सांग किती झेलू तूझा हा गोड गुन्हा

माझ्या पुढे बसूनी, थोडं गाली हसूनी काय करतेस ग तू खाणाखूणा सांग किती झेलू तूझा हा गोड गुन्हा ||धृ|| समोरासमोर आहेत आपली दोघांची घरे बाल्कनीत उभे राहणे इतरांना दिसते सारे हातवारे नको करू, नजरेने नको काही बोलू शंका येईल तूझ्या बॉडीबिल्डर मोठ्या भावाला ||१|| काल क्लासला का ग नाही आलीस? लेक्चर इन्फरमेटीव्ह मीस केलेस आयएमपी क्वेश्शन मार्क मी केले ते; नोटबूक घेण्याचा करते तू बहाणा सांग किती झेलू तूझा हा गोड गुन्हा ||२|| कितीतरी वेळा झालं हे तूला सांगून बरे दिसत नाही चारचौघात असलं वागणं नको बोलू गर्दीत, जावू एका बागेत थोडी तरी कळ काढ, बोलतो मी पुन्हा पुन्हा ||३|| - पाषाणभेद (दगडफोड्या) ०५/०९/२०११