अखेर धमाल्याचं 'वाजवा रे वाजवा' वाजलं! :)

तर मंडळी, आज सकाळीच शिवाजीनगर स्टेशण (भें.. शुलेची ऐशीतैशी!) व परिसरात 'मुंबईहून कुणीतरी बडी असामी येणार आहे बॉ!' अशी लोकांची चर्चा चालली होती. कारण डॉक्टर दाढे आणि पेठकर आपापल्या गाड्या घेऊन महामहीम तात्यासाहेब अभ्यंकरांना प्रेमाने उतरवून घ्यायला आले होते. हां, आता आपण आपलं स्वत:ला महामहीम वगैरे म्हणून घ्यायचं, अहो पण कसला आलाय डोंबलाचा महामहीम? या दीडदमडीच्या तात्याला त्या शिवाजीनगगर फलाटावरचं कुत्रंदेखील ओळखत नव्हतं! :) तर ते असो.. ! ठरल्याप्रमाणे पेठकरशेठ, तात्या अन् डॉ प्रसाद दाढे काटा किर्र् मध्ये मिसळ खायला गेले. मिसळ बाकी खरोखरंच फसकिल्लास होती. मिसळीचे पैशे पेठकरशेठने दिल्यामुळे ती अजूनच फसकिल्लास लागली! म्हणतात ना, फुक्कट ते पौष्टिक आणि फुकट तिथे बापट! :) त्यानंतर मला आणि प्रसादला पेठकरशेठ त्यांच्या घरी घेऊन गेले. तिथे पेठकर वहिनींनी फर्मास चाय पाजून आमचं आदारातिथ्य केलं! आमच्या पेठकरवहिनी म्हणजे खरंच अगदी साधी अन् सोज्वळ बाई हो! मी तर नेहमी एक स्वगत म्हणत असतो ते आत्ताही म्हणून घेतो, "आमच्या डांबिस प्रभाकरला एवढी साधी अन् सोज्वळ बायको मिळाली तरी कशी? गेल्या जन्मी गंगेच्या कुठल्या किनार्‍यावर एका पायावर उभं राहून तप केलं होतन देव जाणे!" :) तर ते असो...! पेठकरांकडचं चहापाणी झाल्यावर आमची वरात मग धम्याच्या लग्नाच्या हॉलकडे वळली. मिपावर गेले अनेक दिवस गाजत असलेलं धम्याचं लग्न अखेर थाटामाटात पार पडलं! आम्हा काही मिपाकरांच्या उपस्थितीमुळे त्या लग्नाला विशेष शोभा आली हे वेगळे सांगायला नको! (साला इथेही आमचीच लाल!) ;) त्या लग्नाचा सचित्र वृत्तांत आम्ही येथे देत आहोत. हलकटसुमारांच्या, सॉरी, केशवसुमारांच्या या काथ्याकुटात यात्रीने हायलाईटस् दिलेच आहेत. सबब आता आम्ही येथे थोडसं विवेचन करून चित्रे देत आहोत.... १) धमाल्याला कुणीतरी लग्नाला आणत आहे! बहुतेक मुलीकडचे कुणीतरी असावेत. बळीचा बकरा हार-मुंडासं-मुंडावळ्या बांधून दिसतोय पाहा कसा! :) २) रुखवत! मला त्यातली ती बैलाची जोडी असलेली बैलगाडी फार म्हणजे फारच आवडली बुवा! मस्तच होती...! :) ३) लग्नाला उपस्थित मिपाकर! (चेहेर्‍यावरून कोण सर्वात अधिक हलकट आहे ते ओळखा पाहू! पण जाऊ दे! नकाच चुकीचे अंदाज बांधू! आम्ही सगळे एकाच माळेचे मणी आहोत!) :) डावीकडून - आनंदयात्री (याची हेयरष्टाईल आपल्याला जाम आवडली बॉ!), डॉ दाढे (एक सज्जन दंतवैद्य. आज मला पुण्यात एशी गाडीतनं फिरवल्याबद्दल तर फारच सज्जन अन् भला माणूस! :), फौजदारसाहेब नीलकांत, इनोबा, टकल्या विजूभाऊ, इंटिलिजंट (म्हणजे स्वत:ला तसं समजणारा!) मनीष, मास्तर, मिपावर वाट चुकलेला एक नमोगती चित्तोबा, पेठकरशेठ, हककट अन् बाईलवेडा कोकणी तात्या, आणि भाईकाकांचा सख्या गटणे! ४) आम्हा मिकाकरांसोबत पेठकर वहिनी. प्रभाकर पेठकर मिपावर ज्या छान छान पाकृ टाकतात, त्या वास्तविक त्यांच्या असतात. पेठकर मात्र मधल्यामध्ये भाव खाऊन जातात! :) ५ अ) श्री व सौ पेठकर, कुमार तात्या अभ्यंकर, व सखाराम गटणे - लक्ष्मी-नारायणाच्या जोड्यासमवेत ष्टेजवर! धमाल्या, लेका हा फोटू जपून ठेव हो. अजून काही वर्षांनंतर लोक आश्चर्याने विचारतील, "अरे वा! तुमच्या लग्नाला साक्षात तात्या अभ्यंकर आले होते? तुम्ही कित्ती कित्ती लकी! :) ब) यात डॉ दाढ्यांच्या शेजारी डोमकावळा उभा आहे! छत्रपतीही दिसतोय! :) ६) तेवढ्यात त्या हॉलमधली एक पुणेरी पाटी विजूभाऊंनी टिपली! :) ७) वदनी कवळ घेता, नाम घ्या श्रीहरीचे! आम्रखण्ड, गुलाबजामून, पुर्‍या, टोमॅटो सूप, मटकीची उसळ असा फर्मास बेत होता! ८) मंडळी जेवायला बसली आहेत! :) ९) आणि हा लाष्ट फोटू.. सखाराम गटणे आणि तात्या अभ्यंकर. बराय तर! आपला, (वृत्तांतकार) तात्या अभ्यंकर.