काश्मिरी पुलाव :
हा माझा आवडता प्रकार आहे बर्याच दिवसापासून विचार करत होते कि ,एकदा वीकेण्ड्ला बनवावा ,पण साहित्याची जमवाजमव होत नव्हती.
गाजर आहे तर अननस नाही , अननस आहे तर सफरचंद नाही ,हिरवे मटार आहेत तर काजुबदाम संपलेले !
शेवटी या विकेंडला ठरवलंच सर्व साहित्य जमा करायचं आणी पुलाव बनवायचाच !
योगायोग बघा ,घरातले सर्वजण साखरपुड्याला बाहेर गेलेले ,घरात फक्त मी आणि आज्जी .
म्हटलं चला आज श्री गणेशा करूनच टाकूया .
एरवी किचनमध्ये माझी लुडबुड चालू असते तेव्हा " झाले हिचे उपद्व्याप सुरु ,,"हिला काय अवार्ड-बिवार्ड मिळणार आहे का? "उगा का संजीव कपूरच्या पोटावर पाय " असेच टोमणे ऐकायला मिळतात पण आज कुणी नव्हत टोमणे मारायला ;)
असो ..
चला मग लागा तयारीला .....
साहित्य :
२ कप बासमती तांदूळ (लांब शीत असणारा )
२ कप दुध
१ कप मलई
१ चमचा साखर ,मीठ चवीनुसार
जीर अर्धा चमचा
लवंग ३-४ ,
दालचिनी १-२ तुकडे ,
हिरवी इलायची ४-५
१ तेज पत्ता ( तमाल पत्र )
२ चमचे तूप
मनुके २ चमचे
गाजराचे काप अर्धी वाटी
हिरवा मटार ३ चमचे ,
बिन्स २ चमचे
मक्याचे दाने उकडलेले १ चमचा (ऑप्शनल)
अननसाचे तुकडे अर्धी वाटी (तुम्हाला जी फळे आवड्तात त्या नुसार)
काजू ,बदाम आवडीनुसार हवे तेवढे
सुके काळे मनुके २ चमचे
केसर चुटकी भर
कृती :
बासमती तांदूळ स्वच्छ धुवून १५ - २० मिनिट ड्रेन करा
दुध ,मलाई ,साखर ,केसर यांचे मिश्रण करून घ्या .
एका नॉनस्टिक पॅनमध्ये /कुकरमध्ये मध्ये २ चमचे तूप गरम करा
त्यात जीरा ,दालचिनी ,लवंग ,तेजपत्ता याचा तडका द्या
आता यात धुतलेले तांदूळ ३-4 मिनिट हळुवार परतून घ्या
चवीनुसार मीठ घाला
आता यात मिश्रित दुध घालून पॅनवर झाकण ठेवा
तांदळाची शीत अखंड राहावी या करिता त्याला एकदाच व्यवस्थित हलवून घ्या.
तांदूळ अर्धा शिजला कि , त्यात गाजराचे काप,बिन्स ,सुके मनुके ,अननसाचे काप ,काळे मनुके ,तळुन घेतलेले काजु घाला.
(फळे शिजायला जास्ती वेळ लागत नाही म्हणून ,तांदूळ अर्धा शिजल्यावर फळे घालावीत ,नाहीतर फळांचा लगदा होईल )
हा पुलाव चवीला गोडसर आणि यम्मी लागतो :)
(तुम्ही यात तुमची आवडती फळे पण घालू शकता संत्र ,सफरचंद ,अननस ,काळी द्राक्ष इत्यादी )
प्रतिक्रिया
8 Aug 2011 - 3:51 pm | स्वानन्द
मस्तच!!
म्हणजे भात दुधात शिजवायचा?? आणि ते प्लेट्मध्ये दोन सोयाबीन चे ठो़कळेआहेत का?
अवांतरः स्पष्ट चित्र टाकल्याबद्दल अभिनंदन!!
8 Aug 2011 - 3:58 pm | पियुशा
धन्यवाद :)
हो ते सोया क्युब्स आहेत
भात काय म्हणतोस? हो पुलाव दुधात शिजवायचा
मला पण जमतय आता फटु कसे टाकायचे ते ;)
8 Aug 2011 - 5:20 pm | आत्मशून्य
तसचं, सोया क्यूब्ज बघून डोळे पाणावले.
8 Aug 2011 - 4:06 pm | पल्लवी
गोड पुलाव मला फारसा रुचत नाही.
पण फटु बघुन भूक चाळवली.. एकदम ढिन्च्याक.. आवडेश.
8 Aug 2011 - 4:21 pm | स्पा
ओह्ह.. आय सी .. ते सोय क्युब्स आहेत होय...
हॅ हॅ
9 Aug 2011 - 1:36 pm | मृत्युन्जय
#$#@*^&@
तुझ्या कल्पनाशक्तीला शतशः प्रणाम
_/\__/\__/\__/\__/\__/\__/\__/\__/\__/\_
_/\__/\__/\__/\__/\__/\__/\__/\__/\__/\_
_/\__/\__/\__/\__/\__/\__/\__/\__/\__/\_
_/\__/\__/\__/\__/\__/\__/\__/\__/\__/\_
_/\__/\__/\__/\__/\__/\__/\__/\__/\__/\_
_/\__/\__/\__/\__/\__/\__/\__/\__/\__/\_
_/\__/\__/\__/\__/\__/\__/\__/\__/\__/\_
_/\__/\__/\__/\__/\__/\__/\__/\__/\__/\_
_/\__/\__/\__/\__/\__/\__/\__/\__/\__/\_
_/\__/\__/\__/\__/\__/\__/\__/\__/\__/\_
8 Aug 2011 - 4:24 pm | गणपा
गुरुदक्षिणा पोहोचली बर का. ;)
फटु लै कलरफुल आणि भारी आलाय.
फक्त ते गॉड लागत म्हणुन आम्ही त्यातुन फळे बाद करुन त्याच्या जागी कोलंबी, चिकन वा मटण टाकुन प्रयोग करु. ;)
8 Aug 2011 - 4:42 pm | पियुशा
@ गणपा
धन्यवाद गुरुवर्य ;)
8 Aug 2011 - 4:57 pm | कच्ची कैरी
व्वा !पियु ,फोटो एकदम मस्त आला हं! लगे रहो :)
8 Aug 2011 - 5:10 pm | पिंगू
गोड पुलाव केल्याबद्दल निषेध.. आपल्याला तिखट चवीचा पुलाव आवडतो. त्याची फर्माईश पूर्ण केली जावी..
- (तिखट) पिंगू
9 Aug 2011 - 12:50 pm | पियुशा
गोड पुलाव केल्याबद्दल निषेध.. आपल्याला तिखट चवीचा पुलाव आवडतो. त्याची फर्माईश पूर्ण केली जावी..
आयला, ह्या मि पा वरच्या काही लोकान्च काही कळ्तच नाही राव !
तिखट ,झणझणीत बनवल तर "काय नुसता तिखट्जाळ पा.क्रु.
आणी गोड बनवल ,तर तिखट पाहिजे ?
कहा (डुब मरे ) जाये हम ;)
11 Aug 2011 - 5:35 pm | विश्वनाथ मेहेंदळे
बाप आणि मुलाची जोडी गाढवाबरोबर जात असते, ती गोष्ट माहित आहे ना ?
बाकी, पाकृ छान. गणपा शेठ म्हणतात त्याप्रमाणे याचा सामिष प्रयोग व्हायला पाहिजे.
8 Aug 2011 - 5:44 pm | सूड
फटू दिसत नाहीये.
8 Aug 2011 - 6:10 pm | कच्चा पापड पक्क...
कलरफुल फोटो :-)
मला तर बुवा गोड भात आवडतो .
नक्की प्रयत्न करुन बघेन
8 Aug 2011 - 6:13 pm | निवेदिता-ताई
मस्त ग ...करुनच पहाते...पुलाव
8 Aug 2011 - 6:15 pm | स्मिता.
पाकृ आणि फोटु, दोन्ही पण मस्त गं पियुशा!
शिकली गं बाई पोरगी एकदाची ;)
8 Aug 2011 - 6:23 pm | विशाखा राऊत
अरे वाह पियु शिकलीस ग :)
एकदा कॉलेजमध्ये असताना खाल्ला होता पण अननस गोड भात आवडला नाही त्यापेक्षा तिखट काहीही चालेल :)
बाकी फोटो मस्त
8 Aug 2011 - 9:50 pm | पिवळा डांबिस
शेवटी या विकेंडला ठरवलंच सर्व साहित्य जमा करायचं आणी पुलाव बनवायचाच !
योगायोग बघा ,घरातले सर्वजण साखरपुड्याला बाहेर गेलेले ,घरात फक्त मी आणि आज्जी .
बिचारी आज्जी!
या वयात तिला अननसाची खिचडी खायला लागतीय!!!!!!
;)
9 Aug 2011 - 12:58 pm | गणपा
हा काका पक्का जागतोय त्याच्या नावाला. =)) =))
9 Aug 2011 - 1:53 pm | इंटरनेटस्नेही
बर्यापैकी जमले आहे. फोटो देखीलॅ चान चान..
पियुषा विरोधकांकडे संपुर्ण दुर्लक्ष कर, आणि पाककृतींचे प्रयोग सुरु ठेव.. शुभेच्छा!
9 Aug 2011 - 2:17 pm | पक्या
सुंदर फोटो. पुलाव ही छान सजवला आहे आपण.
पाइनापल राईस मला आवडतो. त्यामुळे हा पुलाव ही आवडेल.
9 Aug 2011 - 2:17 pm | पक्या
सुंदर फोटो. पुलाव ही छान सजवला आहे आपण.
पाइनापल राईस मला आवडतो. त्यामुळे हा पुलाव ही आवडेल.
9 Aug 2011 - 7:23 pm | सविता००१
मस्त आहे तुझी रेसिपी आणि फोटोपण धिन्च्याक.
10 Aug 2011 - 7:21 pm | chikusi
फोटो खुप छान आला आहे..... आवड्ला :)
गोडसर पुलाव चविला वेगला आणि रुचकर दिसतोय!!!!!
11 Aug 2011 - 11:01 am | सुप्रिया
मस्त रेसिपी. पुलाव आवडला.
22 Sep 2011 - 5:40 pm | देशीसंत्रा
पाकृ अतिशय सुंदर आहे. हा घ्या आमच्या प्रयोगाचा फोटु, आणि सांगा पास झालोय का नाही ते !
30 Sep 2011 - 10:50 am | चिंतामणी
खाउन पाहील्याशिवाय कसा निर्णय देणार.
("आमच्या प्रयोगाचा फोटु" ह्या "आमच्या"मधे कोण कोण सहभागी आहेत???);) ;-) :wink:
30 Sep 2011 - 10:36 am | पियुशा
@ देशी सन्त्रा
अहो फोटो दिसत नाहिये