Skip to main content

निधर्मी देशात ..!!

लेखक प्रकाश१११ यांनी सोमवार, 17/10/2011 11:08 या दिवशी प्रकाशित केले.

ह्या निधर्मी देशात धर्माचे अड्डे खूप आहेत
शंभर कोटीच्या देशात देवळे भरपूर
नि देवपण महामूर आहेत
महाराज अगणित
प्रत्येकाचे तंबू मस्त आहेत
भक्त खेचण्यास जो तो आपला आपला तरबेज आहे

महाराज होण्यास शिक्षण नको
फक्त तरबेज अशी जीभ हवी
नजरेत लगामाची ताकद
नागासारखी तेज हवी

जाती भरपूर
नि जातीत सुद्धा पोटजाती
सगळेच गणित अवघड आहे
सुटता सुटत नाही असे हे सगळे अवघड आहे
ह्या निधर्मी देशात धर्माचे अड्डे खूप आहेत

देव धर्म कर्मकांड येथे खूप आहे
जो तो दलालाला दक्षिणा देऊन
देवाला पटवतो आहे
देव बिचारा गप्प
आपलाच आपल्यात मग्न आहे
ह्या निधर्मी देशात धर्माचे अड्डे खूप आहेत

एवढे धार्मिक असून सुद्धा
येथे गरिबी श्रीमंत आहे
हा गरीबांचा देश आहे
पुण्य पुण्य करता करता
नुसते पाप साचत आहे
ह्या निधर्मी देशात धर्माचे अड्डे खूप आहेत

लेखनविषय:
वाचने 1631
प्रतिक्रिया 8

प्रतिक्रिया

पाषाणभेद मंगळवार, 18/10/2011 08:34

निषेध.

आपण देश निधर्मी म्हणवता अन कवितेत फक्त देवळांचा उल्लेख?

अजूनही कवितेत मशीद, चर्च आदिंचा उल्लेख आलाच पाहिजे!

:-)

परिकथेतील राजकुमार मंगळवार, 18/10/2011 13:53

प्रकाशराव,

दारूबंदीच्या राज्यात
गल्लीबोळीत दारूचे दुकाने आहेत
कोठेही घुसा
अस्सल देशी बार
सगळे सरकार मान्य आहेत
ह्या निधर्मी देशात धर्माचे अड्डे खूप आहेत

निधर्मी देश आणि दारूबंदी / दारू ह्यांचा काय संबंध कळेना बॉ ! तुम्हाला ह्या कडव्यातून नक्की काय अभिप्रेत आहे ? **

**कवितेतील हा मजकूर न समजल्याने सदर कवितेच्या लेखकांना नम्रपणे प्रश्न विचारला आहे. तरी हा सन्माननीय लेखकांच्या पाठी लागण्याचा प्रयत्न आहे असा गैरसमज कृपया संपादक मंडळातील काही विद्वजनांनी करुन घेउ नये अशी विनंती.

प्रकाश१११ मंगळवार, 18/10/2011 19:34

परीकथेतील राजकुमारा -धन्यवाद .आपण लिहिले नि मलापण जाणवले.
कडवे काढून टाकले आहे. कविता आपण मन लावून वाचली नि सूचना केली.धन्यवाद ..!!