Skip to main content

मांगल्याचे औक्षण करूनी..

लेखक प्राजु यांनी मंगळवार, 25/10/2011 22:46 या दिवशी प्रकाशित केले.
मेंदी भरले पाऊल घेऊन पहाट अवतरली.. अलगद नाजूक, धरतीवरती चाहूल थरथरली.. जागी झाली सृष्टी सारी ऐकून भूपाळी निळेजांभळे क्षितिज तेव्हा झाले सोनसळी क्षितिजावरती डोकावुनीया हळूच तो हसला आळसावल्या चराचराला सूरही गवसला लगबग झाली दहादिशांतुन तया पाहण्याला ओलेत्याने सज्ज जाहल्या जणू स्वागताला धरतीवरती शिंपण झाले सडा रांगोळ्यांचे मनी मानसी दीप उजळले नविन आशांचे काळोखाची संपून जाईल मुजोर बळजोरी आकांक्षांची किरणे येतील हसून सामोरी नविन आशा आकांक्षांनी भरु दे ही झोळी मांगल्याचे औक्षण करूनी हसेल दिवाळी.. - प्राजु
काव्यरस
शृंगार
लेखनविषय:
वाचने 3157
प्रतिक्रिया 11

प्रतिक्रिया

जाई. मंगळवार, 25/10/2011 22:49
मस्त प्राजुतै दिवाळीला सुंदर काव्याचा फराळ दिलास

प्रचेतस मंगळवार, 25/10/2011 22:53
सुंदर, मंगलमयी कविता. दिपावलीच्या हार्दिक शुभेच्छा.

पैसा बुधवार, 26/10/2011 00:01
तुला पण दिवाळी शुभेच्छा!

चित्रा बुधवार, 26/10/2011 00:56
दिवाळीच्या प्रसन्न पहाटेचे वर्णन आवडले.

दत्ता काळे शुक्रवार, 28/10/2011 15:45
कविता आवडली.