काकाच्या सासर्‍याला आजोबा म्हणावे का?

http://maharashtratimes.indiatimes.com/articleshow/10831210.cms सध्या महाराष्ट्राच्या दोन राजघराण्याच्या पुतण्यांमधे शाळकरी पोरांना शोभेशी भांडणे चालू आहेत. अदापः ह्यांना शेतीतले काय कळते? कधी नांगर तरी पाहिलाय का? राठा: ह्यांना क्रिकेटमधले काय कळते? ह्यांचे बापजादे क्रिकेट खेळायचे का? अदापः होयच मुळी! माझे आजोबा भारताच्या टीममधे होते? राठा: साहेबांचे सासरे तुमचे आजोबा कसे? उद्या तुम्ही दारासिंगला आजोबा म्हणाल. अदापांचे उत्तर वाचायला उद्याचा मटा नक्की वाचा. जनतेचे कल्याण व्हावे ह्या उदात्त विचारानेच हे कलगीतुरे झडत आहेत ह्याविषयी मला शंका नाही. पण ह्या निमित्ताने एक नवा काथ्या कुटू या की काकाच्या सासर्‍याला काय म्हणावे ? आजोबा, मामा, काका की अजून काही? मीही माझ्या तमाम काकांच्या सासर्‍यांची चौकशी सुरू करतो!