Skip to main content

मासे ३२) पापलेट

लेखक जागु
Published on मंगळवार, 30/08/2011
साहित्यः पापलेट हळद मसाला मिठ आल-लसुण्-मिरची-कोथिंबीर वाटण (ऑप्शनल) तळण्यासाठी तेल पाककृती: ताजे पापलेट ओळखण्यासाठी ते कडक आहेत का बघा. तसेच त्यांच्यावर सुरकुत्या पडलेल्या नसल्या पाहीजेत. पापलेट जर अगदीच मोठे असतील तर त्याच्या तुकड्या करुन घ्या. मिडीयम असतील आणि कमी जणांसाठी हवे असतील तर पापलेटचे शेपुट, बाजूची परे कापा. डोके आणि पोटाच्या मध्ये चिर देउन पोटातील घाण काढुन टाका आता त्या पापलेटच्या पोटांना वरुन चिरा द्या खालील प्रमाणे. हे चिरा पाडलेले पापलेट स्वच्छ धुवुन घ्या. बघा कशी मस्त चकचकीत गोरी गोरी दिसतायत. आता पापलेटांना वाटण, हळद, मसाला, मिठ लावुन जर धिर असेल तर थोडावेळ मुरवा. आता तवा गॅसवर ठेवा आणि चांगला तापू द्या. जर तवा चांगला तापला नसेल तर तुकड्या चिकटतात. तापलेल्या तव्यावर तेल सोडा ते कालथ्याने पसरवा आणि त्यावर पापलेट शॅलोफ्राय करण्यासाठी सोडा. २-३ मिनीटांनी पलटा ती बाजु शिजली की परत पलटा आणि पहीली बाजू शिजवुन परत दुसर्‍या बाजूला पलटून गॅस बंद करा. समजला का अलटी पलटी गेम ? जर कठिण वाटत असेल तर पाच मिनीटे एक बाजु शिजवुन पलटी करुन दुसरी बाजु पाच मिनीटे शिजवा आणि गॅस बंद करा. शिजवता गॅस मध्यम आचेवर किंवा त्यापेक्षा कमी ठेवा. झाले तयार पापलेट. वास सुटलाय बघा.
वाचन संख्या 20627
प्रतिक्रिया 52

प्रतिक्रिया

स्पंदना मंगळवार, 30/08/2011
ए जागु ए ! का रडवते ग! गणपती झाल्या शिवाय एकतर काही खाय्च नाही आणि वर इथ मला अजुन तरी पाप्लेट दिसला नाही. असु दे बाई खा! निदान तुला मिळतय अन खाताना आमची आठवण येते हेच खुप नाही का?

सुनील मंगळवार, 30/08/2011
मस्त! पापलेट विकत घेताना त्याच्या खवल्यांतून दाबल्यावर पांढरे पाणी येते का नाही ते पाहिले जाते.

गवि मंगळवार, 30/08/2011
हे नवीन आहे. अर्थात तेवढी जाणकारी नसल्याने माहीत नव्हते साहजिकच. पांढरे पाणी यावे की न यावे. . काय चांगले? त्याने काय समजते ? (ताजा / शिळा /सुका/ रसदार इ)

मदनबाण सोमवार, 05/09/2011
मस्त गो जागु तै. :) पापलेट विकत घेताना त्याच्या खवल्यांतून दाबल्यावर पांढरे पाणी येते का नाही ते पाहिले जाते. बरोब्बर...;) ही लाईन वाचल्यावर मला खालचा सीन आठवला... http://www.youtube.com/watch?v=dC2pdJzHwdU (पूर्ण सीन नाय गावला मला, आणि हल्ली embeded कोड देउन सुद्धा मला व्हिडीयो इथे डकवता येत नाहीये ! कारण काय असेल बरं ?) जाता जाता :--- आम्ही पोर कट्ट्यावर बसलेलो असताना एखादी टच्च पोरगी जाताना दिसली की म्हणायचो, च्यामारी हल्ली पापलेट लयं फडफडायला लागलं आहे. ;) (शुद्ध शाकाहारी) ;)

गवि मंगळवार, 30/08/2011
आहा.. आहा.. क्या बात आहे. सुरमईखालोखाल किंवा तितकाच जबरदस्त आवडता मासा.. आंब्यात हापूस असावा तसा. इतक्या मुख्य माशाची कृती तेहतिसाव्या नंबरवर का यावी बरे? पापलेटराजाचा नंबर मांदेलीबिंदेलीनंतर? :) तुझी पाकृ झक्कास.. नेहमीप्रमाणे. मी स्वतः हा पदार्थ करु शकतो म्हणून तो जास्त आवडता आहे. साधा सोपा सरळ. मात्र मी डोळे डोके असा पूर्ण पापलेट न फ्राय करता त्याचे काप करुन शॅलो फ्राय करतो. यात बेडेकर लोणच्याचा मसाला लावून परतूनही मस्त लागते. आधी मसाला लावून फ्रीजमधे ठेवायचे.

गवि मंगळवार, 30/08/2011
नाही. ट्राय करुन बघ. तेलात मसाला मिसळून घेतला की त्यात तुकडे बुडवायचे आणि फ्रीजमधे अर्धातास ठेवून मग बाहेर काढून परतायचे. मसाल्याचं प्रमाण अगदी लडबडेल इतकं जास्त असू नये अर्थात. नाहीतर मग तिखट होईल. आवडत असेल तर रवा/मैदा वगैरेत घोळवून मग परतले तरी छान लागतात.

गवि मंगळवार, 30/08/2011
म्हणूनच "आवडत असेल तर" असं मुद्दाम म्हटलं. माझ्याही मते रवा वगैरेचे थर चढवले की नुसतं कटलेट / भजं तयार होतं. मूळ खमंगपणा आणि स्वाद जातो.

साती बुधवार, 31/08/2011
माझ्याही मते रवा वगैरेचे थर चढवले की नुसतं कटलेट / भजं तयार होतं. मूळ खमंगपणा आणि स्वाद जातो. ह्या अशा प्रकारांनी केलेले मासे रँपवर चालणार्‍या मॉडेलप्रमाणे सब घोडे बारा टक्के लागतात. जागूताई तू दिलेल्या रेसीपीने खरी चव कळते माशांची. गवि,रत्नागिरीला आलात की नाही बर्‍याच दिवसांत,मी मस्त मासे हादडून आले मागच्या आठवड्यात.

गवि बुधवार, 31/08/2011
मे महिन्यात आलो होतो मोठा कोकणदौरा काढून. कारवार गोवा मार्गे कोकणातला समुद्री रस्ता घेऊन ड्राईव्ह करत आलो. रत्नागिरीसाठी एक दिवस ठेवला होता पण वेळेचा अंदाज चुकून रत्नागिरीत पोचेस्तोवर रात्रच झाली. त्यातही पावसच्या साईडने आलो असल्याने वाटेत गणेशगुळ्याचा मोह टाळता आला नाही. त्यामुळे रात्रीचे दहा वाजले. मग अतिशय थकल्याने भाट्याच्या सुरुबागेत कसलासा रिसॉर्ट झाला आहे तिथे वळकटी टाकली आणि दुसर्‍या दिवशी सकाळी मुंबई गाठण्याच्या प्रेशरने लवकर निघालो. तिथे रिसॉर्टमधे अत्यंत बेचव अन्न होते हे सांगणे न लगे. :) भाट्याच्या किनार्‍यावर मैलोगणती मनुष्याचे नख दिसत नाही अशा सुनसान अवस्थेत सायकलींवरुन लहानपणी फिरलेले आठवले आणि आता रिसॉर्ट्स आणि बीचवर सकाळीही असलेली गर्दी बघून वेगळ्या जगात आल्याचा भास झाला. असो. लांबड लागली. रत्नागिरीचं नाव घेतलंस म्हणून असं झालं. केळकर कविता इथे कधी येणार सर्वांसाठी? मागणी पेंडिंग आहे अजून.

नि३सोलपुरकर मंगळवार, 30/08/2011
वाह !!! जागु ताई एकदम बेस्ट, सरळ सोपी आणी खमंग रेसीपी.

Mrunalini मंगळवार, 30/08/2011
आई गं... खरच मेले मी ते पापलेट बघुन.... प्रचंड आवडतात पापलेट. इथे तर काय मिळत नाही. खुप miss करतो पापलेट. :(

गवि मंगळवार, 30/08/2011
जगात कुठेशी पापलेट मिळत नाही बुवा. हिंदी, पॅसिफिक आणि अटलांटिक अशा तिन्ही महासागरांत मुबलक मिळणारा पापलेट हा मासा कोण्या देशात मिळत नाही?

Mrunalini मंगळवार, 30/08/2011
मी Slovakia मधे आहे. इथे फ्रेश फिश मधे फक्त Macarel मिळतो. बाकी सगळे frozen. त्यामुळे पापलेट तर खुप दुरची गोष्ट झाली. इथे नाही मिळत.

सहज बुधवार, 31/08/2011
ब्राटिस्लावा मधे आहात का? असल्यास हा दुवा पहा . वरुन दुसरी डीश आहे. Braised pomfret fish in soy sauce त्या रेस्तॉरंटकडे चौकशी करा की ते कोठून आणतात पापलेट.

सानिकास्वप्निल मंगळवार, 30/08/2011
पापलेट सगळ्यात आवडता मासा...तोंपासू लवकरचं आणून बनवावा लागेल ;)

इरसाल मंगळवार, 30/08/2011
पापलेट म्हणजे .....बोलण्यासारखे काहीच उरले नाही.आणि जागुताई ने बनवलेले तर अतिशय भारी दिसतायेत. बाकी खालील बाबतीत विचार करा. https://docs.google.com/viewer?a=v&pid=explorer&chrome=true&srcid=0B_8zscO_j4D6NDA2YTJkODctYmMwNC00Y2E1LWFjOWQtMzg4Zjk4ZGZhNDU3&hl=en

इरसाल मंगळवार, 30/08/2011
मी इतकी मेहनत घेवून जे वर बनवले ते सगळे पाण्यात गेले म्हणून बोललो कि " सगला मुसल केरात". ती मेल बघ तुला मग समजेल सगळं.

पल्लवी शुक्रवार, 02/09/2011
जरा आठवडाभर नव्हते तर काँट्रॅक्ट रेडी ! आणि "company will think to bear charges" ??!! पण ठीके..बराबर वसुली की जायेगी. उद्घाटन कधी करायचं म्हणे ?

परिकथेतील राजकुमार मंगळवार, 30/08/2011
हे मत्स्यकन्ये, श्रावण संपला आहे. तरी आता एखादा शाकाहारी पदार्थ दिलास तरी हरकत नाही ;)

जागु मंगळवार, 30/08/2011
राजकुमार मला परीसारखे पंख आलेत आणि पाण्यातो पोहतेय असा भास झाला. श्रावण संपल्यावर आम्ही बोकड कोंबड्यांची सुरवात करतो. तेंव्हा आता त्याच्यासाठी तयार रहा. गणपा पार्टनरशिप मंजुर. सुहास, प्राजू धन्यवाद.

रेवती मंगळवार, 30/08/2011
मी मत्स्याहारी नाही तरी असं वाटतय की पापलेट आणि सुरमई हे मत्स्यप्रेमींचे अशक्त बिंदू असावेत. खरं तर फोटू बघून मलाही ही प्रकार ट्राय करावासा वाटतो आहे.

जाई. मंगळवार, 30/08/2011
मी कुठलेच फोटो बघितले नाहीत फक्त वर्णन वाचले आणि अशाप्रकारे मी सर्व विकारावर जय मिळवून उद्याच्या उपासाची सिध्दता केली आहे.

आशिष सुर्वे मंगळवार, 30/08/2011
जल्ला ह्यो पाप्लेट कालजाक चीरुन गेला बगा.. स्रावनात काय ओ जीवाक घोर लावताय! भरला पापलेट ह्यापरुस येगळा अस्तो काय?

सहज बुधवार, 31/08/2011
मुळ धागा, सुनीलरावांची टीप, गणपाचे अग्रीमेंट, पराची कॉमेंट सगळेच...

संदीप चित्रे बुधवार, 31/08/2011
पापलेटच्या अनेक रेसिपींपैकी भरलं पापलेट म्हणजे .. भरलं पापलेट! आता पुढचा मासा कुठला असेल बरं? :)

पल्लवी शुक्रवार, 02/09/2011
तू डबा पाठवत नैस. मी येते म्हटलं तर पत्ता देत नैस. :( जौंदे..बिज्जनेश चालु झाला की बघुन घीन. पापलेटं भारी न दिसून सांगतायेत कुणाला..तुझ्या हाती कुठलीही डिश भारीच दिसणार ! btw, उद्या उकडीचे मोदक ट्राय करणारे.. आशीर्वाद असावा ! :)

चिंतातुर जंतू सोमवार, 05/09/2011
युरोपमध्ये सोल म्हणून जो मासा मिळतो तो पापलेटाऐवजी वापरता येतो. पापलेटसारखाच जरी लागत नसला तरी आकारानं सपाट, पांढर्‍या रंगाचं नाजुक चवीचं मांस असलेला हा मासा एक पर्याय म्हणून परदेशातल्या मंडळींना विचारात घेता यावा असं वाटतं. विशेषतः कॉमन सोल किंवा डोव्हर सोल हा इंग्रजांच्या देशी कुठेही मिळतो. त्यावर विकीपीडिआत हे म्हटलं आहे: Chefs prize Dover sole for its mild, buttery sweet flavour and versatility and for its ease of filleting. The fish yields fillets that hold together well in a variety of recipes.