला आहे. ;)

>>अशा मालिकांना मान्यता कशी काय मिळू शकते ?

फिक्शन कंटेंट म्हणून मान्यता मिळण्यास काहीही हरक्त नसावी.

>>आपल्या सर्वांना मिळून काही करता येईल काय ?
हो. दोन उपाय आहेत. एक म्हणजे टिपिकल "अश्या लोकांना अनुल्लेखाने मारलेले बरे" असे म्हणत हातावर हात ठेवून बसणे आणि दुसरा म्हणजे इथे तक्रार नोंदवणे.

ह्म्म... असे असेल तर हे लगेच थांबायला हवे ! लहान मुलांच्या मनावर गोष्टी पटकन बिंबवल्या जातात ! त्यामुळे चुकीच्या गोष्टी लक्षात राहण्याची शक्यता आहे !
तसेही हिंदुस्थानात सध्या विविध चॅनॅलसे पेव फुटले आहे,आणि येणार्‍या काळात त्यात भरच पडेल...
हल्लीच एका वाहिनीवर (बहुतेक बिग बॉस प्राईम) The Jerry Springer Show लागतो ! त्यात बायकांच्या मारामार्‍या,लफडी,अनैतिक संबंध या गोष्टी अगदी चवीने चघळुन सांगितल्या जातात ! अमेरिकन जग किती घाणेरड्या पातळीवर आहे हे त्या मालिकेतुन लगेच कळले, मी मुद्दामुन त्याचे २-४ भाग पाहिले आणि त्यातल्या बिभित्स प्रकाराने थक्क झालो ! असे कार्यक्रम हिंदुस्थानात नक्की काय मनोरंजन देत आहेत हा गहन प्रश्न मनात आला !
विकृत आणि विकॄती...यक्क्क ! असे चॅनेल्स आणि कार्यक्रम यावर लगेच बंदी आणली पाहिजे.

ह्या सगळ्यामागे संघाचा हात आहे, किंवा मग हा सगळा बामणी कावा आहे.

बाकी ह्या मालिकेत रामदास, दादोजी कोंडदेव, जिवा महाला, वाघ्या कुत्रा असल्या गोष्टी दाखवत असतील तर आम्हाला लगेच कळवा. मग बघतो एकेकाला !

अगदी सहमत! अनेक प्रसंग असे आहेत कि जे आपण कधीच ऐकलेले नाहीत.जिजाऊ ह्या खंबीर वाटत नाहीत.
अगदी असेच झाशी कि राणी ह्या मध्येही झाल होत.तिथेहि काही काळ झाशीची राणी आज कोणते दागिने घालू,सासूची कट कारस्थान, त्याला तोडीस तोड टोमणे ,प्रतिउत्तर देण्यात बिझी दाखवली होती.

आपल्या सर्वांना मिळून काही करता येईल काय

सहसा असल्या कामांमध्ये राजकिय पक्षांना जाम इंटरेस्ट असतो. तेव्हा संभाजी ब्रिगेडला वगैरे हे सांगून पहावे. दरम्यान ह्या मालिका बनवणार्‍यांची जात वगैरे पाहून काही निष्कर्ष काढता येतील का हेही पाहता येईल.

त्यावरूनचं अनुमानः
१. गेल्या कित्येक दिवसांपासून ती दासी 'रंभा' डोळे मोठे करून, मान वेळावून टिपिकल मालिका स्टाईलने शिवरायांना जीवे मारायचा प्रयत्न करतेय. आणि प्रत्येक जीवावरच्या प्रसंगातून ते लीलया बाहेर पडताहेत.
२. अजून दादोजींना दाखवलं नाहीय.
३. बहुतेक जिजाऊ खाष्ट साबा नाहीयत.कुटुंबात आणखी कोणीतरी पांढरी साडी घालणारी म्हातारी आहे, जी सतत सुनेवर आणि नातसुनांवर करवादत असते.

असो.. जे काही दाखवलं जात आहे, तो नक्कीच आपला इतिहास नाही हे मात्र खरं

ही मालिका केकताबाईंचीच आहे का?
नाही, टिपिकल माजघरी कावे आणि हावभाव वगैरे दिसतंय म्हणून म्हणलं.

हल्ली संभाजी ब्रिगेडची वाचा बसलीए असं दिसतंय्य. किंवा येत्या निवडणूकांच्या तयारीसाठी इतर कामात गुंतवलेलं दिसतंय बोलावत्या धन्यांनी. नाहीतर धिंगाणा घालायचा एव्हढा 'गोल्डनचान्स' कसा काय बुवा नजरेआड झाला?

अन्या दातारानं दिलेली लिंक उत्तम आहे. त्यावर काही काम केले जाईल अथवा नाही ते ठाऊक नाही, पण जास्तीत जास्त लोकांनी जर अशा तक्रारी नोंदवल्या तर निदान काहीतरी हालचाल करणं त्यांना भाग पडेल. (अमुलाग्र बदल होईल वगैरे वेडा आशावाद मुळीच नाही. पण निदान काहीतरी...)

मला वाटतं सुरुवात म्हणून शक्य तितक्या जास्तीत जास्त लोकांनी हा धागा आपल्या मित्रमंडळींपर्यंत पोहोचवावा, ज्यायोगे आयबीएफ ची लिंकही सगळ्यांपर्यत पोहोचेल्.आणि सर्वांना आवाहन केलं जावं, की तिथे तक्रारींचा पाऊस पडला जावा.

एकदा टिव्हीवर मॅच बघत असताना एक सरदार मित्र येउन "अबे मॅच क्या देख रहा है? रोडीज् लगा भेंचोत, मस्त गाली-गलोच होता है!" असं म्हणाला होता! :)

आता टिव्हीवरच्या मालिका बघून इतिहास शिकण्याचे दिवस इतिहासजमा झालेले आहेत. पूर्वी चाणक्य, भारत एक खोज मध्ये होते तसे. त्यामुळे मालिका अशा आहेत म्हणून इतिहासातही असेच झाले असे समजणारे आता कोणी नसावेत. मागे झाशीची राणी मालिकेत ही असाच प्रकार चालू होता. आता बहुतेक ती मराठी मध्ये डब होउन झी मराठी वर लागते.

मालिका दाखवणारे 'यातील पात्रे आणि प्रसंग इतिहासातील असले तरी सगळे तसेच नाही' अशा अर्थाची पाटी दाखवून आपले हात मोकळे करून घेतात त्यामुळे तक्रारीचा उपयोग किती होईल कोणास ठाउक.
हा पण भावना दुखावल्या म्हणून काहीतरी करायचे असेल तर गोष्ट वेगळी. मग ब्रिगेड आहेच.

- ओंकार.

या मालिकेनं एक गोष्ट सिद्ध केली की फक्त राजकारणीच (स्वार्थासाठी) इतिहास बदलतात असे नाही तर मनोरंजनवालेही बदलू शकतात (तुम्ही बदलता तर आम्ही का नाही?). तसाही इतिहास बदलायला काढलेलाच आहे त्यामुळे थोडाफार हात त्यांनी धूवून घेतला तर ब्रिगेडला काही वाटायला नको. त्याप्रमाणे त्यांनी मौन राखले आहे त्याचे कौतुक करायचे तर ते राहिलं बाजूला.......
हीच मालिका आपण सुरु केली असती तर शिवाजीऐवजी महाराज हा शब्द वापरावा लागला असता. त्याबद्दल अजून दंगाधोपा कसा झाला नाही याचेच आश्चर्य वाटत आहे.