साहित्यः ५-६ पापलेट १ वाटी ओले खोबरे १ मोठया लसूण कांद्याया पाकळ्या ४-५ हिरव्या मिरच्या १ मुठ कोथिंबीर अर्धा इंच आले हळद मिठ रवा तेल पाककृती: १) ओले खोबरे, आले-लसुण, मिरची, कोथिंबीर ह्यांचे वाटण कमी पाणी टाकून करून घ्या. म्हणजे घट्ट झाले पाहीजे. जर पातळ झाले तर पापलेटच्या पोटातून बाहेर येईल. २) पापलेटांना त्यांच्या पोटाच्या कडे पासून बरोबर मध्यभागी धारदार सुरीने फोटोत दाखवल्या प्रमाणे चिर पाडा. आणि पोटातील घाण काढून ती साफ करून धुवून घ्या. धुतल्यावर त्याला चिरेत व बाहेरून मिठ व लिंबूरस लावुन घ्या. ३) आता ह्या पोटाच्या चिरेत वरील वाटण दाबून भरा. ४) एका ताटात थोडा रवा घेउन त्यात पापलेट हलक्या हाताने उलथे पालथे करा. ५) पॅन मध्ये तेल चांगले गरम करून त्यात पापलेट तळण्यासाठी सोडा. गॅस मिडीयम ठेवा. ६) ५-६ मिनीटे एक बाजू चांगली खरपूस भाजून झाली की पलटी करून दूसरी बाजू शिजत ठेवा. ती पण ५-७ मिनीटे चांगली खरपूस तळू द्या. पण गॅस मोठा ठेऊ नका नाहीतर करपेल पापलेट ७) हे आहे गरमागरम, खरपूस भरल पापलेट अधिक टिपा: (ही पाककृती मनोगत इ दिवाळी अंक २०११ मध्ये प्रकाशीत झाली आहे.) वाटणात पुदीनाही टाकू शकता. वाटण घट्टच करा नाहीतर पापलेट बाहेर ओघळेल.