बीटाचे सुप

साहित्यः १ मध्यम आकारचे बीट साल काढून १ मध्यम आकाराचा टोमॅटो १ छोटा बटाटा साल काढून कोथींबीरीच्या कोवळ्या काड्या (तुम्ही सेलरी ही वापरु शकता) १ छोटा कांदा बारीक चिरून ३-४ लवंगा २-३ दालचिनीचे तुकडे २-३ तमालपत्र १ टीस्पून काळीमिरीपूड मीठ चवीनुसार थोडीशी चिरलेली कोथींबीर २ टीस्पून तुप पा़कृ: बीट, टोमॅटो, बटाटा व कोथींबीरीच्या काड्या उकडून घेणे. गार झाल्यावर त्याची मिक्सरमधून प्युरे करून घेणे. एका भांड्यात तुप गरम करुन त्यात लवंगा, दालचिनी व तमालपत्र घालणे.मग त्यात चिरलेला कांदा घालून परतणे. कांदा मऊसर शिजला की त्यात बीटची प्युरे घालणे. लागेल तसे पाणी घालणे. उकळी आली की त्यात चवीनुसार मीठ व काळीमिरीपूड घालणे. थोडेशी कोथींबीर ही शिजताना घालणे म्ह्णजे स्वाद छान येतो. कोथींबीर घालून गरमा-गरम बीट सुप ब्रेड स्टीक बरोबर सर्व्ह करणे. नोटः आवडत असल्यास वरुन थोडे फ्रेश क्रिम घालणे. उकळी आल्यावर त्यातील लवंगा, दालचिनी व तमालपत्र काढून ही सुप सर्व्ह करु शकता.