गेटवे

मित्रहो, मिपाच्या समृध्दतेत भर टाकावी असे माझ्या नेहेमी मनात असते . या विचारातून अनेक नविन लेखकांना मी येथे येण्याचे निमंत्रण देत असतो. ( कविवर्य अरूण म्हात्रे यांचे मिपावरचे आगमन हा त्या प्रयत्नाचा भाग होता.) सुप्रसिध्द चित्रकार श्री. प्रकाश बाळ जोशी (ईगतपुरीचा पाऊस हे चित्र त्यांचेच) यांची लेखक प्रकाश बाळ जोशी अशी ओळख मिपावर व्हावी असे मनात आल्यावर बरेच दिवस श्री.जोशी यांच्यासोबत मी चर्चा करीत होतो. प्रकाश बाळ जोशी टाईम्स ऑफ इंडीया या वृत्तपत्रात काम करतात. त्यापूर्वी अनेक वृत्तपत्रात ते सातत्याने लिखण करीत असत. आज दिनांक या वृत्तपत्रात त्यांनी जे स्तंभ लेखन केले होते ते गेटवे या नावाने पुस्तकरुपात यापूर्वी प्रसिध्द झाले आहे. गेटवे ची आवृत्ती आता उपलब्ध नाही. गेटवे मिपाच्या वाचकांना उपलब्ध करून देण्यासाठी गेटवेचे प्रकाशन (पुनःप्रकाशन) लेखमालीकेच्या स्वरुपात करण्याचा मानस आहे. या पुस्तकाची प्रस्तावना आणि पुस्तकाचे मुखपृष्ठ येत्या एकदोन दिवसात मिपावर वाचता येईल. त्यानंतर एकेक लेख दर आठवड्यात टाकण्याचा मनसुबा आहे. अशा प्रयोगांना सुफल करण्यासाठी या प्रयोगाची माहीती सर्व सदस्यांना द्यावी या उद्देशाने हे टिपण लिहीले आहे श्री. प्रकाश बाळ जोशी यांची अधिक माहीती खाली दिलेल्या दुव्यावर मिळेल. http://www.prakashbaljoshi.com/ http://innerimpressions.blogspot.com/