हैदराबादमध्ये भेटूया का?

मित्रहो, लोकायत संस्थळ समूहाचे सन्माननीय संचालक श्री. नीलकांत हे ऑगस्ट महिन्यातील तिसर्‍या रविवारी (२१/२२ तारखेस) हैदराबाद मुक्कामी येणार असल्याचे समजते. ही सुवर्णसंधी साधून त्यांच्या समवेत हैदराबाद येथे शनिवार दि. २१ ऑगस्ट २०११ रोजी समस्त मराठी संस्थळ बंधू-भगिनींचे एक स्नेहसंमेलन करावे असा एक विचार होत आहे. हैदराबाद येथे असे स्नेहसंमेलन आयोजित केल्यास त्यास किती जण उपस्थित राहू शकतील? आणि त्याचे स्वरूप काय असेल? याचा आराखडा तयार करण्यासाठी मी हे प्राथमिक निवेदन देत आहे. कृपया हैदराबादस्थित आणि त्या काळात हैदराबादला असू शकणार्‍या सर्व सभासदांनी आपली मते मांडावीत. शुद्ध मराठीत - नीलकांत येत्या २१ तारखेला हैदराबादला असणार. तेव्हा हैदराबादला कट्टा केला तर कोणकोण येणार?