Skip to main content

चिमणं गोष्टी

लेखक स्वाती फडणीस यांनी शुक्रवार, 11/07/2008 11:53 या दिवशी प्रकाशित केले.

चिमणं गोष्टी
.

चिमणे चिमणे रडू नको!
आईचा पदर ओढू नको!
सोपवते तुज बाईंच्या हाती,
शाळेला कधी टाळू नको!!!

चिमणे चिमणे झालीस मोठी,
पंख पसरून उडण्या साठी..
भरारी घेताना भिऊ नको!
उंच उंच जाण सोडू नको!!!

चिमणे चिमणे रडू नको!
सुटले घरटे समजू नको!
संसारी केली तुझी पाठवणी,
कमी स्वत:स लेखू नको!!!

चिमणे चिमणे झालीस मोठी!
टिपशील दाणे बाळा साठी!
शेवटची गं ही बाळे पाठवणी,
आता चिमणू राहू नको!!!

चिमणे चिमणे झालीस मोठी,
चिमणं गोष्टी विसरू नको!
चिमणे चिमणे रडू नको,
चिव-चिव करण सोडू नको!!!

=============================
स्वाती फडणीस........ २००-०६-२००८

लेखनविषय:
लेखनप्रकार
वाचने 4801
प्रतिक्रिया 14

प्रतिक्रिया

मनस्वी शुक्रवार, 11/07/2008 12:56

मस्त लिहिलंय स्वातीताई.

मनस्वी
"मृगजळाला पाहुन तुम्ही फसला नाहीत तर स्वतःच्या बुद्धीची तारिफ करु नका. हे मान्य करा की तुम्हाला तहान लागली नव्हती."

विसोबा खेचर शुक्रवार, 11/07/2008 16:13

चिमणे चिमणे झालीस मोठी,
पंख पसरून उडण्या साठी..
भरारी घेताना भिऊ नको!
उंच उंच जाण सोडू नको!!!

वा! या ओळी अतिशय सुरेख....!

तात्या.

प्राजु शनिवार, 12/07/2008 02:43

मला माझ्या आईची आठवण झाली. याच अर्थाची कविता तीने माझ्या लग्नाच्या वेळी लिहिली होती.. आवडली कविता.
- (सर्वव्यापी)प्राजु
https://praaju.blogspot.com/