Skip to main content

विदुषक

लेखक अभिजीत राजवाडे यांनी सोमवार, 22/08/2011 08:40 या दिवशी प्रकाशित केले.
बदल होतोय कित्येक दशक होत आहे अनुभवांचे लेणे आता विदुषक होत आहे. कळले हे कि "काळाचा महिमा अगाध", मद्याचा प्यालाही मानाचा चषक होत आहे आंधळ्या राजाची ही आंधळी प्रजा आहे चक्क मुकाही इथे उदघोषक होत आहे तिला हि सवय अन त्याला सवय आहे नजरेने ठार करणे बेलाशक होत आहे नम्र मांजरी माना झुकवत आहे आता घंटा गळ्यात बांधणारा मुषक होत आहे
लेखनविषय:
वाचने 1816
प्रतिक्रिया 7

प्रतिक्रिया

गवि सोमवार, 22/08/2011 10:28
कन्सेप्ट चांगली आहे पण निम्ननिर्दिष्ट ओळींत एकवचन / अनेकवचन चांगलेच गंडले आहे. मद्याचे प्यालेही मानाचे चषक होत आहे आणि घंटा गळ्यात बांधणारे मुषक होत आहे सहज टाळण्याजोगे.

अभिजीत राजवाडे मंगळवार, 23/08/2011 02:34
गवि, सुचनेनुसार बदल करण्याचा प्रयत्न केला आहे. कळावे,

धनंजय मंगळवार, 23/08/2011 03:42
काही कल्पना आवडल्या :
आंधळ्या राजाची ही आंधळी प्रजा आहे चक्क मुकाही इथे उदघोषक होत आहे
इथे एक शंका :
अनुभवांचे लेणे आता विदुषक होत आहे.
येथे "लेणे" म्हणजे अजिंठ्याच्या लेण्यातले लेणे, की सौभाग्याच्या लेण्यातले लेणे? कुठल्याही अर्थाने समजायला कठिण जाते आहे. "विदूषक" म्हणजे ओंगळ-हास्यास्पद म्हणायचे असावे. गंमतशीर विदूषक नसावा असे वाटते.

गणेशा मंगळवार, 23/08/2011 16:03
बदल होतोय कित्येक दशक होत आहे अनुभवांचे लेणे आता विदुषक होत आहे. कळले हे कि "काळाचा महिमा अगाध", मद्याचा प्यालाही मानाचा चषक होत आहे
कविता आवडली..